រាជធានីភ្នំពេញ ៖ ស្ត្រីអាជីវករប្តូរប្រាក់ម្នាក់បានរងរបួសយ៉ាងធ្ងន់ធ្ងរ និងបានស្លា.ប់បាត់បង់ជីវិតពេលគេបញ្ជូនទៅសង្គ្រោះនៅមន្ទីរពេទ្យ កាល់ម៉ែត ដល់ពាក់កណ្តាលផ្លូវដោយសារចោរប្លន់ប្រដាប់អាវុធ១ក្រុមធ្វើ សកម្មភាពបា.ញ់ប្រហារប្លន់យកកាបូបលុយអស់ចំនួនជាង១០០លានរៀល ស្មើនឹងប្រហែល៣ម៉ឺនដុល្លារ។
រាជធានីភ្នំពេញ ៖ ស្ត្រីអាជីវករប្តូរប្រាក់ម្នាក់បានរងរបួសយ៉ាងធ្ងន់ធ្ងរ និងបានស្លាប់បាត់បង់ជីវិតពេលគេបញ្ជូនទៅសង្គ្រោះនៅមន្ទីរពេទ្យកាល់ម៉ែត ដល់ពាក់កណ្តាលផ្លូវដោយសារចោរប្លន់ប្រដាប់អាវុធ១ក្រុមធ្វើសកម្មភាពបាញ់ប្រហារប្លន់យកកាបូបលុយអស់ចំនួនជាង១០០លានរៀល ស្មើនឹងប្រហែល៣ម៉ឺនដុល្លារ។
អំពើប្លន់ឃោរឃៅនេះបានកើតឡើងខណៈស្ត្រីរងគ្រោះកំពុងជិះម៉ូតូធ្វើដំណើរចេញពីកន្លែងប្តូរលុយមួយកន្លែងម្តុំផ្សារអូឡាំពិក ខណ្ឌចំការមន ត្រឡប់ទៅផ្ទះវិញនៅម្តុំរង្វង់មូលថ្នល់បំបែកចោមចៅជាមួយកូនប្រុស ប៉ុន្តែដល់ពាក់កណ្តាលផ្លូវប៉ុណ្ណោះ ។
ហេតុការណ៍នោះបានកើតឡើងកាលពីវេលាម៉ោង១០និង២០នាទីព្រឹកថ្ងៃទី២៨ សីហា ២០១១ នៅលើកំណាត់មហាវិថីសហព័ន្ធរុស្ស៊ី ត្រង់ចំណុចកន្លែងលក់ខោអាវជជុះម្តុំដងនង្គ័ល មុខព្រលានយន្តហោះអន្តរជាតិភ្នំពេញ ភូមិព្រៃទា សង្កាត់ចោមចៅ ខណ្ឌដង្កោ រាជធានីភ្នំពេញ។ ស្ត្រីរងគ្រោះឈ្មោះជួន ធារ៉ា អាយុ៤៨ឆ្នា មុខរបរប្តូរប្រាក់ ត្រូវចោរបាញ់៣គ្រាប់ផ្ទុះ១គ្រាប់ ចំដើមទ្រូងខាងឆ្វេងធ្លាយទៅក្រោយ ចំណែកឯកូនប្រុសរបស់គាត់ឈ្មោះផុន ឡាទី អាយុ២១ឆ្នាំ មិនរងរបួសអ្វីនោះឡើយ ពួកគេរស់នៅក្បែររង្វង់មូលថ្នល់បំបែកចោមចៅ ភូមិព្រៃជីសាក់ សង្កាត់ចោមចៅ ខណ្ឌដង្កោ។
ដោយឡែក ក្រុមចោរប្លន់មានគ្នា៣នាក់ស្លៀកពាក់ស៊ីវិលប្រដាប់ដោយកាំភ្លើងខ្លី២ដើម ជិះម៉ូតូធុនហុងដាឌ្រីម C125 ពីរគ្រឿង ក្រោយពេលធ្វើសកម្មភាពបាញ់ប្លន់ដណ្តើមយកកាបូបលុយជាង១០០លានរៀលពីស្ត្រីរងគ្រោះ រួចហើយពួកគេបានគេចខ្លួនបាត់ ដោយសុវត្ថិភាព។ តាមប្រភពព័ត៌មានបានឱ្យដឹងថា នៅមុនពេលកើតហេតុ ស្ត្រីរងគ្រោះ និងកូនប្រុសជិះម៉ូតូ១គ្រឿង ម៉ាកអ៊ែរប្លែត ពាក់ស្លាកលេខ ភ្នំពេញ 1AX-2125 ពណ៌ខ្មៅ នាំយកលុយចំនួន៣ម៉ឺនដុល្លារអាេមរិកទៅប្តូរយកប្រាក់រៀលជាង១០០លានរៀល នៅផ្ទះលេខ៥២ ម្តុំផ្សារអូឡាំពិក ខណ្ឌចំការមន ដែលជាកន្លែងប្តូរប្រាក់ធំមួយ ។ លុះក្រោយពេលដូររួច ស្ត្រីរងគ្រោះ និងកូនប្រុសបានជិះម៉ូតូឌុបគ្នា ត្រឡប់ទៅផ្ទះវិញ ដោយដាក់លុយនៅក្នុងកាបូបស្ពាយមួយ ហើយពេលទៅដល់ពាក់កណ្តាលផ្លូវត្រង់ចំណុចកើតហេតុខាងលើ ស្រាប់តែមានជនសង្ស័យ៣នាក់ស្លៀកពាក់ស៊ីវិលជិះម៉ូតូដេញតាមពីក្រោយកៀរឱ្យឈប់ រួចដកកាំភ្លើងខ្លីភ្ជង់គំរាមឱ្យប្រគល់កាបូបលុយឱ្យពួកគេ។ ខណៈនោះស្ត្រីរងគ្រោះមិនព្រមប្រគល់កាបូបលុយនោះឱ្យឡើយ ឯក្រុមចោរក៏បានដណ្តើមយក តែជនរងគ្រោះនៅតែមិនព្រមឱ្យដដែល ហើយប្រវាយប្រតប់គ្នាទើបក្រុមចោរបាញ់ប្រហារចំនួន៣គ្រាប់ ប៉ុន្តែផ្ទុះ១គ្រាប់ត្រូវទ្រូងឆ្វេងស្ត្រីរងគ្រោះបណ្តាលឱ្យដេកដួលក្នុងថ្លុកឈាមតែម្តង ៕
ចែករំលែកព័តមាននេះ