ខេត្តកំពង់ស្ពឺ ៖ ជនម្នាក់ដែលស្រវឹងជោកជាំ បានប្រើអំពើហិ.ង្សាយ៉ាងអគតិដោយយកដបវាយអ្នកភូមិ បណ្តាលឱ្យមនុស្សចំនួន៥នាក់រងរបួសធ្ងន់ធ្ងរ ព្រមទាំងវាយម៉ូតូចំនួន២គ្រឿងនិងទូរទស្សន៍មួយគ្រឿង ឱ្យខូចខាត ។ ហេតុការណ៍នេះបានកើតឡើងនៅភូមិដីក្រហម ឃុំព្រៃក្មេង ស្រុកភ្នំស្រួច កាលពីវេលាម៉ោង៣និង៣០នាទី
ខេត្តកំពង់ស្ពឺ ៖ ជនម្នាក់ដែលស្រវឹងជោកជាំ បានប្រើអំពើហិង្សាយ៉ាងអគតិដោយយកដបវាយអ្នកភូមិបណ្តាលឱ្យមនុស្សចំនួន៥នាក់រងរបួសធ្ងន់ធ្ងរ ព្រមទាំងវាយម៉ូតូចំនួន២គ្រឿងនិងទូរទស្សន៍មួយគ្រឿងឱ្យខូចខាត ។ ហេតុការណ៍នេះបានកើតឡើងនៅភូមិដីក្រហម ឃុំព្រៃក្មេង ស្រុកភ្នំស្រួច កាលពីវេលាម៉ោង៣និង៣០នាទីរសៀលថ្ងៃទី២១ សីហា ។
មន្ត្រីប៉ូលិសព្រហ្មទណ្ឌស្រុកភ្នំស្រួចបានឱ្យដឹងថា នាវេលារសៀលនោះ បុរសម្នាក់ឈ្មោះខន ចេក អាយុ៣០ឆ្នាំ នៅភូមិដីក្រហម បានផឹកស្រាស្រវឹងហើយយកដំបងដេញវាយអ្នកភូមិបណ្តាលឱ្យរងរបួសចំនួន៥នាក់មាន១-ឈ្មោះជ័យ ហ៊ីម ភេទស្រី អាយុ៣២ឆ្នាំ មុខរបរលក់សាំងនៅក្នុងភូមិ រងរបួសធ្ងន់ដោយជនប្រមឹកវាយចំក្បាលបែកហូរឈាម ២-ឈ្មោះភឿង ភេទប្រុស អាយុ២១ឆ្នាំ ត្រូវចំក្បាលរងរបួសធ្ងន់ ៣-ឈ្មោះសុខម៉ៅ ភេទប្រុស អាយុ៤៨ឆ្នាំ ត្រូវចំក្បាលដែរតែរងរបួសស្រាល ៤-ឈ្មោះគុយ ភឹម ភេទប្រុស អាយុ៧៥ឆ្នាំ របួសក្បាលស្រាល និង៥-ឈ្មោះម៉ៅ ភេទប្រុស អាយុ៣ឆ្នាំ របួសក្បាលស្រាល ហើយបច្ចុប្បន្នកំពុងព្យាបាលនៅមន្ទីរពេទ្យឃុំ ។
ប្រភពដដែលបន្តទៀតថា ក្រោយពីវាយដំទៅលើស្ត្រីលក់សាំងឈ្មោះជ័យ ហ៊ីមហើយ ជននោះក៏ស្ទុះទៅទាញយកសាំងជាង១០ដបចាក់ស្រោចតាមដងផ្លូវព្រមទាំងយកទៅស្រោចលើខោអាវជជុះមួយគំនរបម្រុងដុតទៀត ។ បន្ទាប់មក ជនប្រមឹករូបនេះបានចូលទៅវាយបំផ្លាញម៉ូតូចំនួនពីរគ្រឿងដែលនៅក្បែរអ្នកលក់សាំងនោះឱ្យខូចខាតទៀតគឺម៉ូតូគុបជ្រុង សេ៩០ មួយគ្រឿង និងម៉ាកវីវ៉ាមួយគ្រឿង ។ មិនត្រឹមតែប៉ុណ្ណោះ ជននេះបានចូលទៅផ្ទះឈ្មោះជ័យ ហ៊ីម វាយបំផ្លាញទូរទស្សន៍មួយគ្រឿងទៀតបែកខ្ចាយផងដែរ។
ក្រោយពីមានសកម្មភាពយ៉ាងអគតិនេះ មន្ត្រីប៉ូលិសព្រហ្មទណ្ឌស្រុកក៏បានចុះទៅឃាត់ខ្លួនជនឈ្មោះខន ចេក ភ្លាមៗដែរ រួចបញ្ជូនមកអធិការដ្ឋានស្រុកដើម្បីចាត់ការបន្តតាមនីតិវិធីច្បាប់ ៕
ចែករំលែកព័តមាននេះ