ខេត្តសៀមរាប ៖ ក្រោមកិច្ចសហការរវាងសាលាខេត្ត ជាមួយនឹងក្រុមហ៊ុនអ.អឹម.អេ(ខេមបូឌា) ទិវាថែរក្សាបរិស្ថានជាសាកលរបស់ក្រុមហ៊ុន FORD MOTOR 2011 និងសភាយុវពាណិជ្ជកម្មអន្តរជាតិកម្ពុជា ស្របតាមទស្សនៈរួមគ្នាជំរុញចិត្តអ្នកថែរក្សាបរិស្ថានផែនដី និងដើម្បីបង្កើតឡើងវិញនូវសោភ័ណភាពបរិស្ថានកាន់
ខេត្តសៀមរាប ៖ ក្រោមកិច្ចសហការរវាងសាលាខេត្ត ជាមួយនឹងក្រុមហ៊ុនអ.អឹម.អេ(ខេមបូឌា) ទិវាថែរក្សាបរិស្ថានជាសាកលរបស់ក្រុមហ៊ុន FORD MOTOR 2011 និងសភាយុវពាណិជ្ជកម្មអន្តរជាតិកម្ពុជា ស្របតាមទស្សនៈរួមគ្នាជំរុញចិត្តអ្នកថែរក្សាបរិស្ថានផែនដីនិងដើម្បីបង្កើតឡើងវិញនូវសោភ័ណភាពបរិស្ថានកាន់តែល្អប្រសើរ កូនឈើជាច្រើនប្រភេទរួមមាន ដើមអង្កាញ់ ដើមត្របែកព្រៃ ដើមក្ងោក ដើមរំដួល រួមទាំងប្រភេទកូនឈើទាលនិងកូនគគីរសរុបចំនួន៣.៥០០ដើម ត្រូវបានប្រារព្ធពិធីដាំនៅលើកំណាត់ផ្លូវជាតិលេខ៦ ចាប់ពីកែងស្តុបសណ្ឋាគារសុខាអង្គរ រហូតដល់អាកាសយានដ្ឋានអន្តរជាតិសៀមរាប។
ពិធីដាំកូនឈើនេះ ប្រព្រឹត្តធ្វើយ៉ាងអធិកអធមកាលពីព្រឹកថ្ងៃទី២១ សីហា កន្លងទៅនេះ ក្រោមអធិបតីភាពលោក ស៊ូ ភិរិន្ទ អភិបាលខេត្ត និងមានការអញ្ជើញចូលរួមផងដែរពីលោកច័ន្ទ សុផល ប្រធានក្រុមប្រឹក្សាខេត្ត អភិបាលរងខេត្ត អស់លោក លោកស្រីជាតំណាងក្រុមហ៊ុនដៃគូពាក់ព័ន្ធ តំណាងមន្ទីរអង្គភាពជុំវិញខេត្ត លោកគ្រូអ្នកគ្រូ សាស្ត្រាចារ្យ និស្សិតព្រមទាំងប្រជាពលរដ្ឋជាច្រើនសរុបជាង១.០០០នាក់ ។
មានប្រសាសន៍សំណេះសំណាលក្នុងពិធីនោះលោកស៊ូ ភិរិន្ទ បានថ្លែងថា ការដាំកូនឈើនេះគឺជាការបង្កើតឡើងវិញនូវសោភ័ណភាពបរិស្ថានឱ្យកាន់តែល្អប្រសើរ ប្រែក្លាយទីតាំងដែលដាំនេះទៅជាតំបន់មានទេសភាពល្អប្រកបដោយពណ៌បៃតងស្រស់ត្រកាល។ លោកបានថ្លែងទៀតថា ព្រៃឈើពុំគ្រាន់តែមានតម្លៃខាងសេដ្ឋកិច្ចនិងសង្គមប៉ុណ្ណោះទេ តែនៅមានតម្លៃខ្ពស់មិនអាចកាត់ថ្លៃបាន ដូចជាជួយថែរក្សាលំនឹងបរិស្ថានធម្មជាតិធ្វើឱ្យធាតុអាកាសមានភាពកាន់តែប្រសើរឡើង រក្សាបាននូវនិយ័តភាពប្រភពទឹក ការពារទីជម្រាលនិងការពារជីវចម្រុះជាដើម ។
លោកអភិបាលខេត្តក៏បានថ្លែងកោតសរសើរប្រតិភូក្រុមហ៊ុន FORD ក្រុមហ៊ុន RMA Cambodia សភាយុវពាណិជ្ជកម្មអន្តរជាតិកម្ពុជា សាកលវិទ្យាល័យបៀលប្រាយ សាកលវិទ្យាល័យសៅស៍អ៊ីសថ៍អេយសៀ ដែលបានចំណាយពេលវេលាចូលរួមក្នុងពិធីដាំ កូនឈើលម្អសោភ័ណភាពផ្លូវក្នុងក្រុងទេស ចរណ៍សៀមរាបនាពេលនេះ ៕
ចែករំលែកព័តមាននេះ