យោងតាមសារព័ត៌មាន MCOT ចេញផ្សាយថ្ងៃទី២៤ សីហា បានឱ្យដឹងថា កិច្ចប្រជុំរបស់គណៈកម្មាធិការព្រំដែនថ្នាក់តំបន់កម្ពុជា-ថៃ(RBC )បានចាប់ផ្តើមប្រជុំក្នុងថ្ងៃពុធ ទី២៤ សីហា នៅក្នុងខេត្តនគររាជសីម៉ា ភាគឥសាន ប្រទេសថៃ។ កិច្ចប្រជុំបានពិភាក្សាលើបញ្ហា១៥ចំណុច ក្នុងនោះរបៀបវារៈសំខាន់គឺការដកកងទ័ពចេញ
យោងតាមសារព័ត៌មាន MCOT ចេញផ្សាយថ្ងៃទី២៤ សីហា បានឱ្យដឹងថា កិច្ចប្រជុំរបស់គណៈកម្មាធិការព្រំដែនថ្នាក់តំបន់កម្ពុជា-ថៃ(RBC )បានចាប់ផ្តើមប្រជុំក្នុងថ្ងៃពុធ ទី២៤ សីហា នៅក្នុងខេត្តនគររាជសីម៉ា ភាគឥសាន ប្រទេសថៃ។ កិច្ចប្រជុំបានពិភាក្សាលើបញ្ហា១៥ចំណុច ក្នុងនោះរបៀបវារៈសំខាន់គឺការដកកងទ័ពចេញតំបន់ព្រំដែនមានជម្លោះដែលបានតម្រូវឱ្យដោយការសម្រេចរបស់តុលាការអន្តរជាតិក្រុងឡាអេ (ICJ)កាលពីថ្ងៃទី១៨ កក្កដា កន្លងមកនេះ។
កិច្ចប្រជុំ RBC លើកទី១៥ ដែលបានប្រារព្ធធ្វើខេត្តនគររាជសីមានេះមានការចូលរួមពីសហប្រធានដែលមានលោកឧត្តមសេនីយ៍ជា ម៉ន មេបញ្ជាការយោធភូមិភាគ៤របស់ប្រទេសកម្ពុជា និងលោក Thwatchai Samutsakhon មេបញ្ជាការទទួលបន្ទុកសម្រាប់កិច្ចការសន្តិសុខក្នុងតំបន់ភាគឥសានប្រទេសថៃ។
លោកមេបញ្ជាការ Thwatchai និយាយថាកិច្ចប្រជុំបានបង្ហាញពីកិច្ចសហប្រតិបត្តិការល្អ និងមានសុឆន្ទៈរវាងប្រទេសជិតខាងទាំងពីរ។
ក្នុងឱកាសនោះដែរតំណាងភាគីកម្ពុជាក៏បានសម្តែងការអបអរសាទរចំពោះរដ្ឋាភិបាលថ្មីរបស់ប្រទេសថៃដែលនាំដោយលោកស្រីយីងឡាក់ ស៊ីណាវ៉ាត្រា ដែលបានទទួលសំឡេងឆ្នោតភ្លូតទឹកភ្លូកដីក្នុងការបោះឆ្នោតកាលពីថ្ងៃទី៣ កក្កដា កន្លងមក ។
ក្នុងរបៀបវារៈនៃកិច្ចប្រជុំពីរថ្ងៃ (២៣-២៤ សីហា) សីហាទាំង២បានលើកឡើងនូវបញ្ហា១៥ចំណុចក្នុងនោះបញ្ហាចម្បងគឺការដកកងទ័ពចេញពីតំបន់មានជម្លោះក្បែរប្រាសាទព្រះវិហារសន្តិសុខតាមព្រំដែន ការអភិវឌ្ឍន៍បរិស្ថានការប្រឆាំងការជួញដូរគ្រឿងញៀន និងបង្ក្រាបបទល្មើសតាមបណ្តោយព្រំដែនរវាងប្រទេសទាំង២។
ភាគីទាំងសងខាងមានបំណងលើកស្ទួយជីវភាពប្រជាជនរបស់ពួកគេ និងពង្រីកសន្តិសុខសម្រាប់ជីវិតរស់នៅប្រចាំថ្ងៃ និងទ្រព្យសម្បត្តិ។
ក្នុងពេលនោះដែរ លោកនាយឧត្តមសេនីយ៍នាង ផាត រដ្ឋលេខាធិការក្រសួងការពារជាតិកម្ពុជាបានរំពឹងថា កិច្ចពិភាក្សាលើការដកកងទ័ពចេញពីតំបន់ក្បែរប្រាសាទព្រះវិហារនឹងត្រូវក្លាយជារបៀបវារៈពិសេសនាពេលខាងមុខនៅក្នុងកិច្ចប្រជុំគណៈកម្មាធិការព្រំដែនទូទៅកម្ពុជាថៃដែលនឹងប្រព្រឹត្តទៅនៅថ្ងៃទី៨ កញ្ញាខាងមុខ។
ក្រៅពីមានការចូលរួមពីភាគីយាធាទាំងពីរខាង អភិបាលខេត្តដែលជាប់ព្រំដែនកម្ពុជាថៃ ក៏នឹងត្រូវចូលរួមក្នុងកិច្ចប្រជុំនោះ។
ជាតម្រុយដ៏ល្អមួយក្នុងការបង្កើនជំនឿទុកចិត្តរវាងគ្នា និងគ្នាដែលកាលពីថ្ងៃទី២៣ សីហាកន្លងមកនេះកម្ពុជាបានស្វាគមន៍ និងវាយតម្លៃខ្ពស់ចំពោះព័ត៌មានដែលបានផ្សព្វផ្សាយជាសាធារណៈតាមរយៈសារព័ត៌មានBangkok Post នៅថ្ងៃទី២៣ សីហា ដែលដកស្រង់សំដីរបស់លោករដ្ឋមន្ត្រីក្រសួងការពារជាតិថៃយុទ្ធសាក់ សាសីុប្រាផា ថា អ្នកសង្កេតការណ៍គឺមានសារសំខាន់ណាស់ដ្បិតគេទាំង អស់នោះត្រូវតែ មានវត្តមាននៅទីនោះដើម្បីជាសាក្សីនៅក្នុងការងារអភិវឌ្ឍតំបន់គ្មានកងទ័ព ហើយអ្នកសង្កេតការណ៍ទាំងអស់នោះគឺជាសាក្សីដ៏ពិតប្រាកដ។
អ្នកនាំពាក្យក្រសួងការពារជាតិនៃព្រះរាជាណាចក្រកម្ពុជាក៏បានស្វាគមន៍វាយតម្លៃខ្ពស់ និងលើកទឹកចិត្តបន្ថែមទៀតដល់កងទ័ពភូមិន្ទថៃ ភូមិភាគទី២ដែលបាននិងកំពុងខិតខំរៀបចំទីតាំងឈរជើងរបស់អ្នកសង្កេតការណ៍ឥណ្ឌូណេសីុនៅក្នុងតំបន់គ្មានកងទ័ពបណ្តោះអាសន្នដែលបានចែងក្នុងដីកាបង្គាប់របស់តុលាការយុត្តិធម៌អន្តរជាតិថ្ងៃទី១៨ ខែកក្កដា ឆ្នាំ២០១១។ សកម្មភាពទាំងអស់នេះត្រូវបានអ្នកនាំពាក្យក្រសួងការពារជាតិនៃព្រះរាជាណាចក្រកម្ពុជាវាយតម្លៃដោយសុទិដ្ឋិនិយមក្នុងការចូលរួមចំណែក និងសហប្រតិបត្តិការដ៏ជិតស្និទ្ធរវាងកងយោធពលខេមរភូមិន្ទរបស់ខ្លួនជាមួយនឹងកងទ័ពភូមិន្ទថៃក្នុងការបញ្ចប់នូវដានប្រវត្តិសាស្ត្រនៃរាល់យុគសម័យសុបិនអាក្រក់រវាងប្រជាជាតិទាំងពីរ កសាងសករាជថ្មីឡើងវិញដើម្បីសន្តិភាព សហប្រតិបត្តិការ ភាតរភាព មិត្តភាព និងជាផលប្រយោជន៍អាទិភាពនៃប្រជាពលរដ្ឋទាំងសងខាង។ នេះជាទិសដៅនៃការអនុវត្តរបស់កងយោធពលខេមរភូមិន្ទឆ្លើយតបទៅនឹងបំណងដ៏ធំធេង និងគតិបណ្ឌិតរស់រវើករបស់សម្តេចអគ្គមហាសេនាបតីតេជោហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា។
យោងតាមកាសែតថៃមួយទៀតផ្សាយកាលពីថ្ងៃទី២៣ សីហា ថា នៅឯរដ្ឋសភា លោកឧត្តមសេនីយ៍យុទ្ធសាក់ សាស៊ីប្រាផា រដ្ឋមន្ត្រីក្រសួងការពារជាតិបានថ្លែងពីកិច្ចប្រជុំព្រំដែនថ្នាក់តំបន់រវាងកម្ពុជា-ថៃ (RBC) ថា កិច្ចប្រជុំបានរៀបចំឡើងនៅខេត្តនគររាជសីមា ដោយភាគីថៃមានលោកឧត្តមសេនីយ៍ថាវ៉ាចឆៃ សាមុតសាខន មេទ័ពភូមិភាគ២ ជាប្រតិភូចូលប្រជុំរួមជាមួយភាគីកម្ពុជា ដើម្បីពិភាក្សាទាក់ទងនឹងការត្រៀមប្រជុំគណៈកម្មាធិការព្រំដែនទូទៅ (GBC) ។
ទាក់ទិននឹងកិច្ចប្រជុំ RBC លោកយុទ្ធសាក់ បានសង្កត់ធ្ងន់ថា ត្រូវបានកំណត់ពិភាក្សាចំនួន១៥ចំណុចដែលគណៈរដ្ឋមន្ត្រីបានអនុម័តកាលពីមុន បន្ទាប់មកក៏មានលក្ខណៈជារបៀបវារៈផ្សេងៗទៀត មានប្រហែល៧ ទៅ៨ករណី ត្រូវពិភាក្សាគ្នាដូចជាការត្រៀមកែសម្រួលកម្លាំងទ័ពការប្រគល់អំណាច និងតួនាទីដល់ក្រុមអ្នកសង្កេតការណ៍ឥណ្ឌូណេស៊ី ត្រូវពិភាក្សារួមគ្នា ដើម្បីឱ្យទទួលបានលក្ខខណ្ឌការចរចា និងឈានឆ្ពោះទៅរកកិច្ចប្រជុំ GBC បន្ត ៕
ចែករំលែកព័តមាននេះ