រាជធានីភ្នំពេញ ៖ កាលពីមុនសម្រាប់រាជធានីភ្នំពេញកម្មករថែសួនបានប្រើម៉ាស៊ីនកាត់ ស្ពាយនៅលើស្មាហើយកាត់ស្មៅទៅតាមការទម្លាក់ដៃខ្ពស់ទាប ប៉ុន្តែពេលនេះសាលារាជធានីភ្នំពេញបានទិញម៉ាស៊ីនកាត់ស្មៅដែលមាន លក្ខណៈទំនើបជាងម៉ាស៊ីនចាស់ចំនួន១០គ្រឿងឱ្យអង្គភាពសួន ច្បាររាជធានីប្រើជាលើកដំបូងសិន។
រាជធានីភ្នំពេញ ៖ កាលពីមុនសម្រាប់រាជធានីភ្នំពេញកម្មករថែសួនបានប្រើម៉ាស៊ីនកាត់ស្ពាយនៅលើស្មាហើយកាត់ស្មៅទៅតាមការទម្លាក់ដៃខ្ពស់ទាប ប៉ុន្តែពេលនេះសាលារាជធានីភ្នំពេញបានទិញម៉ាស៊ីនកាត់ស្មៅដែលមានលក្ខណៈទំនើបជាងម៉ាស៊ីនចាស់ចំនួន១០គ្រឿងឱ្យអង្គភាពសួនច្បាររាជធានីប្រើជាលើកដំបូងសិន។
នៅព្រឹកថ្ងៃទី២២ សីហា បន្ទាប់ពីទទួលបានម៉ាស៊ីនទាំងនេះពីសាលារាជធានីភ្នំពេញភ្លាម អង្គភាពសួនច្បាររាជធានីភ្នំពេញ បានយកម៉ាស៊ីននេះទៅកាត់ស្មៅនៅលើសួនច្បារវិមានឯករាជ្យភ្លាមដែរក្រោមការត្រួតពិនិត្យពីលោកសាំ ពិសិដ្ឋ នាយកមន្ទីរសាធារណការនិងដឹកជញ្ជូនរាជធានីភ្នំពេញ។
មន្ត្រីអង្គភាពសួនច្បាររាជធានីភ្នំពេញបានឱ្យដឹងថា ម៉ាស៊ីនកាត់ស្មៅដែលសាលារាជធានីភ្នំពេញប្រគល់ឱ្យនាពេលនេះមានលក្ខណៈទំនើប និងងាយស្រួលកាត់ស្មៅជាងម៉ាស៊ីចាស់ឆ្ងាយណាស់ ពោលគឺកាត់បានរហ័ស ហើយធ្វើឱ្យស្មៅរាបស្មើល្អខុសពីកាត់ដោយកាន់ដោយដៃ។ ម្យ៉ាងទៀតម៉ាស៊ីនថ្មីនេះ មិនពិបាកកើបប្រមូលកម្ទេចស្មៅឡើយ ព្រោះពេលកាត់រួចគឺម៉ាស៊ីនបូមប្រមូលចូលក្នុងប្រអប់ខ្លួនវាតែម្តង ហើយយើងចាំតែរលាក់ចេញនៅពេលកម្ទេចស្មៅចូលពេញប្រអប់នោះប៉ុណ្ណោះ។
នៅក្នុងឱកាសនោះលោកសាំ ពិសិដ្ឋ នាយកមន្ទីរសាធារណការ និងដឹកជញ្ជូនរាជធានីភ្នំពេញ បានឱ្យដឹងថា នេះជាម៉ាស៊ីនកាត់ស្មៅទំនើបមិនចំណាយពេលយូរ និងកាត់ស្មៅរាបស្មើល្អជាងម៉ាស៊ីនចាស់។ មិនតែប៉ុណ្ណោះសាលារាជធានីភ្នំពេញ បាននិងកំពុងត្រៀមរៀបចំកែសម្រួលប្រព័ន្ធបាញ់ទឹកស្រោចស្មៅ ដោយដាក់ក្បាលបាញ់ស្រោចមិនចាំបាច់អូសទុយោស្រោចទៀតទេ។លោកបានណែនាំដល់ក្រុមកម្មករកាត់ស្មៅត្រូវយកចិត្តទុកដាក់ និងថែរក្សាម៉ាស៊ីនកាត់ស្មៅដ៏ទំនើបនេះឱ្យបានល្អដើម្បីប្រើប្រាស់បានយូរអង្វែង៕
ចែករំលែកព័តមាននេះ