រាជធានីភ្នំពេញ ៖ លោកស៊ុន ចាន់ថុល ទេសរដ្ឋមន្រ្តី និងជាអនុប្រធានប្រចាំការក្រុមប្រឹក្សាអភិវឌ្ឍន៍កម្ពុជា និងកូនស្រីបាននាំអំណោយជាគ្រែសម្រាលទារកចំនួនពីរជូនដល់ មន្ទីរពេទ្យកាល់ម៉ែត កាលពីព្រឹកថ្ងៃទី២៣ ខែសីហា ដែលមានលោកសាស្ត្រាចារ្យ ឈាង រ៉ា អគ្គនាយកមន្ទីរពេទ្យកាល់ម៉ែត និងវេជ្ជបណ្ឌិតជាច្រើនរូប
រាជធានីភ្នំពេញ ៖ លោកស៊ុន ចាន់ថុល ទេសរដ្ឋមន្រ្តី និងជាអនុប្រធានប្រចាំការក្រុមប្រឹក្សាអភិវឌ្ឍន៍កម្ពុជា និងកូនស្រីបាននាំអំណោយជាគ្រែសម្រាលទារកចំនួនពីរជូនដល់មន្ទីរពេទ្យកាល់ម៉ែត កាលពីព្រឹកថ្ងៃទី២៣ ខែសីហា ដែលមានលោកសាស្ត្រាចារ្យ ឈាង រ៉ា អគ្គនាយកមន្ទីរពេទ្យកាល់ម៉ែត និងវេជ្ជបណ្ឌិតជាច្រើនរូបចូលរួម ។
នៅក្នុងឱកាសនោះលោកស៊ុន ចាន់ថុល បានថ្លែងថា កូនស្រីរបស់លោកឈ្មោះអារ៉ូនី ស៊ុន ដែលកំពុងធ្វើកម្មសិក្សានៅមន្ទីរពេទ្យកាល់ម៉ែតបានមើលឃើញពីការខ្វះខាតរបស់មន្ទីរពេទ្យកាល់ម៉ែតផ្នែកសម្ភព ទើបនាំគ្នាបីនាក់បងប្អូនចូលលុយគ្នាទិញគ្រែសម្រាប់សម្រាលទារកចំនួនពីរប្រគល់ជូនមន្ទីរពេទ្យកាល់ម៉ែត ដើម្បីបំពេញការខ្វះខាតរបស់មន្ទីរពេទ្យ ដូចប្រសាសន៍សម្តេចតេជោ នាយករដ្ឋមន្ត្រីដែលតែងតែលើកឡើងថា សិល្បៈចែករំលែក។
លោកសាស្រ្តាចារ្យ ឈាង រ៉ា អគ្គនាយកមន្ទីរពេទ្យកាល់ម៉ែតបានថ្លែងអំណរគុណដល់លោកស៊ុន ចាន់ថុល ទេសរដ្ឋមន្រ្តីនិងជាអនុប្រធានប្រចាំការក្រុមប្រឹក្សាអភិវឌ្ឍន៍កម្ពុជា និងក្រុមគ្រួសារ ពិសេសកូនស្រីទាំងបីរបស់លោកដែលបានជួយឧបត្ថម្ភជាគ្រែសម្រាប់សម្រាលទារកចំនួនពីរដល់មន្ទីរពេទ្យកាល់ម៉ែតដែលកំពុងខ្វះខាត ព្រោះស្ត្រីឆ្លងទន្លេបច្ចុប្បន្នមានការកើនឡើងជាលំដាប់ ។
ជាការឆ្លើយតបលោកទេសរដ្ឋមន្រ្តីក៏បានថ្លែងអំណរគុណដល់លោកសាស្រ្តាចារ្យវេជ្ជបណ្ឌិតទាំងអស់ ដែលបានយកចិត្តទុកដាក់ក្នុងការបង្រៀនដល់កូនស្រីរបស់លោក គឺកញ្ញអារ៉ូនី ស៊ុន៕
ចែករំលែកព័តមាននេះ