តម្លៃប្រេងអាចធ្លាក់ចុះនៅសប្តាហ៍ក្រោយនេះ ក្រោយពេលដែលក្រុមឧទ្ទាមលីប៊ីគ្រប់គ្រងប្រទេសបានទាំងស្រុងបន្ទាប់ពីទាត់ទម្លាក់មេដឹកនាំរបស់ខ្លួន Muammar Qaddafi។ វាក៏ជាការចាប់ផ្តើមស្តារឡើងវិញក្នុងការនាំចេញប្រេង។ នេះបើតាមការស្ទង់មតិរបស់សារព័ត៌មាន Blooberg។ អ្នកវិភាគប្រមាណ៥០ភាគរយព្យាករថា
តម្លៃប្រេងអាចធ្លាក់ចុះនៅសប្តាហ៍ក្រោយនេះ ក្រោយពេលដែលក្រុមឧទ្ទាមលីប៊ីគ្រប់គ្រងប្រទេសបានទាំងស្រុងបន្ទាប់ពីទាត់ទម្លាក់មេដឹកនាំរបស់ខ្លួន Muammar Qaddafi។ វាក៏ជាការចាប់ផ្តើមស្តារឡើងវិញក្នុងការនាំចេញប្រេង។ នេះបើតាមការស្ទង់មតិរបស់សារព័ត៌មាន Blooberg។ អ្នកវិភាគប្រមាណ៥០ភាគរយព្យាករថា តម្លៃប្រេង នឹងធ្លាក់ចុះចាប់ពីថ្ងៃទី២ កញ្ញា ចំណែកអ្នកវិភាគ២៦ភាគរយផ្សេងទៀតថា ប្រេងឡើងថ្លៃ។
លោក Ahmed Jehani ប្រធានក្រុមប្រឹក្សាពួកឧទ្ទាមលីប៊ីនិយាយថា ក្រុមប្រឹក្សាដឹកជញ្ជូនជាតិលីប៊ីមានផែនការបូមប្រេងឡើងវិញនៅប៉ុន្មានសប្តាហ៍ខាងមុខ។ គាត់បន្តថា លីប៊ីនឹងខំផលិតប្រេងឱ្យបាន១,៥លានបារ៉ែលក្នុងមួយថ្ងៃ។ តាមរបាយការណ៍របស់ទីភ្នាក់ងារអន្តរជាតិដែលមានមូលដ្ឋានក្នុងទីក្រុងប៉ារីស បង្ហាញថា ផលិតផលប្រេងក្នុងប្រទេសលីប៊ីធ្លាក់ចុះមកត្រឹមតែ៦០.០០០បារ៉ែលក្នុងមួយថ្ងៃ នាខែកក្កដា។
លោក Michael Lynch ប្រធានយុទ្ធសាស្ត្រថាមពល និងស្រាវជ្រាវសេដ្ឋកិច្ចក្នុងទីក្រុង Winchester សហរដ្ឋអាមេរិកនិយាយថា «យើងមិនដែលឃើញព័ត៌មាននៃការធ្លាក់ចុះប្រេងរបស់ប្រទេសល៊ីបីឡើយ។ យើងកំពុងសម្លឹងតាមដានការផលិតប្រេងឡើងវិញនាពេលឆាប់ៗខាងមុខ ហើយខ្ញុំគិតថា វានឹងសម្រាលដល់ផលប៉ះទង្គិចក្នុងទីផ្សារពិភពលោកនៅសប្តាហ៍ក្រោយ»។
លោក Edward Morse ប្រធានស្រាវជ្រាវទំនិញនៃក្រុមហ៊ុន City Group Global Market Inc. ព្យាករថា ប្រទេសលីប៊ីអាចផលិតប្រេងបន្ថែមចំនួនពីរសែនបារ៉ែលក្នុងមួយថ្ងៃ នៅចន្លោះពីខែកញ្ញា ហើយបង្កើនដល់៥សែនបារ៉ែលក្នុងមួយថ្ងៃនៅដំណាច់ឆ្នាំនេះ ហើយអាចបង្កើនការផលិតដល់១,៦លានបារ៉ែលក្នុងមួយថ្ងៃនៅដំណាច់ឆ្នាំ២០១២។ តម្លៃប្រេងនៅទីផ្សារទីក្រុងញ៉ូវយ៉ក៨៤,៧៩ដុល្លារក្នុងមួយបារ៉ែលនាសប្តាហ៍នេះ តែគេរំពឹងទុកជាមុនថា វានឹងធ្លាក់ចុះ៧ភាគរយក្នុងឆ្នាំនេះ៕
ចែករំលែកព័តមាននេះ