រាជធានីភ្នំពេញ ៖ សេចក្តីជូនដំណឹងរបស់គណៈកម្មការមូលបត្រកម្ពុជាស្តីពីការទទួល ពាក្យស្នើសុំអាជ្ញាប័ណ្ណធ្វើជាក្រុមហ៊ុនទីប្រឹក្សាវិនិយោគ និងភ្នាក់ងារផ្តល់ប្រឹក្សាវិនិយោគ បានប្រកាសឱ្យដឹងកាលពីថ្ងៃទី២៣ សីហា ថា ដោយពិនិត្យឃើញពីតួនាទីដ៏សំខាន់របស់ក្រុមហ៊ុនទីប្រឹក្សាវិនិ យោគ (Investment Advisors) ក្នុងការ
រាជធានីភ្នំពេញ ៖ សេចក្តីជូនដំណឹងរបស់គណៈកម្មការមូលបត្រកម្ពុជាស្តីពីការទទួលពាក្យស្នើសុំអាជ្ញាប័ណ្ណធ្វើជាក្រុមហ៊ុនទីប្រឹក្សាវិនិយោគ និងភ្នាក់ងារផ្តល់ប្រឹក្សាវិនិយោគ បានប្រកាសឱ្យដឹងកាលពីថ្ងៃទី២៣ សីហា ថា ដោយពិនិត្យឃើញពីតួនាទីដ៏សំខាន់របស់ក្រុមហ៊ុនទីប្រឹក្សាវិនិយោគ (Investment Advisors) ក្នុងការផ្តល់ការបណ្តុះបណ្តាលដល់សាធារណជន និងការសិក្សាស្រាវជ្រាវនានាក្នុងសេដ្ឋកិច្ចរូបវន្ត និងក្នុងវិស័យហិរញ្ញវត្ថុ ព្រមទាំងក្នុងគោលបំណងជំរុញ និងគាំទ្រដល់ការអភិវឌ្ឍទីផ្សារមូលបត្រឱ្យប្រកបដោយប្រសិទ្ធភាព គណៈកម្មការមូលបត្រកម្ពុជា សូមជម្រាបជូនដល់សាធារណជនទាំងអស់មេត្តាជ្រាបថា ចាប់ពីថ្ងៃជូនដំណឹងនេះតទៅ គណៈកម្មការមូលបត្រកម្ពុជាចាប់ផ្តើមទទួលពាក្យស្នើសុំអាជ្ញាប័ណ្ណធ្វើជាក្រុមហ៊ុនទីប្រឹក្សាវិនិយោគ និងភ្នាក់ងារប្រឹក្សាវិនិយោគ។
សេចក្តីជូនដំណឹងបន្តថា បុគ្គលដែលមានបំណងស្នើសុំអាជ្ញាប័ណ្ណធ្វើជាក្រុមហ៊ុនទីប្រឹក្សាវិនិយោគ និងភ្នាក់ងារផ្តល់ប្រឹក្សាវិនិយោគពីគណៈកម្មការមូលបត្រកម្ពុជា ត្រូវមកដាក់ពាក្យស្នើសុំនៅនាយកដ្ឋានត្រួតពិនិត្យអន្តរការីមូលបត្រ នៃគណៈកម្មការមូលបត្រកម្ពុជា ដែលស្ថិតនៅអគារលេខ៩៩ ផ្លូវលេខ៥៩៨ ខណ្ឌសែនសុខ រាជធានីភ្នំពេញ ។ ព័ត៌មានពាក់ព័ន្ធនឹងលក្ខខណ្ឌនៃការផ្តល់អាជ្ញាប័ណ្ណនេះ អាចទាញយកពីគេហទំព័ររបស់ គ.ម.ក www.secc.gov.kh/plsf ។ ព័ត៌មានបន្ថែមសូមទំនាក់ទំនងតាមទូរស័ព្ទលេខ ០២៣ ៨៨៥ ៦១១ ឬតាមទូរសារលេខ ០២៣ ៨៨៥ ៦២២ ឬតាមរយៈអីុម៉ែល ៈ intermediaries@secc.gov.kh ៕
ចែករំលែកព័តមាននេះ