​

ចំណេះដឹង៖ យោងតាមការចុះផ្សាយពីប្រភពបរទេស ការដើរមើលពិភពលោកក្នុងវ័យនិស្សិតមិនមែនជារឿងដែលមិនអាចទៅរួចឡើយ សំខាន់បំផុតគឺការចេះចាត់ចែងកញ្ចប់ថវិកាដ៏មានកំណត់របស់អ្នកឱ្យមានប្រសិទ្ធភាព។

ជំហានដំបូងដើម្បីក្លាយជាអ្នកទេសចរស្ពាយកាតាប គឺត្រូវ កំណត់គោលដៅឱ្យច្បាស់ និងបំបែកកាបូបលុយឌីជីថល ក្នុងកម្មវិធីធនាគារឱ្យដាច់ដោយឡែកពីគ្នា ដើម្បីកុំឱ្យលុយសម្រាប់ដើរលេង ច្រឡំទៅជាលុយសម្រាប់ញ៉ាំអាំងសាច់ជាមួយមិត្តភក្តិ។ បន្ទាប់មក អ្នកគួររៀន សន្សំតាមវិធី “គុណធម៌” ដោយគ្រាន់តែកាត់បន្ថយការចំណាយតូចតាចដែលមិនចាំបាច់ ដូចជាការកាត់បន្ថយតែគុជ ឬកាហ្វេម៉ាកល្បីៗ រួចផ្ទេរលុយដែលសន្សំបាននោះទៅក្នុងកញ្ចប់ “ដំណើរកម្សាន្តក្នុងក្ដីស្រមៃ” ភ្លាមៗ។

ដើម្បីឱ្យការសន្សំកាន់តែមានប្រសិទ្ធភាព អ្នកគួរប្រើ កម្មវិធីតាមដានការចំណាយ ដើម្បីតាមដានរាល់ការស្កេនបង់ប្រាក់ ដែលជួយឱ្យអ្នកដឹងពីចំណុចខ្វះខាត និងចេះរឹតត្បិតការចាយវាយបានទាន់ពេល។ កុំភ្លេច ទាញយកប្រយោជន៍ពីកាតសិស្ស ដែលអ្នកមាន ព្រោះវាជាអាវុធសម្ងាត់សម្រាប់ទទួលបានការបញ្ចុះតម្លៃលើសំបុត្រយន្តហោះ កន្លែងស្នាក់នៅ ឬសំបុត្រចូលទស្សនាកន្លែងផ្សេងៗ។ បន្ថែមពីនេះ ការឆ្លៀតពេលធ្វើ ការងារក្រៅម៉ោងតាមអនឡាញ ក៏ជាប្រភពចំណូលបន្ថែមដ៏ល្អដែលជួយឱ្យកាបូបលុយអ្នកកាន់តែក្រាស់។

ជាចុងក្រោយ ត្រូវ រៀបចំផែនការមុនឱ្យបានយូរ និងជ្រើសរើសធ្វើដំណើរក្នុងរដូវទេសចរណ៍ទាប​ព្រោះវាមិនត្រឹមតែជួយសន្សំលុយបានច្រើនលើតម្លៃសំបុត្រ និងសណ្ឋាគារប៉ុណ្ណោះទេ ប៉ុន្តែថែមទាំងផ្តល់ឱកាសឱ្យអ្នកថតរូបបានយ៉ាងឡូយដោយគ្មានមនុស្សរំខានទៀតផង​៕