ខេត្តកោះកុង ៖ កាលពីព្រឹកថ្ងៃទី២២ សីហា នៅស្នងការដ្ឋាននគរបាលខេត្តមានប្រារព្ធពិធីផ្តល់ឈាមជំហានទី ១ ដែលមានមន្ត្រីប៉ូលិសចំនួន២១នាក់ រួមទាំងលោកស្នងការផងបានស្ម័គ្រចិត្តបរិច្ចាគឈាមដោយអនុវត្ត តាមគោលការណ៍ ដូចសេចក្តីណែនាំរបស់អគ្គស្នងការដ្ឋាននគរបាលជាតិ និងជាពិសេសគឺជាការអនុវត្តតាម
ខេត្តកោះកុង ៖ កាលពីព្រឹកថ្ងៃទី២២ សីហា នៅស្នងការដ្ឋាននគរបាលខេត្តមានប្រារព្ធពិធីផ្តល់ឈាមជំហានទី១ ដែលមានមន្ត្រីប៉ូលិសចំនួន២១នាក់ រួមទាំងលោកស្នងការផងបានស្ម័គ្រចិត្តបរិច្ចាគឈាមដោយអនុវត្តតាមគោលការណ៍ ដូចសេចក្តីណែនាំរបស់អគ្គស្នងការដ្ឋាននគរបាលជាតិ និងជាពិសេសគឺជាការអនុវត្តតាមសេចក្តីអំពាវនាវរបស់សម្តេចអគ្គមហាសេនាបតីតេជោហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ដែលបានផ្តល់អនុសាសន៍ដ៏ខ្ពង់ខ្ពស់ប្រកបដោយគតិបណ្ឌិតថា «ការផ្តល់ឈាម គឺជាការចែករំលែកដើម្បីជួយជីវិតមនុស្ស»។
ព័ត៌មានពីលោកឧត្តមសេនីយ៍ត្រីសំ ឃីតវៀន ស្នងការនគរបាលខេត្តបានបញ្ជាក់ថា គោលការណ៍ផ្តល់ឈាមជំហានទី១ គឺជាគំរូសម្រាប់មន្ត្រីជានាយកងពលនគរបាលនៅទូទាំងខេត្តកោះកុង ហើយជាបន្តបន្ទាប់ទៀត ស្នងការដ្ឋានផងមានផែនការសម្រាប់ការបរិច្ចាគឈាមនេះក្នុង១ខែចំនួន១៥នាក់ទៀត រហូតទាល់តែអស់ មន្ត្រីប៉ូលិសក្នុងខេត្ត។
លោកវេជ្ជបណ្ឌិតទៅ ម៉ឹង នាយកមន្ទីរសុខាភិបាលខេត្តបានបញ្ជាក់ថា ការបរិច្ចាគឈាមមិនបានធ្វើឱ្យប៉ះពាល់ដល់សុខភាពឡើយ៕
ចែករំលែកព័តមាននេះ