រាជធានីភ្នំពេញ ៖ គណៈកម្មាធិការអនុសាខាកាកបាទក្រហមកម្ពុជាខណ្ឌទួលគោក កាលពីរសៀលថ្ងៃទី១៩ សីហា បាននាំយកអំណោយទៅចែកជូនដល់ប្រជាពលរដ្ឋក្រីក្រ និងចាស់ជរាចំនួន៧គ្រួសារ រស់នៅក្នុងសង្កាត់បឹងសាឡាង ខណ្ឌទួលគោក។អំណោយដែលនាំយកទៅចែកជូននោះក្នុង១គ្រួសារៗទទួល បានអង្ករ
រាជធានីភ្នំពេញ ៖ គណៈកម្មាធិការអនុសាខាកាកបាទក្រហមកម្ពុជាខណ្ឌទួលគោក កាលពីរសៀលថ្ងៃទី១៩ សីហា បាននាំយកអំណោយទៅចែកជូនដល់ប្រជាពលរដ្ឋក្រីក្រ និងចាស់ជរាចំនួន៧គ្រួសារ រស់នៅក្នុងសង្កាត់បឹងសាឡាង ខណ្ឌទួលគោក។អំណោយដែលនាំយកទៅចែកជូននោះក្នុង១គ្រួសារៗទទួលបានអង្ករចំនួន៥០គីឡូក្រាម មី១កេស ទឹកស៊ីអ៊ីវ៦ដប ត្រីខ៥កំប៉ុង ស្ករស១គីឡូក្រាម ទឹកដោះគោ២កំប៉ុង និងថវិកាចំនួន៥ម៉ឺនរៀល។
លោកសាំង សុភៈវិចិត្រ ប្រធានគណៈកម្មាធិការអនុសាខាកាកបាទក្រហមកម្ពុជាខណ្ឌទួលគោក បានថ្លែងថា កាកបាទក្រហមកម្ពុជាដែលមានលោកជំទាវកិត្តិព្រឹទ្ធបណ្ឌិតប៊ុន រ៉ានី ហ៊ុន សែន ជាប្រធាន បានគិតគូរយ៉ាងខ្លាំងចំពោះប្រជាពលរដ្ឋក្រីក្រ ចាស់ជរាគ្មានទីពឹង ជនរងគ្រោះដោយគ្រោះធម្មជាតិ និងគ្រោះអគ្គិភ័យផ្សេងៗ ហើយតែងតែចុះសាកសួរសុខទុក្ខ និងនាំអំណោយយកទៅចែកជូនជាបន្តបន្ទាប់។ ដោយសារមានការណែនាំពីលោកជំទាវ ក៏ដូចជាសាខាកាកបាទក្រហមរាជធានីភ្នំពេញ អនុសាខាកាកបាទក្រហមខណ្ឌទួលគោក តែងតែចុះមូលដ្ឋានជាប្រចាំស្រាវជ្រាវរកប្រជាពលរដ្ឋក្រីក្រ ចាស់ជរា គ្មានទីពឹង និងនាំអំណោយមកជួយឧបត្ថម្ភជាបន្តបន្ទាប់។
លោកសាំង សុភៈវិចិត្រ បន្តទៀតថា អំណោយទាំងនេះមិនអាចបំពេញតម្រូវការបានគ្រប់គ្រាន់នោះទេ តែវាអាចជួយសម្រួលការលំបាករបស់បងប្អូនបានមួយគ្រាដែរ ។ ម្យ៉ាងទៀត នេះជាការយកចិត្តទុកដាក់ និងជួយរំលែកទុក្ខលំបាករបស់កាកបាទក្រហមកម្ពុជា ក្នុងនាមមនុស្សធម៌បំផុត ៕
ចែករំលែកព័តមាននេះ