សង្គ្រាមអ៉ីរ៉ង់ ៖ រដ្ឋមន្ត្រីក្រសួងសង្គ្រាមអាមេរិក លោកPETE HEGSETH អះអាងកាលពីថ្ងៃទី៤ មីនាថា កងទ័ពអាមេរិកបានសម្លាប់ប្រមុខកងឯកភាពអ៉ីរ៉ង់មួយដែលប៉ុនប៉ងធ្វើឃាតប្រធានាធិបតីលោកដូណាល់ត្រាំ ។ លោកមិនបានផ្ដល់ភាពលម្អិត…
សង្គ្រាមអ៉ីរ៉ង់ ៖ រដ្ឋមន្ត្រីក្រសួងសង្គ្រាមអាមេរិក លោកPETE HEGSETH អះអាងកាលពីថ្ងៃទី៤ មីនាថា កងទ័ពអាមេរិកបានសម្លាប់ប្រមុខកងឯកភាពអ៉ីរ៉ង់មួយដែលប៉ុនប៉ងធ្វើឃាតប្រធានាធិបតីលោកដូណាល់ត្រាំ ។ លោកមិនបានផ្ដល់ភាពលម្អិត ឬបញ្ជាក់ថា តើរឿងនោះកើតមានបែបណាដែរ។
លោក PETE HEGSETH បន្តថា អ៉ីរ៉ង់សាកល្បងធ្វើឃាតលោកប្រធានាធិបតីត្រាំ ហើយសហ រដ្ឋអាមេរិកបានដឹងរឿងនោះតាំងពីយូរមកហើយ ។ អ៉ីរ៉ង់ចង់ធ្វើឃាតលោកត្រាំព្រមទាំងអ្នកទទួលខុសត្រូវអាមេរិកដទៃៗទៀត ។
ជាការឆ្លើយតប ចំពោះព័ត៌មាននានាដែលថា ការប៉ងធ្វើឃាតលោកត្រាំនេះហើយ ជាកត្តាមួយក្នុងចំណោមកត្ដាដែលលោកសម្រេចធ្វើអន្តរាគមន៍យោធាលើអ៉ីរ៉ង់ ប្រមុខមន្ទីរប៉ង់តាហ្គោនបញ្ជាក់ថា លោកត្រាំមិនដែលគិតយករឿងនោះសម្រាប់វាយប្រហារអ៉ីរ៉ង់ឡើយ។ ខ្ញុំសូមធានាហើយអ្នក
ដទៃៗទៀតក៏ធានាដែរថា ពួកអ្នកដែលជាអ្នកទទួលខុសត្រូវក្នុងការប៉ងធ្វើឃាតលោកត្រាំ ពិតជាមានឈ្មោះក្នុងបញ្ជីគោលដៅវាយប្រហាររួចទៅហើយ ។
បណ្ដាអ្នកទទួលខុសត្រូវអាមេរិកបានចោទប្រកាន់អ៉ីរ៉ង់រួចហើយថា ស្វែងរកធ្វើឃាតលោកដូណាល់ត្រាំ ដើម្បីជាការសងសឹកចំពោះការសម្លាប់ឧត្ដមសេនីយ៍ម្នាក់នៃកងឆ្មាំបដិវត្តន៍ លោកកាសេមសូឡីម៉ានី កាលពីថ្ងៃទី៣មករាឆ្នាំ២០២០ នៅអ៉ីរ៉ាក់ ក្នុងការវាយប្រហារដោយដ្រូនតាមបញ្ជារបស់លោកត្រាំ កាលក្នុងអាណត្តិទីមួយរបស់លោក។
កាលពីឆ្នាំ២០២៤ បុរសម្នាក់ដែលគេចាត់ថា ជាភ្នាក់ងាររបស់អ៉ីរ៉ង់ ឈ្មោះហ្វាហាដសាគីរីជាជនជាតិអាហ្វហ្គានីស្ថានម្នាក់រស់នៅអាមេរិក ត្រូវបានតុលាការចោទប្រកាន់ថា ជាអ្នកទទួលបញ្ជាឲ្យសម្លាប់លោកត្រាំ។
ចំពោះសង្គ្រាមនៅអ៉ីរ់ង់ប្រធានាធិបតីអាមេរិកលោកដូណាល់ត្រាំអះអាងកាលថ្ងៃទី៣ មីនា ថា អ្វីៗស្ទើរត្រូវបានកម្ទេចអស់នៅអ៉ីរ់ង់ដូចជា កងកងម៉ារីន កងទ័ពអាកាស និងប្រព័ន្ធការពារអាកាសក្នុងការវាយលុករបស់អ៉ីស្រាអែលរួមជាមួយអាមេរិកប្រឆាំងអ៉ីរ៉ង់។
លោកត្រាំំបញ្ជាក់ថា អ៉ីរ៉ង់លែងមានកងកម្លាំងអាកាស កងកម្លាំងម៉ារីនប្រព័ន្ធការពារអាកាសនិងលែងមានរ៉ាដាដោយទាំងអស់នោះត្រូវបានកម្ទេច ហើយសង្គ្រាមកំពុងនៅបន្ត។ មកទល់ពេលនេះអ្វីៗប្រព្រឹត្តទៅដ៏ល្អ ៕
ចែករំលែកព័តមាននេះ