ខេត្តព្រះសីហនុ ៖ អយ្យការអមសាលាដំបូងខេត្តព្រះសីហនុ បានបង្ហាញសំណាកគ្រឿងញៀន នៅចំពោះមុខអាជ្ញាធរខេត្ត និងសមត្ថកិច្ចចំរុះខេត្តព្រះសីហនុ កាលពីព្រឹកថ្ងៃ៤ ខែកក្កដា ឆ្នាំ២០២៥ មុននឹងយកទៅដុតកម្ទេចចោល…
ខេត្តព្រះសីហនុ ៖ អយ្យការអមសាលាដំបូងខេត្តព្រះសីហនុ បានបង្ហាញសំណាកគ្រឿងញៀន នៅចំពោះមុខអាជ្ញាធរខេត្ត និងសមត្ថកិច្ចចំរុះខេត្តព្រះសីហនុ កាលពីព្រឹកថ្ងៃ៤ ខែកក្កដា ឆ្នាំ២០២៥ មុននឹងយកទៅដុតកម្ទេចចោល ដែលគ្រោងធ្វើការដុតកម្ទេចចោល ។
លោក ពេញ ពិសិដ្ឋ ព្រះរាជអាជ្ញារងតំណាងឯកឧត្តម សៀង សុខ ព្រះរាជអជ្ញាអមសាលាដំបូងខេត្តព្រះសីហនុ ឲ្យដឹងថា គ្រឿងញៀនចំរុះដែលត្រូវយកទៅដុតកម្ទេចចោលនេះមានចំនួនជាង២៦០០គីឡូក្រាម(ជាងពីរពាន់ប្រាំមួយរយ) និងថា គ្រឿងញៀនទាំងអស់នេះ ត្រូវបានសមត្ថកិច្ចមានដូចជានគរបាលកងរាជអាវុធហត្ថនិងអាជ្ញាធរពាក់ព័ន្ធបង្ក្រាបរឹបអូសបានជាបន្តបន្ទាប់កន្លងមក និងបានបញ្ចប់និតិវិធីផ្លូវច្បាប់នៅតុលាការរួចរាល់ ។
បើតាមលោក ពេញ ពិសិដ្ឋ បញ្ជាក់ថា ជនល្មើសពាក់ព័ន្ធក្នុងអំពើជួញដូរគ្រឿងញៀនដែលសមត្ថកិច្ចចាប់ខ្លួន មានទាំងជនជាតិខ្មែរនិងមួយចំនួនទៀតជាជនបរទេស ត្រូវបានឃុំខ្លួនក្នុងពន្ធនាគារតាមផ្លូវច្បាប់ដោយមិនលើកលែងឡើយ ។
ក្នុងនាម សាលាដំបូង និងអយ្យការអមសាដំបូងខេត្តព្រះសីហនុ លោកព្រះរាជអាជ្ញារងបានអំពាវទៅកាន់បងប្អូនប្រជាពលរដ្ឋចូលរួមសហការទប់ស្កាត់បទល្មើសគ្រឿងញៀន តាមរយៈការអប់រំកូនចៅឲ្យចៀសឆ្ងាយពីគ្រឿងញៀន និងថាអ្នកប្រព្រឹត្តបទល្មើសគ្រឿ ងញៀន គឺជាអ្នកបំផ្លាញអនាគតខ្លួនឯង ៕
ចែករំលែកព័តមាននេះ