ខេត្តកំពង់ចាម ៖ រថយន្តម៉ាកហ៊ីណូប្រភេទយក្ស១គ្រឿង កាប៊ីនពណ៌ស ពាក់ស្លាកលេខ កំពង់ចាម 3A-0100 ដឹកដំឡូងមី បង្កប់ឈើប្រណីតខាងក្នុងពេញទ្រុង កាលពីពេលថ្មីៗនេះ បានបើករត់គេច ពីការតាមប្រមាញ់របស់កម្លាំងនគរបាលនៃអធិការដ្ឋានស្រុកតំបែ និងរដ្ឋបាលព្រៃឈើយ៉ាងញញីញញ័រ រួចទៅក្រឡាប់នៅក្បែរ
ខេត្តកំពង់ចាម ៖ រថយន្តម៉ាកហ៊ីណូប្រភេទយក្ស១គ្រឿង កាប៊ីនពណ៌ស ពាក់ស្លាកលេខ កំពង់ចាម 3A-0100 ដឹកដំឡូងមី បង្កប់ឈើប្រណីតខាងក្នុងពេញទ្រុង កាលពីពេលថ្មីៗនេះ បានបើករត់គេច ពីការតាមប្រមាញ់របស់កម្លាំងនគរបាលនៃអធិការដ្ឋានស្រុកតំបែ និងរដ្ឋបាលព្រៃឈើយ៉ាងញញីញញ័រ រួចទៅក្រឡាប់នៅក្បែរមាត់លូ ត្រង់ចំណុចភូមិចំបក់ ឃុំត្រពាំងព្រីង ស្រុកតំបែរ ក្អួតចេញមកសុទ្ធតែឈើប្រណីតប្រភេទធ្នង់ រីឯអ្នកបើកបរបានរត់គេចខ្លួនបាត់។
តាមការឱ្យដឹងពីលោកយី សុខហេង នាយសង្កាត់រដ្ឋបាលព្រៃឈើតំបែ បានប្រាប់ឱ្យដឹងថា កាលពីវេលាម៉ោង១១យប់ រូបលោកបានទទួលព័ត៌មានថា «មានរថយន្តធុនធំ១គ្រឿងត្រូវបានសង្ស័យមានបង្កប់ឈើ បានបើកចេញមកពីចំណុចគីឡូម៉ែត្រ១៣ ក្នុងគោលបំណងយកទៅលក់នៅប្រទេសវៀតណាម ដោយមិនដឹងថា ជាឈើរបស់អ្នកណាទេ»។
លោកនាយសង្កាត់រដ្ឋបាលព្រៃឈើតំបែប្រាប់បន្តថា បន្ទាប់មករូបលោកបានសហការជាមួយនឹងកម្លាំងនគរបាលនៃអធិការដ្ឋានតំបែ ព្រមទាំងសង្កាត់រដ្ឋបាលមេមត់ បានត្រៀមកម្លាំងឃ្លាំចាំមើល ព្រមទាំងបានបើករថយន្តតាមមើលទៀតរហូតដល់ម៉ោង៤ទៀបភ្លឺនៅតែមិនប្រទះឃើញរថយន្តដែលគួរឱ្យសង្ស័យនោះឡើយ។ លុះម៉ោងជាង៦ព្រឹក បានទទួលដំណឹងថា រថយន្តធំ១គ្រឿង ម៉ាកហ៊ីណូ បានក្រឡាប់នៅត្រង់ផ្លូវលំមួយកន្លែង ស្ថិតនៅភូមិចំបក់ ឃុំត្រពាំងព្រីង សមត្ថកិច្ចចម្រុះក៏ទៅមើលគឺរថយន្តដែលបានព្យាយាមបើករត់គេចពីការតាមប្រមាញ់របស់សមត្ថកិច្ចសោះ ៕
ចែករំលែកព័តមាននេះ