ក្រុងប៉ោយប៉ែត ៖ ក្រោយពេលកម្លាំងប៉េអឹមក្រុងប៉ោយប៉ែតធ្វើការឃាត់ខ្លួនជនសង្ស័យ ចែកចាយថ្នាំញៀន២នាក់ជាបន្តបន្ទាប់កាលពីវេលាម៉ោង៩ព្រឹក ថ្ងៃទី២៣ សីហា និងនៅវេលាម៉ោង២រសៀលថ្ងៃដដែល កម្លាំងប៉េអឹមដឹកនាំដោយលោកវរសេនីយទោម៉ែន ភិរម្យជាមួយអាជ្ញាធរដែនដីព្រមទាំងមានការចូលរួមពីលោកព្រះ រាជ
ក្រុងប៉ោយប៉ែត ៖ ក្រោយពេលកម្លាំងប៉េអឹមក្រុងប៉ោយប៉ែតធ្វើការឃាត់ខ្លួនជនសង្ស័យចែកចាយថ្នាំញៀន២នាក់ជាបន្តបន្ទាប់កាលពីវេលាម៉ោង៩ព្រឹកថ្ងៃទី២៣ សីហា និងនៅវេលាម៉ោង២រសៀលថ្ងៃដដែល កម្លាំងប៉េអឹមដឹកនាំដោយលោកវរសេនីយទោម៉ែន ភិរម្យជាមួយអាជ្ញាធរដែនដីព្រមទាំងមានការចូលរួមពីលោកព្រះរាជអាជ្ញារងអមសាលាដំបូងខេត្តបានចុះឆែកឆេរលំនៅឋានជនសង្ស័យមួយកន្លែងក្នុងក្រុងតាមចម្លើយពីជនសង្ស័យ។
មុនការឆែកឆេរលំនៅឋានដែលសង្ស័យគឺម្ចាស់លំនៅឋាននេះបានគេចចេញទៅបាត់តែសមត្ថកិច្ចបានធ្វើការឃាត់ខ្លួនជនសង្ស័យ២នាក់ ជាមួយវត្ថុតាងថ្នាំញៀនប្រភេទKទឹកកកចំនួន២កូនថង់តូច និងថ្នាំញៀនប្រភេទយ៉ាម៉ា WY ពណ៌ផ្កាឈូកចំនួន៣គ្រាប់ នៅវេលាម៉ោង៩ព្រឹក ដែលជនសង្ស័យទាំង២ម្នាក់ឈ្មោះសួរ រម្យម្នី ភេទប្រុស អាយុ៣២ឆ្នាំ ទីលំនៅមិនពិតប្រាកដ និងម្នាក់ទៀតឈ្មោះវិន ធីទៀង ភេទស្រី អាយុ២០ឆ្នាំ មុខរបរជាស្រីរកស៊ីផ្លូវភេទ ជាជនជាតិវៀតណាម ស្នាក់នៅភូមិបាលិលេយ្យ។
តាមព័ត៌មានពីមន្ត្រីប៉េអឹមក្រុងបានឱ្យដឹងថា ជនសង្ស័យឈ្មោះសួរម្យម្នី ត្រូវបានឃាត់ខ្លួនមុនរួមជាមួយថ្នាំញៀនប្រភេទ K ទឹកកកចំនួន២កូនថង់តូច បន្ទាប់មកក៏ទំនាក់ទំនងតាមទូរស័ព្ទទើបឈានដល់ការឃាត់ខ្លួនឈ្មោះវិន ធីឡេង ម្នាក់ទៀតជាមួយថ្នាំញៀនយ៉ាម៉ា WY ចំនួន៣គ្រាប់ ខណៈឈ្មោះវិន ធីឡេង យកថ្នាំញៀនមកឱ្យឈ្មោះសួ រម្យម្នី ដោយមិនដឹងថា ប៉េអឹមអន្ទងឃាត់ខ្លួននោះទេ។
លោកហម ម៉ុត មេបញ្ជាការកងរាជអាវុធហត្ថក្រុងបាននិយាយថា ការឈានដល់ការឆែកឆេរលំនៅឋានជនសង្ស័យមួយទៀតនោះគឺរកឃើញតែឧបករណ៍វេចខ្ចប់ និងប្រើប្រាស់គ្រឿងញៀនប៉ុណ្ណោះដោយសារបានចម្លើយពីជនសង្ស័យឈ្មោះវិន ធីទៀង តែម្ចាស់ផ្ទះបានរត់គេចខ្លួនបាត់។ ទោះបីជាបែបណាត្រូវលោកហម ម៉ុត ប្រាប់ថា លំនៅឋានជនសង្ស័យដែលម្ចាស់ទៅបាត់នោះសមត្ថកិច្ចស្គាល់អត្តសញ្ញាណហើយ គឺកំពុងស្រាវជ្រាវចាប់ខ្លួន។ ចំពោះជនសង្ស័យទាំង២ខាងលើរួមជាមួយវត្ថុតាងត្រូវបានកសាងសំណុំរឿងបញ្ជូនទៅទីបញ្ជាការកងរាជអាវុធហត្ថខេត្តដើម្បីចាត់ការតាមនីតិវិធី៕
ចែករំលែកព័តមាននេះ