រាជធានីភ្នំពេញ ៖ យុវជនជាជាងផ្សារដែកម្នាក់ធ្លាក់ពីលើរន្ទាសន្លប់ ខណៈពេលដែលឡើងទៅផ្សារដែកជាន់ខុសរន្ទា កាលពីវេលាម៉ោង៧និង៣០នាទីព្រឹកថ្ងៃទី២២ សីហា ២០១១ នៅការដ្ឋានសាងសង់ខុនដូតាមបណ្តោយផ្លូវ២០៤៤ ហៅផ្លូវម៉ៃដា ស្ថិតក្នុងសង្កាត់ទឹកថ្លា ខណ្ឌសែនសុខ ហើយត្រូវបញ្ជូនទៅព្យាបាលនៅមន្ទីរពេទ្យព្រះកុសុមៈ។
រាជធានីភ្នំពេញ ៖ យុវជនជាជាងផ្សារដែកម្នាក់ធ្លាក់ពីលើរន្ទាសន្លប់ ខណៈពេលដែលឡើងទៅផ្សារដែកជាន់ខុសរន្ទា កាលពីវេលាម៉ោង៧និង៣០នាទីព្រឹកថ្ងៃទី២២ សីហា ២០១១ នៅការដ្ឋានសាងសង់ខុនដូតាមបណ្តោយផ្លូវ២០៤៤ ហៅផ្លូវម៉ៃដា ស្ថិតក្នុងសង្កាត់ទឹកថ្លា ខណ្ឌសែនសុខ ហើយត្រូវបញ្ជូនទៅព្យាបាលនៅមន្ទីរពេទ្យព្រះកុសុមៈ។
ប្រភពព័ត៌មានពីឪពុកមាដែលជូនមកមន្ទីរពេទ្យបានឱ្យដឹងថា យុវជនរងគ្រោះឈ្មោះគឹម លី អាយុ២២ឆ្នាំ ជាជាងផ្សារដែក មានស្រុកកំណើតនៅភូមិព្រៃកន្តួង ឃុំព្រែកថ្មី ស្រុកកោះធំ ខេត្តកណ្តាល មកផ្សារដែកនៅកន្លែងសាងសង់ផ្ទះខុនដូរម្តុំផ្លូវម៉ៃដាខាងលើ។ នៅព្រឹកកើតហេតុនេះ យុវជនរងគ្រោះបានឡើងតាមរន្ទាទៅផ្សារដែកនៅលើដំបូល ខណៈពេលកំពុងតែឡើងតាមរន្ទា ស្រាប់តែជាន់ខុសរន្ទាបណ្តាលឱ្យធ្លាក់ទៅទើរលើប្លង់សេមានកម្ពស់៦ម៉ែត្រ។
ប្រភពព័ត៌មានបន្តទៀតថា ពេលធ្លាក់មកធ្លុះចង្កាចេញឈាម និងក្អួតចេញបាយមកក្រៅទាំងអស់ ហើយរថយន្តរបស់ថៅកែសំណង់បានដឹកមកដាក់នៅមន្ទីរពេទ្យព្រះកុសុមៈ រួចចេញទៅវិញបាត់។ ចំណែកជនរងគ្រោះ គ្រូពេទ្យកំពុងព្យាបាលសន្លប់មិនទាន់ដឹងខ្លួននៅឡើយទេ ៕
ចែករំលែកព័តមាននេះ