ខេត្តកណ្តាល ៖ រថយន្តពីរគ្រឿងដឹកសំពីងសំពោងដូចនៅក្នុងរូបនេះសុំកុំយល់ច្រឡំ ថា ជាការដឹកបំបែកឯតទគ្គកម្ម គឺដឹកជញ្ជូនដើម្បីធ្វើអាជីវកម្មធម្មតាទេ ដែលម្ចាស់មិនខ្វល់ពីឧប្បត្តិហេតុងាយគ្រោះថ្នាក់ចរាចរណ៍បង្ក ដល់អ្នកធ្វើដំណើរតាមផ្លូវជាមួយគ្នាសោះ។ រថយន្តទាំងពីរគ្រឿងខាងលើត្រូវបានប៉ូលិសចរាចរណ៍ក្រុងតា
ខេត្តកណ្តាល ៖ រថយន្តពីរគ្រឿងដឹកសំពីងសំពោងដូចនៅក្នុងរូបនេះសុំកុំយល់ច្រឡំថា ជាការដឹកបំបែកឯតទគ្គកម្ម គឺដឹកជញ្ជូនដើម្បីធ្វើអាជីវកម្មធម្មតាទេ ដែលម្ចាស់មិនខ្វល់ពីឧប្បត្តិហេតុងាយគ្រោះថ្នាក់ចរាចរណ៍បង្កដល់អ្នកធ្វើដំណើរតាមផ្លូវជាមួយគ្នាសោះ។ រថយន្តទាំងពីរគ្រឿងខាងលើត្រូវបានប៉ូលិសចរាចរណ៍ក្រុងតាខ្មៅស្ទាក់ចាប់នាំទៅការិយាល័យរបស់ខ្លួនកាលពី វេលាម៉ោង២ និង៣០នាទីរសៀល ថ្ងៃទី២៣ សីហា នៅចំណុចផ្លូវកែងភូមិព្រែកសំរោង សង្កាត់តាខ្មៅ ក្រុងតាខ្មៅ ខណៈរថយន្តខាងលើបើកតាមផ្លូវជាតិលេខ២១B ។
លោកឡង់ លន់ អធិការក្រុងតាខ្មៅបានឱ្យដឹងថា ដើម្បីអនុវត្តច្បាប់ចរាចរណ៍ឱ្យមានប្រសិទ្ធភាព កម្លាំងប៉ូលិសចរាចរណ៍ក្រុងតាខ្មៅបានចាប់រថយន្ត២គ្រឿងដែលផ្ទុកទំនិញសំពីងសំពោងពីលើដំបូល។ រថយន្តទាំង២នេះមួយគ្រឿងប្រភេទទួរីស១២កៅអីពណ៌ស ម៉ាក MERSEDES ពាក់ស្លាកលេខ ភ្នំពេញ 2Q-0831 បើកបរដោយឈ្មោះទឹម គង់ ភេទប្រុស អាយុ២៣ឆ្នាំ នៅភូមិពោធិរាម្មា ឃុំព្រែកក្តី ស្រុកកោះធំ និងមួយគ្រឿងទៀតប្រភេទទួរីស១២កៅអីពណ៌សម៉ាកមែរសឺដេសដូចគ្នា បើកបរដោយឈ្មោះសេង ចាន់ថុល ភេទប្រុស អាយុ២៧ឆ្នាំ រស់នៅភូមិខ្ពប ឃុំសំពៅលូន ស្រុកកោះធំ៕
ចែករំលែកព័តមាននេះ