ខេត្តមណ្ឌលគិរី ៖ ប្រជាពលរដ្ឋជនជាតិដើមភាគតិចព្នងរាប់រយគ្រួសាររស់នៅក្នុង ឃុំពូជ្រៃ ស្រុកពេជ្រាដា កំពុងព្រួយបារម្ភយ៉ាងខ្លាំងរឿងឈ្មួញនាំគ្នាចូលអារយកដើមឈើ ជ័រក្នុងព្រៃសហគមន៍របស់ពួកគាត់ ។ តាមប្រភពបានឱ្យដឹងថា ដើមឈើដែលពួកគាត់តែងតែនាំគ្នាទៅដងជ័ររាប់សិបដើមពេលនេះត្រូវ បានពួកឈ្មួញកា.ប់
ខេត្តមណ្ឌលគិរី ៖ ប្រជាពលរដ្ឋជនជាតិដើមភាគតិចព្នងរាប់រយគ្រួសាររស់នៅក្នុងឃុំពូជ្រៃ ស្រុកពេជ្រាដា កំពុងព្រួយបារម្ភយ៉ាងខ្លាំងរឿងឈ្មួញនាំគ្នាចូលអារយកដើមឈើជ័រក្នុងព្រៃសហគមន៍របស់ពួកគាត់ ។ តាមប្រភពបានឱ្យដឹងថា ដើមឈើដែលពួកគាត់តែងតែនាំគ្នាទៅដងជ័ររាប់សិបដើមពេលនេះត្រូវបានពួកឈ្មួញកាប់ និងអារច្រៀកជាគ្រឿងផ្ទះដោយម៉ាស៊ីនត្រង់សឺន័រ ហើយដឹកតាមរទេះគោ-ក្របី និងរថយន្តច្នៃយកទៅទុកនៅលំនៅឋាន រួចយករថយន្តដឹកបន្តទៅលក់នៅតាមភូមិ-ឃុំ-ស្រុកមួយចំនួន ។
ប្រភពបានឱ្យដឹងបន្តថា ពួកឈ្មួញទាំងនោះច្រើនតែជាខ្មែរអ៊ិស្លាមរស់នៅភូមិមេប៉ៃ ឃុំពូជ្រៃនេះតែម្តង ពេលឃើញពួកគេចូលអាររាល់ថ្ងៃ ពួកគាត់បានឃាត់ និងណែនាំឱ្យបញ្ឈប់ការកាប់ដើមច្បោះនេះជាច្រើនលើកមកហើយ តែពួកគេមិនស្តាប់ពួកគាត់ជាសហគមន៍ទេ មិនតែប៉ុណ្ណោះពួកគេបានប្រើសម្តីគំរាមកំហែងមកលើពួកគាត់វិញទៀតផង ។
កន្លងមកពួកគាត់ធ្លាប់រាយការណ៍ដល់មន្ត្រីជំនាញ និងបានសហការគ្នាចុះធ្វើអន្តរាគមន៍ម្តងរួចមកហើយ ប៉ុន្តែមិនបានឃើញជនទាំងនោះនៅក្នុងព្រៃនោះទេ គឺពួកគេហាក់បីដូចជាដឹងខ្លួនមុន ព្រោះពេលចុះទៅដល់គេដឹកឈើ និងសម្ភារយកទៅបាត់អស់ ។ លុះ៥ថ្ងៃក្រោយមក គេឃើញពួកឈ្មួញទាំងនោះនាំគ្នាចូលអារយកឈើវិញដដែល ។
ប្រជាពលរដ្ឋជនជាតិដើមភាគតិចព្នងទាំងនោះបានរិះគន់សមត្ថកិច្ចជំនាញថា ក្នុងការកាប់យកឈើនេះ បើគ្មានការត្រូវរ៉ូវជាមួយមន្ត្រីជំនាញទេ ពួកគេក៏មិនហ៊ានដែរ ហើយបើគេចង់បង្ក្រាបក៏មិនលំបាកឡើយ ព្រោះឈ្មួញទាំងនោះត្រូវបានគេស្គាល់មុខ និងលំនៅឋានច្បាស់ណាស់៕
ចែករំលែកព័តមាននេះ