ស្តេចតោសម្បុរសអាឡិច សាន់ឌ័រ ប៉ូវេតគីនបានយកឈ្នះអតីតម្ចាស់ជើងឯកក្នុងប្រភេទទម្ងន់ធ្ងន់ពិភពលោកស្ថាប័ន WBA រូស្ល៊ែន ឆាហ្គាអេវដោយពិន្ទុជាឯកច្ឆន្ទក្នុងការប្រកួតកាលពីរាត្រីថ្ងៃសៅរ៍ទី២៧សីហានៅសង្វៀន Messehalle ក្រុង Erfurt ប្រទេសអាល្លឺម៉ង់ក្លាយជាម្ចាស់ខ្សែក្រវាត់ស្ថាប័ន WBA ដែលនៅទំនេរ។
ស្តេចតោសម្បុរសអាឡិច សាន់ឌ័រ ប៉ូវេតគីនបានយកឈ្នះអតីតម្ចាស់ជើងឯកក្នុងប្រភេទទម្ងន់ធ្ងន់ពិភពលោកស្ថាប័ន WBA រូស្ល៊ែន ឆាហ្គាអេវដោយពិន្ទុជាឯកច្ឆន្ទក្នុងការប្រកួតកាលពីរាត្រីថ្ងៃសៅរ៍ទី២៧សីហានៅសង្វៀន Messehalle ក្រុង Erfurt ប្រទេសអាល្លឺម៉ង់ក្លាយជាម្ចាស់ខ្សែក្រវាត់ស្ថាប័ន WBA ដែលនៅទំនេរ។
ខ្សែក្រវាត់នេះដើមឡើយជារបស់កីឡាករវ្ល៉ាឌីមៀ ឃ្លីតស្កូបន្ទាប់ពីគេវាយបានពីកីឡាករអង់គ្លេសដេវីដ ហេនៅប្រទេសអាល្លឺម៉ង់កាលពីខែកន្លងមក។ ប៉ុន្តែក្រោយមកត្រូវបានប្រកាសដាក់ឲ្យនៅទំនេរខណៈដែលឃ្លីតស្កូត្រូវបានលើកតំកើងក្នុងឋានៈកំពូលជើងឯក(super champion)។
សម្រាប់កីឡាករប៉ូវេតគីន នេះគឺជាឱកាសមាសលើកទី១ និងជាលើកចុងក្រោយក្នុងការគ្រងជើងឯកទម្ងន់ធ្ងន់ពិភពលោកបន្ទាប់ពីស្ថិតនៅក្នុងភាពទំនេរគ្មានខ្សែក្រវាត់អស់៧ឆ្នាំរួចមក។ ការប្រកួតលើកនេះ ប៉ូវេតគីនទទួលការបង្ហាត់ពីអ្នកវិភាគកីឡាប្រដាល់ប្រចាំទូរទស្សន៍ ESPN លោកថេតឌី អែតឡាសនៅប្រទេសរុស្ស៊ី។ កាលពីឆ្នាំ២០០៨ ការប្រកួតរបស់កីឡាករប៉ូវេតគីនហាក់ដូចជាធម្មតា តែគេនៅតែអាចយកឈ្នះកីឡាករគ្រីស បឺដនិងអេដឌី ឈែមប៊័រដោយពិន្ទុ។ បន្ទាប់ពីនោះមក ប៉ូវេតគីនដូចជាចុះខ្សោយកម្លាំង។ ល្បឿននៃការវាយចេញរបស់គេយឺតៗនិងមិនមុតស្រួចដូចជាលើកមុនឡើយ។
លទ្ធផលនៃការប្រកួតលើកនេះ ចៅក្រមទាំង៣រូបឲ្យពិន្ទុ ១១៦-១១២ ១១៧-១១៣ និង១១៧-១១៣ ។ ថ្លែងបន្ទាប់ពីទទួលបានជ័យជម្នះប៉ូវេតគីនបានបញ្ជាក់ថា៖ «នេះជាការប្រកួតយ៉ាងស្វិតស្វាញមួយ។ វាពិតជាពិបាកក្នុងការវាយត្រូវមុខគេ។ គេជាកីឡាករម្នាក់ដែលពិបាកនឹងយកឈ្នះ ហើយពូកែអត់ធ្មត់បំផុត»។
ចំណែកកីឡាករឆាហ្គាអេវវិញ ការប្រកួតលើកនេះក៏សំខាន់ណាស់ដែរសម្រាប់រូបគេ តែវាក៏ជាគ្រោះថ្នាក់មួយផងដែរ ។ ចាប់តាំងពីបានចាញ់វ្ល៉ាឌីមៀ ឃ្លីតស្កូមក ការប្រកួតរបស់គេហាក់មិនសូវជាល្អប៉ុន្មានទេ ជាក់ស្តែងកាលពីប្រកួតជាមួយកីឡាករកាលី មីហាន់និងត្រាវីស វ៉កឃ័រការវាយចេញរបស់គេមិនជាល្អប៉ុន្មានទេ។ ថ្វីដ្បិតតែការប្រកួតលើកនេះ គេអាចធ្វើឲ្យកីឡាករប៉ូវេតគីនជួបនឹងបញ្ហាខ្លះៗក៏ដោយ តែទីបំផុតនៅតែបរាជ័យដដែល ។ កីឡាកររូបនេះបាននិយាយថា៖«ខ្ញុំពិតជាមានការសោកស្តាយ។ ចាត់ទុកថានេះមិនមែនជាថ្ងៃហេងរបស់ខ្ញុំ។ ប៉ូវេតគីនជាកីឡាករល្អម្នាក់ ។ ពេលនេះគេបានក្លាយជាជើងឯកពិភពលោកពិតប្រាកដហើយ» ។
ឆាហ្គាអេវដែលមានវ័យ៣២ឆ្នាំហើយនោះធ្លាប់ប្រកួតចំនួន៣០លើកឈ្នះ២៧ ចាញ់២ ស្មើ១ និងធ្លាប់ផ្តួលដៃគូឲ្យសន្លប់ចំនួន១៧លើក ។ ចំណែកកីឡាករប៉ូវេតគីនធ្លាប់ប្រកួតចំនួន២២លើក មិនដែលចាញ់ និងផ្តួលដៃគូឲ្យសន្លប់ចំនួន១៥លើក ៕
ចែករំលែកព័តមាននេះ