តម្លៃប្រេងឆៅធ្លាក់ចុះក្នុងទីផ្សារអាស៊ីនៅថ្ងៃចន្ទ ទី២២ សីហា ស្របពេលដែលក្រុមឧទ្ទាមលីប៊ីចូលកាន់កា.ប់រដ្ឋធានីរបស់ប្រទេសបានមួយផ្នែក ហើយដំណាក់កាលចុងក្រោយរបស់លោកកាដាហ្វ៊ីជិតចូលមកដល់នោះ។ ប្រេងក្នុងទីក្រុងញូវយ៉ក ថ្ងៃទី២១ សីហា ក្នុងមួយធុងតម្លៃ៨២,០១ដុល្លារក្នុងមួយបារ៉ែល
តម្លៃប្រេងឆៅធ្លាក់ចុះក្នុងទីផ្សារអាស៊ីនៅថ្ងៃចន្ទ ទី២២ សីហា ស្របពេលដែលក្រុមឧទ្ទាមលីប៊ីចូលកាន់កាប់រដ្ឋធានីរបស់ប្រទេសបានមួយផ្នែក ហើយដំណាក់កាលចុងក្រោយរបស់លោកកាដាហ្វ៊ីជិតចូលមកដល់នោះ។
ប្រេងក្នុងទីក្រុងញូវយ៉ក ថ្ងៃទី២១ សីហា ក្នុងមួយធុងតម្លៃ៨២,០១ដុល្លារក្នុងមួយបារ៉ែល បន្ទាប់ពីការងើបឡើងដល់៨៣ដុល្លារកាលពីព្រឹកដោយសារមានក្តីបារម្ភពីតម្រូវការប្រេងសហរដ្ឋអាមេរិក។ លោក Victor Shun អ្នកវិភាគពីថាមពលរបស់ក្រុមហ៊ុន Puvin និង Gertz ក្នុងប្រទេសសិង្ហបុរីថ្លែងថា នេះពិតជាដំណឹងមួយយ៉ាងសំខាន់ ដែលស្ថានភាពនោះមិនជាប់ពាក់ព័ន្ធនឹងបញ្ហាក្នុងប្រទេសលីប៊ី។
ក្រុមឧទ្ទាមបានចូលកាន់កាប់រដ្ឋធានីទ្រីប៉ូលី ហើយក៏មានព័ត៌មានថា លោកកាដាហ្វ៊ីបានរត់ភៀសខ្លួនចេញពីប្រទេស។ លីប៊ី ជាប្រទេសនាំប្រេងចេញដែលមានចំនួន១,៤៩ លានបារ៉ែលក្នុងមួយថ្ងៃ បន្ទាប់ពីមានក្រុមឧទ្ទាមងើបឡើងតស៊ូកាលពីពាក់កណ្តាលខែកុម្ភៈ។ ប្រេងនាំចេញរបស់ប្រទេសលីប៊ីប្រមាណ៨៥ភាគរយ គឺចូលទ្វីបអឺរ៉ុប ប៉ុន្តែពេលមានបដិវត្តន៍ផ្ទុះឡើងក៏បានរាំងស្ទះដល់ផលិតកម្មប្រេងរបស់ប្រទេសនេះ។
អ្នកវិភាគនិយាយថា ក្រុមហ៊ុនលក់ប្រេងដែលទទួលរងគំនាបពីវិបត្តិនៅប្រទេសលីប៊ី បានខំប្រឹងផលិតប្រេងកាន់តែច្រើនឡើង ហើយក៏មានន័យថាការផ្គត់ផ្គង់ប្រេងទៅទ្វីបអឺរ៉ុបកាន់តែច្រើនដែរ។ កាលពីថ្ងៃសុក្រ ទី១៩ សីហា តម្លៃប្រេងធ្លាក់ចុះ៣,៧ភាគរយ៕
ចែករំលែកព័តមាននេះ