ខេត្តបន្ទាយមានជ័យ ៖ ប៉ូលិសស្រុកថ្មពួកបានចាប់ឃាត់ខ្លួនស្ត្រីម្នាក់ពីបទលក់ចែកចាយ គ្រឿងញៀនកាលពីវេលាម៉ោង៦ និង៣០នាទីល្ងាច ថ្ងៃទី២១ ខែសីហា ឆ្នាំ២០១១ នៅលើផ្លូវលំខាងជើងវិទ្យាល័យថ្មពួក ក្នុងភូមិថ្មពួក ឃុំថ្មពួក ស្រុកថ្មពួក។
ខេត្តបន្ទាយមានជ័យ ៖ ប៉ូលិសស្រុកថ្មពួកបានចាប់ឃាត់ខ្លួនស្ត្រីម្នាក់ពីបទលក់ចែកចាយគ្រឿងញៀនកាលពីវេលាម៉ោង៦ និង៣០នាទីល្ងាច ថ្ងៃទី២១ ខែសីហា ឆ្នាំ២០១១ នៅលើផ្លូវលំខាងជើងវិទ្យាល័យថ្មពួក ក្នុងភូមិថ្មពួក ឃុំថ្មពួក ស្រុកថ្មពួក។
មន្ត្រីប៉ូលិសស្រុកថ្មពួកឱ្យដឹងថា ស្ត្រីម្នាក់នោះឈ្មោះឡុង សុខន អាយុ៤៦ឆ្នាំ នៅភូមិស្រះជ្រៃ ឃុំបន្ទាយឆ្មារ ស្រុកថ្មពួក ហើយពេលចាប់ឃាត់ខ្លួន សមត្ថកិច្ចឆែកឆេររកឃើញថ្នាំញៀនប្រភេទមេតំហ្វេតាមីនចំនួន១០០គ្រាប់ពណ៌ក្រហមមានអក្សរWY លើគ្រាប់ថ្នាំម្ខាង ច្រកក្នុងថង់ប្លាស្ទិកពណ៌ខ្មៅ រុំថង់ប្លាស្ទិកពណ៌សពីក្រៅ និងទូរស័ព្ទដៃ១គ្រឿង។
នៅចំពោះមុខសមត្ថកិច្ច ស្ត្រីឈ្មោះឡុង សុខន បានសារភាពថា រូបគេទើបតែប្រព្រឹត្តទង្វើនេះជាលើកទី១ប៉ុណ្ណោះ ហើយក៏ត្រូវសមត្ថកិច្ចចាប់ឃាត់ខ្លួនតែម្តង។ លោកវរសេនីយ៍ឯក ឆេន ឈួត ស្នងការរងនគរបាលខេត្តទទួលបន្ទុកប្រធានការិយាល័យកណ្តាលយុត្តិធម៌មានប្រសាសន៍ថា ផ្អែកតាមការបង្ក្រាបជាក់ស្តែង និងចម្លើយសារភាព ជនសង្ស័យរួមទាំងវត្ថុតាងត្រូវបានការិយាល័យជំនាញរៀបចំសំណុំរឿងបញ្ជូនទៅសាលាដំបូងខេត្ត៕
ចែករំលែកព័តមាននេះ