រាជធានីភ្នំពេញ ៖ កាលពីព្រឹកថ្ងៃទី២៦ សីហា ២០១១ ថ្នាក់ដឹកនាំ មន្ត្រីសាលារាជធានីភ្នំពេញ មន្ទីរពាក់ព័ន្ធនានា អភិបាល អភិបាលរងខណ្ឌដូនពេញ ចៅសង្កាត់ ព្រមទាំងសិស្សានុសិស្ស យុវជនកាយឫទ្ធិកម្ពុជា សរុបចំនួន៥៦១នាក់ បានចុះធ្វើយុទ្ធការអប់រំផ្សព្វផ្សាយណែនាំពីការទុកដាក់សំរាម ការពិន័យ និងការញែកសំរាម
រាជធានីភ្នំពេញ ៖ កាលពីព្រឹកថ្ងៃទី២៦ សីហា ២០១១ ថ្នាក់ដឹកនាំ មន្ត្រីសាលារាជធានីភ្នំពេញ មន្ទីរពាក់ព័ន្ធនានា អភិបាល អភិបាលរងខណ្ឌដូនពេញ ចៅសង្កាត់ ព្រមទាំងសិស្សានុសិស្ស យុវជនកាយឫទ្ធិកម្ពុជា សរុបចំនួន៥៦១នាក់ បានចុះធ្វើយុទ្ធការអប់រំផ្សព្វផ្សាយណែនាំពីការទុកដាក់សំរាម ការពិន័យ និងការញែកសំរាមទៅតាមប្រភេទដល់ប្រជាពលរដ្ឋនៅក្នុងខណ្ឌដូនពេញ។
លោកសុខ សម្បត្តិ អភិបាលខណ្ឌដូនពេញ បានថ្លែងក្នុងយុទ្ធនាការនោះថា យុទ្ធនាការដង្ហែក្បួនផ្សព្វផ្សាយបរិស្ថាននេះ ក្នុងគោលបំណងបង្កើនការយល់ដឹងរបស់ប្រជាពលរដ្ឋ ក្នុងការទុកដាក់ និងបោះចោលសំរាម រួមចំណែកដើម្បីរក្សាការពារនូវបរិស្ថានល្អ ក្រោមពាក្យស្លោក «រមណីយដ្ឋានស្អាត ទីក្រុងស្អាត សេវាកម្មល្អ» និងជាពិសេសតាមពាក្យស្លោក «បរិស្ថានល្អនាំមកនូវសុខុមាលភាព និងផាសុកភាព» ដែលធ្វើឱ្យប្រជាពលរដ្ឋប្រកបដោយសុភមង្គល និងធ្វើឱ្យរាជធានីភ្នំពេញ របស់យើងកាន់តែស្រស់បំព្រង។
ដោយមើលឃើញពីសារសំខាន់នៃបរិស្ថាន រាជរដ្ឋាភិបាលក៏ដូចជាសាលារាជធានីភ្នំពេញ និងអង្គភាពពាក់ព័ន្ធ បានគិតគូរយ៉ាងយកចិត្តទុកដាក់ដោយប្រារព្ធពិធីបើកយុទ្ធនាការផ្សព្វផ្សាយ ដើម្បីអប់រំឱ្យប្រជាពលរដ្ឋឱ្យចេះទុកដាក់ និងបោះចោលសំរាមឱ្យបានត្រឹមត្រូវ។ ក្នុងនោះដែរ ក៏មានការចាត់វិធានការម៉ឺងម៉ាត់ចំពោះការផាកពិន័យប្រជាពលរដ្ឋ ដែលពុំមានឆន្ទៈចូលរួមក្នុងការទុកដាក់សំរាមបោះចោលសំរាមតាមទីសាធារណៈដោយគ្មានសណ្តាប់ធ្នាប់៕
ចែករំលែកព័តមាននេះ