ផ្សារហ៊ុនអាស៊ានកំពុងស្ថិតនៅក្នុងក្តីព្រួយបារម្ភគួរឲ្យកត់សម្គាល់កាលពីថ្ងៃចន្ទ ទី២២ សីហា បន្ទាប់ពីការលក់ចេញយ៉ាងគគ្រឹកគ្រេងក្នុងទីផ្សារពិភពលោកកាលពីចុងសប្តាហ៍មុន។ តម្លៃបានស្ថិតនៅក្បែរកំណត់ត្រាឡើងថ្លៃបំផុតកាលពីថ្ងៃសុក្រ ទី១៩ សីហា ដែលពាណិជ្ជករកំពុងសម្លឹងរកទីកន្លែងសុវត្ថិភាពសម្រាប់ប្រាក់របស់គេ
ផ្សារហ៊ុនអាស៊ានកំពុងស្ថិតនៅក្នុងក្តីព្រួយបារម្ភគួរឲ្យកត់សម្គាល់កាលពីថ្ងៃចន្ទ ទី២២ សីហា បន្ទាប់ពីការលក់ចេញយ៉ាងគគ្រឹកគ្រេងក្នុងទីផ្សារពិភពលោកកាលពីចុងសប្តាហ៍មុន។
តម្លៃបានស្ថិតនៅក្បែរកំណត់ត្រាឡើងថ្លៃបំផុតកាលពីថ្ងៃសុក្រ ទី១៩ សីហា ដែលពាណិជ្ជករកំពុងសម្លឹងរកទីកន្លែងសុវត្ថិភាពសម្រាប់ប្រាក់របស់គេ ប៉ុន្តែតម្លៃប្រាក់យ៉េនបែរជាឡើងថ្លៃក្បែរតម្លៃប្រាក់របស់ខ្លួនកាលពីសម័យសង្គ្រាមលោកលើកទី២ធៀបជាមួយប្រាក់ដុល្លារ ហេតុនេះរដ្ឋាភិបាលក្រុងតូក្យូបានចេញ សេចក្តីជូនដំណឹងជាថ្មីម្តងទៀតដើម្បីមានចំណាត់ការចូលក្នុងទីផ្សារជួយប្រាក់យ៉េនវិញ។
តម្លៃប្រាក់យ៉េននៅត្រឹម៧៦,៦២យ៉េនក្នុងមួយដុល្លារ កាលព្រឹកថ្ងៃទី២២ សីហា នៅទីក្រុងតូក្យូ ធៀបនឹង៧៥,៩៥ យ៉េនក្នុងមួយដុល្លារកាលពីថ្ងៃសុក្រ ទី១៩ សីហា។ បន្ទាប់ពីប្រទេសជប៉ុនរងគ្រោះដោយរញ្ជួយដីថ្ងៃ១១ មីនា តម្លៃប្រាក់យ៉េនឡើងខ្ពស់ជាងប្រាក់យ៉េនក្នុងសម័យសង្គ្រាមលោកលើកទី២ ដែលមានតម្លៃ៧៦,២៥យ៉េនក្នុងមួយដុល្លារ។
ប្រាក់យ៉េនរបស់ជប៉ុន និងប្រាក់ហ្រ្វង់ស្វ៊ីស ជារូបិយប័ណ្ណមានសុវត្ថិភាពបំផុត ដែលទទួលបានការទាក់ទាញទិញចូល ផ្ទុយពីក្តីបារម្ភពីវិបត្តិប្រាក់បំណុលរបស់អាមេរិកនិងតំបន់ប្រើប្រាស់ប្រាក់អឺរ៉ូ។
តាមរយៈសារព័ត៌មានក្នុងស្រុក បានឲ្យដឹងកាលពីចុងសប្តាហ៍មុនថា អាជ្ញាធរជប៉ុនបានចាត់វិធានការរួចជាស្រេចហើយ ក្នុងការទប់ទល់ការឡើងថ្លៃប្រាក់យ៉េន រួមទាំងការចូលធ្វើអន្តរាគមន៍ក្នុងទីផ្សារ។ របាយកាណ៍នោះនិយាយថា ធនាគារកណ្តាលជប៉ុនបានគិតគូរពីការកាត់បន្ថយរូបិយវត្ថុផងដែរ។ លោករដ្ឋមន្ត្រីក្រសួងការបរទេស Yoshihiko Noda បានបោះជំហានទៅមុខក្នុងការប្រឆាំងទប់ទល់នឹងការឡើងថ្លៃនៃប្រាក់យ៉េន។ ផ្សារហ៊ុនជប៉ុន Nikkei ក្នុងទីក្រុងតូក្យូបានផ្លាស់ប្តូរភ្លាមៗ ដែលពេលបើកទ្វាធ្លាក់ចុះ តែក្រោយមកឡើងថ្លៃវិញ មុនពេលបិទទ្វារបាយថ្ងៃត្រង់ ហើយនៅខ្ពស់ត្រឹម០,១៩ភាគរយ៕
ចែករំលែកព័តមាននេះ