ខេត្តកំពង់ឆ្នាំង ៖ កម្មករ-កម្មារិនីនៃរោងចក្រ M.V ប្រមាណ៥០នាក់បានទន់ដៃជើង ដួលសន្លប់ជាបន្តបន្ទាប់ទៀតហើយ បង្កឱ្យមានការភ្ញាក់ផ្អើលស្លន់ស្លោត្រូវមេការ ចាត់បញ្ជូនទៅសង្គ្រោះបន្ទាន់នៅមន្ទីរពេទ្យបង្អែកខេត្ត កាលពី វេលាម៉ោង៩និង២០នាទីព្រឹកថ្ងៃទី២៣ សីហា ២០១១។
ខេត្តកំពង់ឆ្នាំង ៖ កម្មករ-កម្មារិនីនៃរោងចក្រ M.V ប្រមាណ៥០នាក់បានទន់ដៃជើង ដួលសន្លប់ជាបន្តបន្ទាប់ទៀតហើយ បង្កឱ្យមានការភ្ញាក់ផ្អើលស្លន់ស្លោត្រូវមេការចាត់បញ្ជូនទៅសង្គ្រោះបន្ទាន់នៅមន្ទីរពេទ្យបង្អែកខេត្ត កាលពី វេលាម៉ោង៩និង២០នាទីព្រឹកថ្ងៃទី២៣ សីហា ២០១១។
រោងចក្រ M.V ជារោងចក្រតម្បាញ ស្ថិតក្នុងភូមិត្រពាំងចិក្សា សង្កាត់កំពង់ឆ្នាំង ក្រុងកំពង់ឆ្នាំង ការដួលសន្លប់របស់កម្មករនេះ មិនមែនជាលើកទី១ទេ គឺច្រើនលើកច្រើនសាមកហើយ ដែលអាចបណ្តាលមកពីបរិស្ថានមិនល្អ។ ការដួលសន្លប់លើកនេះមិនទាន់ត្រូវបានគេរកមូលហេតុឃើញនៅឡើយទេ ប៉ុន្តែប្រភពពីកម្មករបាននិយាយថា បណ្តាលមកពីថប់ខ្យល់ដែលមុនដំបូងមានមនុស្សម្នាក់ ឬពីរនាក់ប៉ុណ្ណោះទន់ដៃ ទង់ជើង ដួល ហើយភ្លាមៗនោះ មនុស្សជាច្រើននាក់ទៀតបានដួលបន្តបន្ទាប់គ្នា។ ព័ត៌មានលម្អិតនឹងផ្សាយជូននៅពេលក្រោយ និងនៅលើទំព័រកាសែតកោះសន្តិភាព ៕
ចែករំលែកព័តមាននេះ