ខេត្តបន្ទាយមានជ័យ ៖ ប្រជាពលរដ្ឋខ្មែរម្នាក់ត្រូវអ្នករត់ម៉ូតូឌុបថៃ២នាក់ព្រួតគ្នា វាយបណ្តាលឱ្យសន្លប់ដេកស្តូកស្តឹង ខណៈពេលដើរចេញពីធនាគារបើកលុយជិតផ្សារតាប់ប្រាយ៉ា កាលពីវេលាម៉ោង៥ និង៣០នាទីល្ងាច ថ្ងៃទី១៩ សីហា ក្នុងស្រុកតាប់ប្រាយ៉ា ខេត្តស្រះកែវ ប្រទេសថៃ។
ខេត្តបន្ទាយមានជ័យ ៖ ប្រជាពលរដ្ឋខ្មែរម្នាក់ត្រូវអ្នករត់ម៉ូតូឌុបថៃ២នាក់ព្រួតគ្នាវាយបណ្តាលឱ្យសន្លប់ដេកស្តូកស្តឹង ខណៈពេលដើរចេញពីធនាគារបើកលុយជិតផ្សារតាប់ប្រាយ៉ា កាលពីវេលាម៉ោង៥ និង៣០នាទីល្ងាច ថ្ងៃទី១៩ សីហា ក្នុងស្រុកតាប់ប្រាយ៉ា ខេត្តស្រះកែវ ប្រទេសថៃ។
ជនរងគ្រោះឈ្មោះភាវ សុធា ភេទប្រុស អាយុ៣១ឆ្នាំ រស់នៅភូមិបន្ទាយមានរឹទិ្ធ ឃុំគោករមៀត ស្រុកថ្មពួក ខេត្តបន្ទាយមានជ័យ។ ជនរងគ្រោះបានទៅបើកលុយពីធនាគារថៃជិតផ្សារតាប់ប្រាយ៉ា ។ លុះពេលចេញមកវិញហួសមុខធនាគារបន្តិច ស្រាប់តែអ្នករត់ម៉ូតូឌុបថៃ២នាក់លបវាយពីក្រោយបណ្តាលឱ្យដួលសន្លប់នៅនឹងកន្លែង។ ឃើញដូច្នោះប្រជាពលរដ្ឋថៃបានស្រែកឆោឡោ ហើយជនដៃដល់ទាំង២នាក់បើកម៉ូតូគេចខ្លួនបាត់។ ជនរងគ្រោះត្រូវគេនាំទៅព្យាបាលនៅមន្ទីរពេទ្យស្រុកតាប់ប្រាយ៉ា។
សមត្ថកិច្ចកម្ពុជាសន្និដ្ឋានថា នេះគឺជាករណីប្លន់យកលុយមិនបានសម្រេចរបស់ក្រុមជនទុច្ចរិត២នាក់នោះ។ បើកុំតែប្រជាពលរដ្ឋថៃជួយ ម្លេ៉ះពួកចោរយកលុយជនរងគ្រោះបានមិនខាន ៕
ចែករំលែកព័តមាននេះ