ខេត្តតាកែវ ៖ មន្ទីរអប់រំ យុវជន និងកីឡាខេត្តតាកែវ បានទទួលស្គាល់ថា ចំនួនសិស្សដែលប្រឡងជាប់ឌីប្លូម និងបាក់ឌុបពីមួយឆ្នាំទៅមួយឆ្នាំមានការថយចុះជាលំដាប់ ហើយកត្តាសំខាន់ដែលនាំឱ្យកើតមានបញ្ហានេះបណ្តាលមកពីពួកគេរៀន ខ្សោយពេលមកប្រឡងឌីប្លូម ឬបាក់ឌុបធ្លាក់ពួកគេក៏ឈប់រៀនតែម្តង ។
ខេត្តតាកែវ ៖ មន្ទីរអប់រំ យុវជន និងកីឡាខេត្តតាកែវ បានទទួលស្គាល់ថា ចំនួនសិស្សដែលប្រឡងជាប់ឌីប្លូម និងបាក់ឌុបពីមួយឆ្នាំទៅមួយឆ្នាំមានការថយចុះជាលំដាប់ ហើយកត្តាសំខាន់ដែលនាំឱ្យកើតមានបញ្ហានេះបណ្តាលមកពីពួកគេរៀនខ្សោយពេលមកប្រឡងឌីប្លូម ឬបាក់ឌុបធ្លាក់ពួកគេក៏ឈប់រៀនតែម្តង ។
ជួបជាមួយកោះសន្តិភាពលោកនុត ខុន ប្រធានមន្ទីរអប់រំ យុវជន និងកីឡាខេត្តបានឱ្យដឹងថា លទ្ធផលប្រឡងឌីប្លូម (សញ្ញាបត្រមធ្យមសិក្សាបឋមភូមិ) និងប្រឡងបាក់ឌុប (សញ្ញាបត្រមធ្យមសិក្សាទុតិយភូមិ) ក្នុងឆ្នាំ២០១០-២០១១ នេះ មានលក្ខណៈល្អប្រសើរហើយការប្រឡងប្រព្រឹត្តទៅដោយរលួនមិនមានបញ្ហាអ្វីកើតឡើងទេ ។ ការប្រឡងឌីប្លូមឆ្នាំនេះយើងមានមណ្ឌលប្រឡង២៩ បន្ទប់ប្រឡង៤៩៩ បេក្ខជនចុះឈ្មោះមានចំនួន១១.៤៥៥នាក់ ស្រី៥.០០៤នាក់ មកប្រឡងចំនួន១១.២៥៦នាក់ ជាប់១៥.០១៧នាក់ ស្រី៤.៧៤៨នាក់ ស្មើនឹង៩៣,៤៣% ។ ប៉ុន្តែចំនួននេះបើប្រៀបធៀបទៅនឹងឆ្នាំសិក្សា២០០៩-២០១០ មានការថយចុះ ខណៈពេលដែលមណ្ឌលប្រឡងមានចំនួន៣០និងមាន៣០០បន្ទប់ បេក្ខជនមកចុះឈ្មោះប្រឡងមានចំនួន១៣.២១៥នាក់ ស្រី៥.៥៥៦នាក់ មកប្រឡង១២.៩៨៣នាក់ ស្រី៥.៤៦៩នាក់ ប្រឡងជាប់១២.០៥៧នាក់ ស្រី៥.២១១នាក់ ស្មើនឹង៩២,៨៧% ។
លោកនុត ខុន បានបន្តទៀតថា ចំពោះលទ្ធផលប្រឡងបាក់ឌុបនៅក្នុងឆ្នាំសិក្សា២០១០-២០១១ នេះយើងមានមណ្ឌលប្រឡងចំនួន១៨ និង៤១០បន្ទប់ សិស្សជាបេក្ខជនមកប្រឡងចំនួន៩.៨៦១នាក់ ស្រី៣.៦៩២នាក់ ក្នុងនោះវិទ្យាសាស្ត្រពិតមាន១១មណ្ឌល វិទ្យាសាស្ត្រសង្គមមាន៧មណ្ឌល ។ បេក្ខជនប្រឡងជាប់មានចំនួន៨.១១១នាក់ ស្រី៣.២៥២នាក់ ស្មើនឹង៨២,២៥% ។ បើប្រៀបធៀបទៅនឹងឆ្នាំសិក្សា២០០៩-២០១០ មានមណ្ឌល១៤ និង៣៦៣បន្ទប់ បេក្ខជនមកប្រឡង៨.៩២៨នាក់ ស្រី៣.១៤២នាក់ ក្នុងនោះប្រឡងជាប់៧.៧៤២នាក់ ស្រី២.៩០៣នាក់ ស្មើនឹង៨៦,៧១% ។
លោកប្រធានមន្ទីរអប់រំ យុវជន និងកីឡាខេត្តបានបញ្ជាក់ថា ជារៀងរាល់ឆ្នាំមន្ទីរបានចាត់តាំងមន្ត្រីចុះទៅត្រួតពិនិត្យនៅតាមកម្រងវិទ្យាល័យក៏ដូចជាសាលាបឋមសិក្សា ដើម្បីណែនាំដល់លោកគ្រូ អ្នកគ្រូឱ្យខិតខំបង្រៀនដល់សិស្សានុសិស្សនៅទូទាំងខេត្តឱ្យបានទៀងទាត់ពេលវេលានៃម៉ោងសិក្សាដែលក្រសួងបានដាក់ឱ្យ ចៀសវាងពេលសិស្សមករៀនបែរជាបាត់គ្រូមិនដឹងជាទៅណានោះ៕
ចែករំលែកព័តមាននេះ