រាជធានីភ្នំពេញ ៖ ក្រុមប្រឹក្សាអភិវឌ្ឍន៍កម្ពុជា បានប្រកាសថា គម្រោងវិនិយោគថាមពលអគ្គិសនី ជាពិសេស គឺថាមពលកកើតឡើងវិញ គឺជាគម្រោងដ៏ទាក់ទាញ ដោយកម្ពុជាអាចទាក់ទាញបានរហូតដល់ទៅជាង២១ភាគរយ នៃគម្រោងវិនិយោគសរុប ។
ប្រភពដដែល បានអះអាងថា ពីខែមករា ដល់ខែមិថុនា ឆ្នាំ២០២៦ កម្ពុជាបានផ្តល់ការអនុញ្ញាតអនុវត្តគម្រោងថាមពលកកើតឡើងវិញចំនួន៥ ដែលមានតម្លៃសរុបជាង១ពាន់លានដុល្លារ ពោលគឺស្មើនឹងជាង២១ភាគរយ នៃគម្រោងវិនិយោគសរុបទំហំ៤,៧ ពាន់លានដុល្លារ ។
គម្រោងទាំងនោះ ត្រូវបានគេដឹងថា រោងចក្រថាមពលព្រះអាទិត្យ កម្លាំង៣៥០មេហ្គាវ៉ាត់ តម្លៃ ២២៦លានដុល្លារ នៅពោធិ៍សាត់ គម្រោងថាមពលខ្យល់ ១៥០មេហ្គាវ៉ាត់ នៅមណ្ឌលគីរី ដែលមានតម្លៃ ២០០លានដុល្លារ, គម្រោងថាមពលខ្យល់ ១៥០មេហ្គាវ៉ាត់ទៀតមានតម្លៃ១៨៦លានដុល្លារ ។
លើសពីនេះមាន រោងចក្រថាមពលជីវម៉ាស ៥០មេហ្គាវាត់ និងរោងចក្រថាមពលពន្លឺព្រះអាទិត្យ ៤០មេហ្គាវាត់ នៅពោធិ៍សាត់ មានតម្លៃសរុប ១៣១លានដុល្លារ និងរោងចក្រថាមពលពន្លឺព្រះអាទិត្យ ២០០មេហ្គាវាត់ មានតម្លៃ ៣០០លានដុល្លារ នៅស្ទឹងត្រែង ៕
ចែករំលែកព័តមាននេះ