រាជធានីភ្នំពេញ ៖ សាលារាជធានីភ្នំពេញ បានបង្កើតប៉ុសិ៍្តនគរបាលប្រចាំការ២៤ម៉ោងលើ២៤ម៉ោង ដើម្បីត្រួតពិនិត្យ ជាពិសេសផ្នែកចរាចរណ៍ និងសន្តិសុខ ដែលប៉ុស្តិ៍នេះគ្រោងសម្ពោធដាក់ឱ្យប្រើប្រាស់នាចុង ខែសីហានេះ ។ នៅព្រឹកថ្ងៃទី២២ សីហា ឆ្នាំ២០១១ លោកកែប ជុតិមា បានអញ្ជើញចុះទៅពិនិត្យប៉ុស្តិ៍ប្រចាំការ
រាជធានីភ្នំពេញ ៖ សាលារាជធានីភ្នំពេញ បានបង្កើតប៉ុសិ៍្តនគរបាលប្រចាំការ២៤ម៉ោងលើ២៤ម៉ោង ដើម្បីត្រួតពិនិត្យ ជាពិសេសផ្នែកចរាចរណ៍ និងសន្តិសុខ ដែលប៉ុស្តិ៍នេះគ្រោងសម្ពោធដាក់ឱ្យប្រើប្រាស់នាចុងខែសីហានេះ ។ នៅព្រឹកថ្ងៃទី២២ សីហា ឆ្នាំ២០១១ លោកកែប ជុតិមា បានអញ្ជើញចុះទៅពិនិត្យប៉ុស្តិ៍ប្រចាំការ២៤ម៉ោងលើ២៤ម៉ោងនោះបន្ទាប់ពីស្ថាបនារួច មុននឹងប្រគល់ទៅឱ្យប៉ូលិសក្នុងពេលឆាប់ៗនេះ ។
មន្ត្រីសាលារាជធានីភ្នំពេញបានឱ្យដឹងថា លោកកែប ជុតិមា អភិបាលរាជធានីភ្នំពេញបានចាត់ឱ្យផ្នែកជំនាញរៀបចំក្រុងកែប្រែអតីត
ស្ថានីយបូមទឹកជាប់របងស្តាតអូឡំាពិក ខាងមុខវត្តមហាមន្រ្តីឆៀងខាងកើត សាងសង់ជាប៉ុស្តិ៍នគរបាលចរាចរក្នុងគោលបំណងឱ្យមានមន្ត្រីនគរបាលចរាចរប្រចាំការនៅទីនោះ២៤ម៉ោងលើ២៤ម៉ោង ដើម្បីត្រួតពិនិត្យចរាចរណ៍ និងចុះអន្តរាគមន៍បានទាន់ពេលវេលានៅពេល
មានគ្រោះថ្នាក់ ឬបទល្មើសចរាចរណ៍កើតឡើង ព្រមទាំងការពារសន្តិសុខផងដែរ ។
ប៉ុស្តិ៍នគរបាលចរាចរថ្មីនេះត្រូវបានសាងសង់លើផ្ទៃដីអតីតស្ថានីយបូមទឹកដែលបានទុកចោលជាយូរឆ្នាំមកហើយតាមការណែនាំរបស់លោកអភិបាលរាជធានីដែលបានឱ្យជំនាញផ្នែកទីចាត់ការរៀបចំក្រុងរបស់សាលារាជធានីភ្នំពេញកែ និងប្តូរពីស្ថានីយបូមទឹកទៅជាប៉ុស្តិ៍ប៉ូលិសវិញ។
មន្រ្តីសាលាខណ្ឌ៧មករាបានអះអាងដែរថាដីធ្វើប៉ុស្តិ៍នេះជាកម្មសិទិ្ធរបស់សាលារាជធានី ស្ថិតនៅខាងលិចឆៀងខាងជើងស្តុបវត្តមហាមន្ត្រី ផ្លូវប៉ូឡូញ (ផ្លូវលេខ១៦៣) កែងនឹងមហាវិថីព្រះសីហនុក្នុងសង្កាត់វាលវង់ ខណ្ឌ៧មករា ដែលមានបណ្តោយ៩,៨០ម៉ែត្រ ទទឹង៦,១៥ ម៉ែត្រ កម្ពស់៦,២៨ម៉ែត្រ និងបានចាប់ផ្តើមសាងសង់តាំងពីថ្ងៃទី១៤ មិថុនា ឆ្នាំ២០១១ ចំណាយថវិកាអស់ចំនួន៩៩.៨៤៥.៦០០រៀល ។
គួររំលឹកដែរថា កាលពីលោកអភិបាលរាជធានីភ្នំពេញចុះពិនិត្យផ្ទាល់មុនពេលសាងសង់ប៉ុស្តិ៍រដ្ឋបាលនគរបាលថ្មីនេះ លោកកែប ជុតិមា មានគម្រោងដាក់កម្លំាងប៉ូលិសព្រហ្មទណ្ឌ ឬក៏កម្លំាងអន្តរាគមន៍មួយក្រុមប្រចាំការជាមួយប៉ូលិសចរាចរ ដើម្បីសហការគ្នាបង្ក្រាបបទល្មើសផ្សេងៗ ។ ពីព្រោះតំបន់នេះស្ថិតនៅចន្លោះព្រំប្រទល់ខណ្ឌ៧មករា និងខណ្ឌចំការមនដែលកន្លងមកសមត្ថកិច្ចមូលដ្ឋានទាំង២តែងឆ្លើយ
ដាក់គ្នាពាក់ព័ន្ធរឿងភូមិសាស្រ្ត បើសិនជាមានបទល្មើសកើតឡើងចាប់មិនបាន ដូច្នេះត្រូវមានកម្លំាងចម្រុះសហការគ្នា ៕
ចែករំលែកព័តមាននេះ