សង្គ្រាមអ៉ីរ៉ង់៖ សង្គ្រាមដែលអាមេរិក និងអ៉ីស្រាអែលបានធ្វើនៅអ៉ីរ៉ង់ ដែលនៅបន្តហាក់ដូចជារំកិលបន្តិចម្ដងៗទៅរកជម្លោះសកលមួយហើយ ។ តាមកាសែតអង់គ្លេសFINANCIAL TIMES ថា ដោយសារសង្គ្រាមនោះតំបន់មជ្ឈឹមបូព៌ា ជារួមកំពុងស្ថិតក្នុងភាពតានតឹង…
សង្គ្រាមអ៉ីរ៉ង់៖ សង្គ្រាមដែលអាមេរិក និងអ៉ីស្រាអែលបានធ្វើនៅអ៉ីរ៉ង់ ដែលនៅបន្តហាក់ដូចជារំកិលបន្តិចម្ដងៗទៅរកជម្លោះសកលមួយហើយ ។ តាមកាសែតអង់គ្លេសFINANCIAL TIMES ថា ដោយសារសង្គ្រាមនោះតំបន់មជ្ឈឹមបូព៌ា ជារួមកំពុងស្ថិតក្នុងភាពតានតឹង ហើយអ៉ឺរ៉ុបកាន់តែទាក់ទិនរួចអាស៊ីក៏គេចមិនផុតដែរ ។
នាវាមុជទឹកអាមេរិកមួយគ្រឿង បានប្រើគ្រាប់បែកបុកក្នុងទឹក ដើម្បីពន្លឹចនាវាចម្បាំងអ៉ីរ់ង់១គ្រឿងក្នុងមហាសមុទ្រឥណ្ឌា កាលពីថ្ងៃទី៤ មីនា ។ នេះជាការវាយប្រហារនៅក្រៅអ៉ីរ៉់ង់ដែលបណ្ដាលឲ្យមនុស្សស្លាប់៨៧នាក់ ចំណែកសមាជិកក្រុមនាវិក៦១នាក់ទៀតបាត់ខ្លួន។ ការវាយប្រហារនេះកើតមានក្នុងដែនទឹកស្រីលង្កាតែពិតណាស់ សភាពការណ៍ស្មុគ្រស្មាញបំផុតជុំវិញអ៉ីរ៉ង់។
ក្រៅពីភាពតានតឹងក្នុងបណ្ដាប្រទេសនៅឈូងសមុទ្រពែរ្ស៍ជាសម្ព័ន្ធមិត្តអាមេរិក ដែលនៅតែរងការវាយប្រហាររបស់អ៉ីរ៉ង់ តួកគីក៏ចូលទាក់ទិននឹងជម្លោះនោះដែរ ។ កាសែត POLITICO រាយការណ៍ថា ប្រព័ន្ធការពារមីស៊ីលរបស់អូតង់ កាលពីថ្ងៃទី៤ មីនា បានកម្ទេចមីស៊ីលបាលីស្ទិកមួយគ្រាប់ដែលអ៉ីរ៉ង់បាញ់សំដៅតួកគី។ នេះជាការអះអាងរបស់រដ្ឋាភិបាលតួកគី។ ជាលើកដំបូងដែលប្រទេសមួយសមាជិកអូតង់រងការប៉ះពាល់។
ថ្ងៃទី៤មីនា ដែរកងទ័ពអ៉ីស្រាអែលបានលើកចូលក្នុងភាគខាងត្បូងលីបង់ ក្រោយការទម្លាក់គ្រាប់បែកខ្លាំងក្លាលើលីបង់ ដែលអ៉ីស្រាអែលថា ជាការតបតចំពោះការវាយប្រហាររបស់ក្រុមហេស
ប៊ុលឡាហ៍លីបង់លើដែនដីអ៉ីស្រាអែល ។ កងទ័ពអ៉ីស្រាអែលបានវាយលុកតាមជើងគោកចូលលីបង់ជាថ្មីទៀត ។ កងទ័ពអ៉ីស្រាអែលពេលនេះបានប្រាប់ដល់ពលរដ្ឋលីបង់ឲ្យជម្លៀសចេញទៅមកកាន់ភាគខាងជើងនៃទន្លេលីតានី ។
ក្រសួងសុខាភិបាលលីបង់ប្រកាសថា ការឈ្លានពានថ្មីរបស់អ៉ីស្រាអែលលើលីបង់ បណ្ដាលឲ្យមនុស្សស្លាប់ដល់៧២នាក់និងរបួស២៤៦នាក់។ នៅអឺរ៉ុបដោយអេស្ប៉ាញមិនអនុញ្ញាតឲ្យអាមេរិកប្រើដែនដីខ្លួន ដើម្បីវាយប្រហារអ៉ីរ៉ង់ បណ្ដាលឲ្យប្រធានាធិបតីអាមេរិក លោកដូណាល់ត្រាំខឹងយ៉ាងខ្លាំង និងកាត់ផ្ដាច់ទំនាក់ទំនងពាណិជ្ចកម្មជាមួយប្រទេសនោះ ៕
ចែករំលែកព័តមាននេះ