ខេត្តកំពង់ធំ ៖ តាមប្រភពព័ត៌មានពីកន្លែងកើតហេតុឱ្យដឹងថា នៅវេលាម៉ោង៥ព្រឹក ថ្ងៃទី២៣ សីហា ២០១១ តាមដងផ្លូវជាតិលេខ៦ ក្នុងភូមិត្រពាំងឫស្សី ឃុំត្រពាំងឫស្សី ស្រុកកំពង់ស្វាយ មានគ្រោះថ្នាក់ចរាចរណ៍មួយកើតឡើងគឺរថយន្តទំនើប១គ្រឿងម៉ាក កាមរី ស៊េរី២០០៧ពណ៌ខ្មៅ អត់ស្លាកលេខបើកបរដោយជនមិនស្គាល់
ខេត្តកំពង់ធំ ៖ តាមប្រភពព័ត៌មានពីកន្លែងកើតហេតុឱ្យដឹងថា នៅវេលាម៉ោង៥ព្រឹក ថ្ងៃទី២៣ សីហា ២០១១ តាមដងផ្លូវជាតិលេខ៦ ក្នុងភូមិត្រពាំងឫស្សី ឃុំត្រពាំងឫស្សី ស្រុកកំពង់ស្វាយ មានគ្រោះថ្នាក់ចរាចរណ៍មួយកើតឡើងគឺរថយន្តទំនើប១គ្រឿងម៉ាកកាមរី ស៊េរី២០០៧ពណ៌ខ្មៅ អត់ស្លាកលេខបើកបរដោយជនមិនស្គាល់អត្តសញ្ញាណដឹកឈើគ្រញូងពេញបុកដើមអាកាស្យា។
ប្រភពដដែលបន្តថា រថយន្តនោះធ្វើដំណើរក្នុងទិសដៅពីខេត្តសៀមរាបឆ្លងកាត់ខេត្តកំពង់ធំទៅខេត្តកំពង់ចាម លុះទៅដល់ចំណុចកើតហេតុអ្នកបើកបរងងុយដេកបានរេចង្កូតទៅបុកដើមអាកាស្យាដែលនៅលើចិញ្ចើមផ្លូវពេញទំហឹងបណ្តាលឱ្យបាក់ជាពីរកំណាត់ ហើយរលើងឫសចេញមកក្រៅ។ ចំណែករថយន្តរួញក្រពឹតខ្ទេចបែរក្បាលទៅទិសខេត្តសៀមរាបវិញ។ ក្រោយពេលកើតហេតុអ្នកបើកបរគេចខ្លួនបាត់។ អស់រយៈពេលប្រហែលកន្លះម៉ោងក្រោយមកទើបគេឃើញមន្ត្រីរដ្ឋបាលព្រៃឈើទៅរឹបអូសនាំរថយន្តដឹកឈើគ្រញូងនោះទៅរក្សាទុកនៅអធិការដ្ឋានរដ្ឋបាលព្រៃឈើខាងជើងបឹងទន្លេសាបដើម្បី កសាងសំណុំរឿងចាត់ការតាមនីតិវិធី ៕
ចែករំលែកព័តមាននេះ