រាជធានីភ្នំពេញ ៖ អាជីវករជនជាតិចិនម្នាក់ ត្រូវបានឃាតករដែលគេសង្ស័យថា ជាអ្នកស្គាល់គ្នាបានចាក់សម្លាប់ជាច្រើនកាំបិតរួចញាត់ចូលនៅក្នុងធុងជ័រហើយគេចខ្លួនបាត់។ ឃាតកម្មយ៉ាងសាវនេះបង្កឲ្យមានការភ្ញាក់ផ្អើលនៅវេលាម៉ោងប្រមាណ៨ព្រឹកថ្ងៃទី៤ ខែមីនា ឆ្នាំ ២០២៦ នៅចំណុចផ្ទះវិឡា…
រាជធានីភ្នំពេញ ៖ អាជីវករជនជាតិចិនម្នាក់ ត្រូវបានឃាតករដែលគេសង្ស័យថា ជាអ្នកស្គាល់គ្នាបានចាក់សម្លាប់ជាច្រើនកាំបិតរួចញាត់ចូលនៅក្នុងធុងជ័រហើយគេចខ្លួនបាត់។
ឃាតកម្មយ៉ាងសាវនេះបង្កឲ្យមានការភ្ញាក់ផ្អើលនៅវេលាម៉ោងប្រមាណ៨ព្រឹកថ្ងៃទី៤ ខែមីនា ឆ្នាំ ២០២៦ នៅចំណុចផ្ទះវិឡា លេខ៣១ ផ្លូវលេខ១៤ ក្នុង បុរីមួយ ភូមិខ២ សង្កាត់ច្រាំងចំរេះ២ ខណ្ឌឬស្សីកែវ រាជធានីភ្នំពេញ។
ជនរងគ្រោះឈ្មោះ Zhang Zhenjiang ភេទប្រុស អាយុ៣៦ឆ្នាំ ជាជនជាតិចិន មុខរបរអាជីវករ ។
តាមព័ត៌មានបានឲ្យដឹងថា ជនរងគ្រោះរូបនោះត្រូវបានឃាតករដែលគេអះអាងថាជាជនជាតិចិនដូចគ្នារួមនិងស្ត្រីម្នាក់ បានចូលទៅក្នុងផ្ទះរួចចាក់សម្លាប់ជាច្រើនកាំបិតរួចយកសព ញាត់ចូលនៅក្នុងធុងជ័រ ខណៈពេលដែលស្ត្រីជាប្រពន្ធបានធ្វើដំណើរទៅប្រទេសចិន។
បន្ទាប់ពីធ្វើសកម្មភាពសម្លាប់ជនរងគ្រោះឃាតករក៏បានឡើងជិះរថយន្តតាក់ស៊ីគេចខ្លួនបាត់។
តាមព័ត៌មានបានឲ្យដឹងទៀតថា នៅវេលាព្រឹកថ្ងៃកើតហេតុ មានបុគ្គលិកអនាម័យម្នាក់បានមកធ្វើការ ស្រាប់តែប្រទះឃើញមានធុងជ័រមួយនៅក្នុងឃ្លុបជណ្ដើរក៏បានទំនាក់ទំនងទៅសមត្ថកិច្ចចុះទៅត្រួតពិនិត្យ ស្រាប់តែប្រទះឃើញសាកសពជនរងគ្រោះត្រូវបានឃាតករសម្លាប់ញាត់ចូលក្នុងធុងជ័រ។
តាមព័ត៌មានបានឲ្យដឹងទៀតថា កាលពីល្ងាចថ្ងៃទី ៣ ខែមីនា ឆ្នាំ ២០២៦ អ្នកជិតខាងបានឮសូរសំឡេងជនរងគ្រោះឈ្លោះប្រកែកគ្នា។លុះក្រោយមកគេឃើញបុរសជនជាតិចិនម្នាក់និងស្ត្រីម្នាក់បានឡើងជិះរថយន្តតាក់ស៊ីទៅបាត់។លុះព្រឹកថ្ងៃទី៤ខែមិនាក៏មានការភ្ញាក់ផ្អើលប្រទះឃើញសពជនរងគ្រោះត្រូវបានឃាតករសម្លាប់រួចញាត់ចូលនៅក្នុងធុងជ័រតែម្ដង។សពត្រូវបានឃាតករចាក់ជាច្រើនកាំបិត។
តាមការត្រួតពិនិត្យ ឧកញ៉ាវេជ្ជបណ្ឌិត នង សុវណ្ណរ័ត្ន គ្រូពេទ្យកោសល្យវិច័យអមតុលាការរាជធានីភ្នំពេញ បានសន្និដ្ឋានថា ជនរងគ្រោះត្រូវបានឃាតករចាក់សម្លាប់។បន្ទាប់ពីត្រួតពិនិត្យសពត្រូវបានសមត្ថកិច្ចបញ្ជូនមកតម្កល់នូវភាបនកដ្ឋានវត្តទឹកថ្លាដើម្បីរង់ចាំបងប្អូន៕
ចែករំលែកព័តមាននេះ