ខេត្តកណ្តាល ៖ យុវជនម្នាក់ខឹងឪពុកម្តាយយូរចូលស្តីដណ្តឹងប្រពន្ធឱ្យពេក ទ្រាំមិនបានផឹកថ្នាំពុលលាយទឹកផ្លែឈើប៉ុនប៉ងសម្លា.ប់ខ្លួនឱ្យផុតសង្ខារលាចាកលោកកាលោកិយតែម្តង កាលពីវេលាម៉ោង៥ល្ងាចថ្ងៃទី២២ សីហា ២០១១ នៅភូមិកោះដែកជោ ឃុំគគីរធំ ស្រុកកៀនស្វាយ ប៉ុន្តែត្រូវបានសាច់ញាតិប្រទះឃើញទាន់ ក៏បញ្ជូនទៅ
ខេត្តកណ្តាល ៖ យុវជនម្នាក់ខឹងឪពុកម្តាយយូរចូលស្តីដណ្តឹងប្រពន្ធឱ្យពេក ទ្រាំមិនបានផឹកថ្នាំពុលលាយទឹកផ្លែឈើប៉ុនប៉ងសម្លាប់ខ្លួនឱ្យផុតសង្ខារលាចាកលោកកាលោកិយតែម្តង កាលពីវេលាម៉ោង៥ល្ងាចថ្ងៃទី២២ សីហា ២០១១ នៅភូមិកោះដែកជោ ឃុំគគីរធំ ស្រុកកៀនស្វាយ ប៉ុន្តែត្រូវបានសាច់ញាតិប្រទះឃើញទាន់ ក៏បញ្ជូនទៅមន្ទីរពេទ្យ ដើម្បីសង្គ្រោះយ៉ាងប្រញាប់ប្រញាល់ទើបរួចចាកផុតពីសេចក្តីស្លាប់។
តាមការរៀបរាប់ពីបុរសឈ្មោះយ៉ន អាយុ៥៥ឆ្នាំ មុខរបរនេសាទត្រី ត្រូវជាឪពុករបស់យុវជនផឹកថ្នាំពុលសម្លាប់ខ្លួនបានឱ្យដឹងថា កូនរបស់គាត់ដែលលេបថ្នាំសម្លាប់ខ្លួននោះឈ្មោះយស សារិទ្ធិ អាយុ១៩ឆ្នាំ បានផឹកថ្នាំពុល ដែលជាប្រភេទសម្លាប់សត្វកុក លលកអស់កន្លះថង់តូច គឺផឹកលាយជាមួយទឹកផ្លែឈើ។ មូលហេតុដែលនាំឱ្យកូនប្រុសគាត់ដាច់ចិត្តផឹកថ្នាំពុលសម្លាប់ខ្លួនបែបនេះ ដោយសារតែគេចាប់ចិត្តស្រឡាញ់នារីម្នាក់នៅផ្ទះជិតគ្នា ហើយនារីនោះធ្វើការនៅរោងចក្រកាត់ដេរសម្លៀកបំពាក់ក្នុងទីក្រុងភ្នំពេញ ។
បុរសជាឪពុកប្រាប់ទៀតថា រយៈពេល៣ទៅ៤ខែមកហើយ កូនប្រុសបានប្រាប់ឱ្យគាត់ចូលស្តីដណ្តឹងនារីនោះយកមកធ្វើជាប្រពន្ធ ប៉ុន្តែគាត់បាននិយាយប្រាប់កូនវិញថា នៅជួយរកប្រាក់ឱ្យឪពុកម្តាយសិនទៅ ចាំដល់ខែដាក់បិណ្ឌរដូវភ្ជុំទើបគាត់ចូលស្តីដណ្តឹងឱ្យ។ ដោយសារតែឥទ្ធិពលស្នេហា វាជ្រួតជ្រាបសព្វប្រាណ រសាប់រសល់ពន់ពេកប្រមាណ មិនអាចទ្រាំចាំតាមគាត់បាន កូនប្រុសផឹកស្រា និងបន្ទាប់មកយកទឹកផ្លែឈើដាក់លាយថ្នាំពុលផឹកអស់តែម្តង។ ពេលទន់ដៃទន់ជើងដួលសន្លប់ក៏ត្រូវបានសាច់ញាតិប្រទះឃើញរួចបញ្ជូនទៅសង្គ្រោះយ៉ាងប្រញាប់ប្រញាល់។
មកដល់ព្រឹកថ្ងៃទី២៣ សីហា ២០១១ យុវជនរងគ្រោះបានធូរស្បើយវិញហើយ ថែមទាំងនិយាយសុំទោសឪពុកថា «កូនឈប់ធ្វើអញ្ចឹងទៀតហើយ ពិបាកទ្រាំជាងស្លាប់ទៅ
ទៀត» ចំណែកឪពុកក៏ប្រាប់ទៅកូនវិញដែរថា «ចាំពុកទៅស្តីដណ្តឹងនារីនោះឱ្យកូនឱ្យទាល់តែបាន» ៕
ចែករំលែកព័តមាននេះ