ទីក្រុងមូស្គូ ៖ ប្រេសិតពិសេសជំនាញសេដ្ឋកិច្ចរបស់រុស្ស៊ី លោក Kirill Dmitriev បានប្រាប់ទីភ្នាក់ងារសារព័ត៌មាន Reuters កាលពីថ្ងៃទី១៩ ខែមិថុនា…
ទីក្រុងមូស្គូ ៖ ប្រេសិតពិសេសជំនាញសេដ្ឋកិច្ចរបស់រុស្ស៊ី លោក Kirill Dmitriev បានប្រាប់ទីភ្នាក់ងារសារព័ត៌មាន Reuters កាលពីថ្ងៃទី១៩ ខែមិថុនា ឆ្នាំ២០២៥ ថា រុស្ស៊ី សហរដ្ឋអាមេរិក និងអារ៉ាប៊ីសាអូឌីត អាចធ្វើសកម្មភាពរួមគ្នា ដើម្បីរក្សាស្ថិរភាពទីផ្សារប្រេង ប្រសិនបើចាំបាច់។
តម្លៃប្រេងឆៅបានកើនឡើងកាលពីថ្ងៃព្រហស្បតិ៍ បន្ទាប់ពីអ៊ីស្រាអែលប្រកាសថា ខ្លួនបានវាយប្រហារពេញមួយយប់លើទីតាំងនុយក្លេអ៊ែរអ៊ីរ៉ង់នៅទីក្រុងណាតាន (Natanz) និងអារ៉ាក (Arak) ស្របពេលវិនិយោគិនប្រឈមនឹងការភ័យខ្លាចនៃជម្លោះរីករាលដាលកាន់តែធំនៅតំបន់មជ្ឈិមបូព៌ា ដែលអាចរំខានដល់ការផ្គត់ផ្គង់ប្រេងឆៅ។
លោក Kirill Dmitriev ដែលជាប្រធានមូលនិធិទ្រព្យសម្បត្តិអធិបតេយ្យរបស់រុស្ស៊ី បានលើកយកគំរូសកម្មភាពរួមគ្នា កាលពីឆ្នាំ២០២០ មករំលេចថា «មានឧទាហរណ៍មួយនៅពេលប្រធានាធិបតីរុស្ស៊ី លោក វ្លាដឺមៀរ ពូទីន (Vladimir Putin) ប្រធានាធិបតីសហរដ្ឋអាមេរិក លោក ដូណាល់ ត្រាំ (Donald Trump) និងព្រះអង្គម្ចាស់មូហាម៉ាត់ ប៊ីន សាលម៉ាន (Mohammed bin Salman នៃអារ៉ាប៊ីសាអូឌីត បានដើរតួយ៉ាងសំខាន់ក្នុងការធ្វើឱ្យទីផ្សារប្រេងមានស្ថិរភាព។ យើងអាចថាវាឆាប់ពេក ដើម្បីនិយាយអំពីសកម្មភាពរួមគ្នាជាក់ស្តែង ប៉ុន្តែផ្អែកលើគំរូកាលពីមុន សកម្មភាពបែបនេះគឺអាចទៅរួច»។
គួររំលឹកថា កាលពីរដូវក្តៅឆ្នាំ២០២០ នៅពេលតម្លៃប្រេងបានធ្លាក់ចុះ ចំពេលមានការរីករាលដាលជំងឺកូវីដ១៩ លោក ត្រាំ បានចុះកិច្ចព្រមព្រៀងជាមួយក្រុមហ៊ុនប្រេងលំដាប់កំពូលរបស់រុស្ស៊ី និងអារ៉ាប៊ីសាអូឌីត ដើម្បីកាត់បន្ថយផលិតកម្មប្រេង និងធ្វើឱ្យទីផ្សារស្ងប់ស្ងាត់។
នៅត្រង់ចំណុចនេះ លោក Dmitriev បានលើកឡើងថា ព្រឹត្តិការណ៍នៅតំបន់មជ្ឈិមបូព៌ាកំពុងបង្កើតលក្ខខណ្ឌនៃការកើនឡើងតម្លៃប្រេងឆៅ ដោយគ្រប់គ្នាមិនដឹងថា តើការកើនឡើងនេះនឹងទៅជាយ៉ាងណានោះទេ0x017d7 ដូច្នេះឈរលើភាពស្រពិចស្រពិលនេះ លទ្ធភាពនៃការបន្ធូរបន្ថយការរឹតបន្តឹងបន្ថែមទៀតលើវិស័យថាមពលរបស់រុស្ស៊ី គួរតែអាចកើតឡើង ដោយសំដៅលើការពិភាក្សារបស់សហភាពអឺរ៉ុបជុំវិញទណ្ឌកម្មប្រឆាំងនឹងរុស្ស៊ី៕ ប្រភព ៖ Reuters
ចែករំលែកព័តមាននេះ