ខេត្តស្វាយរៀង ៖ យ៉ាងហោចណាស់ជនសង្ស័យ៣នាក់ត្រូវសមត្ថកិច្ចចាប់ខ្លួនដោយ សារធ្លាយអាថ៌កំបាំងរឿងឃាតកម្មរយៈពេល១២ថ្ងៃ ដែលសមត្ថកិច្ចបានអះអាងថា មនុស្សលង់ទឹកស្លា.ប់កាលពីថ្ងៃទី៩ សីហា ២០១១ ហើយគ្រូពេទ្យបែរជាសង្ស័យថា ជាអំពើឃាតកម្ម ទៅវិញ។
ខេត្តស្វាយរៀង ៖ យ៉ាងហោចណាស់ជនសង្ស័យ៣នាក់ត្រូវសមត្ថកិច្ចចាប់ខ្លួនដោយសារធ្លាយអាថ៌កំបាំងរឿងឃាតកម្មរយៈពេល១២ថ្ងៃ ដែលសមត្ថកិច្ចបានអះអាងថា មនុស្សលង់ទឹកស្លាប់កាលពីថ្ងៃទី៩ សីហា ២០១១ ហើយគ្រូពេទ្យបែរជាសង្ស័យថា ជាអំពើឃាតកម្ម ទៅវិញ។
អ្នកដែលស្លាប់នោះមុនដំបូងត្រូវគេអះអាងថា ឈ្មោះសៅ ដូច អាយុ៣១ឆ្នាំ នៅភូមិបាក់រនាស់ សង្កាត់សង្ឃ័រ ស្រុកស្វាយរៀង ប៉ុន្មានថ្ងៃក្រោយមកឈ្មោះសៅ ដូច បានមកបង្ហាញខ្លួនជាមួយនឹងម្តាយ និងប្រាប់ដល់សមត្ថកិច្ចថា គេនៅរស់ មិនទាន់ស្លាប់ទេ ចំណែកអ្នកស្លាប់ពិតប្រាកដគឺឈ្មោះជិន តេវ ជនជាតិវៀតណាម។
សូមបញ្ជាក់ថា ថ្ងៃទី១១ សីហា ២០១១ វេលាម៉ោង២រសៀល បានធ្លាយអាថ៌កំបាំងថា មានអំពើឃាតកម្មនៅកាស៊ីណូឆាតូ ក្រុងបាវិត ដោយមានការបំភ្លឺពីពលរដ្ឋថា នៅយប់ថ្ងៃទី៧ សីហា ២០១១ វេលាម៉ោង១១យប់មានរថយន្ត១គ្រឿង ដឹកមនុស្សចេញពីកាស៊ីណូឆាតូ មកកាន់ក្រុងស្វាយរៀង និងបត់ចូលទៅភូមិបាក់រនាស់ សង្កាត់សង្ឃ័រ ហើយអ្នកនោះបាត់រហូត ទើបបើកការស៊ើបអង្កេត រហូតកំណត់មុខសញ្ញាបានក៏ធ្វើការចាប់ខ្លួនជនសង្ស័យបានជាបន្តបន្ទាប់។
ជនសង្ស័យទី១-ឈ្មោះគង់ សំណាង អាយុ៤២ឆ្នាំ ជាអ្នករត់តាក់ស៊ី ស្វាយរៀង-ក្រុងបាវិត មានទីលំនៅភូមិស្រះវង្ស សង្កាត់ស្វាយរៀង ក្រុងស្វាយរៀង ទី២-ឈ្មោះវ៉ែន សាមឿន អាយុ៣៧ឆ្នាំ ជាសន្តិសុខកាស៊ីណូឆាតូ មានស្រុកកំណើតក្រុងភ្នំពេញ ៣-ឈ្មោះង្វៀង ធីប៉ិតឡាង ភេទស្រី អាយុ៣៥ឆ្នាំ ជនជាតិវៀតណាម ជាអ្នកមើលរ៉ូលីងកាស៊ីណូឆាតូ មានទីលំនៅភូមិកូយ៉ូវ ស្រុកបេនកូវ ខេត្តតៃនិញ ប្រទេសវៀតណាម។ ចំណែកជនរងគ្រោះដែលឃាតកសម្លាប់ដឹកយកមកទម្លាក់ចោលក្នុងទឹកព្រែកទន្លេវ៉ៃកូនោះឈ្មោះជិន តេវ ហៅម៉ាប់ អាយុ៣៥ឆ្នាំ មានប្រពន្ធឈ្មោះប៊ួយ ទីហឿង អាយុ៣២ឆ្នាំ មានកូនប្រុស៥នាក់ កូនច្បងអាយុ១៣ឆ្នាំ កូនតូចអាយុ៣ឆ្នាំ មានទីលំនៅភូមិប៉ិនហ៊ីប ឃុំប៉ិនហ៊ីប ស្រុកមុខវ៉ា ខេត្តឡុងអាន ប្រទេសវៀតណាម។
បើតាមស្ត្រីឈ្មោះប៊ួយ ទីហឿង បានប្រាប់ឱ្យដឹងថា បុរសជាប្តី បានយកកូនប្រុសអាយុ១៣ឆ្នាំ ទៅលក់ឱ្យបម្រើគេ យកប្រាក់២ពាន់ដុល្លារ រួចបានចូលមកស្រុកខ្មែរ តាំងពីថ្ងៃទី៣ សីហា ២០១១ ដើម្បីយកទៅលេងល្បែងនៅកាស៊ីណូ ហើយក៏បាត់ខ្លួនរហូតទៅ លុះដល់ថ្ងៃទី១២ សីហា ២០១១ ទើបសមត្ថកិច្ចបៀងផុង វៀតណាម ប្រាប់ថា ប្តីរបស់គាត់ឈ្មោះ «ជិន តេវ» ត្រូវពួកឆ្មាំកាស៊ីណូសម្លាប់នៅកម្ពុជាបាត់ទៅហើយ៕
ចែករំលែកព័តមាននេះ