ដោយ ៖ សិរី ពិសិដ្ឋ
រាជធានីភ្នំពេញ ៖ យោងតាមការសិក្សាថ្មីមួយបានឱ្យដឹងថា ការបរិភោគសាច់ក្រហម ទោះសាច់ដែលផ្សំគ្រឿងហើយឬមិនទាន់ក៏ដោយ ដូចជាសាច់បីជាន់ សាច់គោ សាច់ក្រក និងសាច់ Hot Dogs អាចធ្វើឱ្យលោក-អ្នកប្រឈមនឹងជំងឺទឹកនោមប្រភេទទីពីរ។
ដោយ ៖ សិរី ពិសិដ្ឋ
រាជធានីភ្នំពេញ ៖ យោងតាមការសិក្សាថ្មីមួយបានឱ្យដឹងថា ការបរិភោគសាច់ក្រហម ទោះសាច់ដែលផ្សំគ្រឿងហើយឬមិនទាន់ក៏ដោយ ដូចជាសាច់បីជាន់ សាច់គោ សាច់ក្រក និងសាច់ Hot Dogs អាចធ្វើឱ្យលោក-អ្នកប្រឈមនឹងជំងឺទឹកនោមប្រភេទទីពីរ។
ជំងឺទឹកនោមផ្អែមប្រភេទទីពីរនេះ គឺមានការទាក់ទងទៅនឹងការធាត់ហួស ដែលធ្វើឱ្យរាងកាយរបស់យើងមិនអាចផលិតអ័រម៉ូន Insulin (ការបំលែងជាតិស្ករ) បានគ្រប់គ្រាន់ ឬកោសិកាមិនអាចប្រើប្រាស់ Insulin បានត្រឹមត្រូវល្អ។ ដូច្នេះវានឹងនាំឱ្យជាតិស្ករក្នុងឈាមសល់ច្រើន អាចឈានទៅកើតជំងឺទឹកនោមផ្អែមប្រភេទទី២ ហើយនៅពេលលោក-អ្នកមានជំងឺទឹកនោមផ្អែមបែបនេះ វាអាចបង្កឱ្យមានផលវិបាកដូចជាជំងឺបេះដូង ស្រវាំងភ្នែក ខូចសរសៃប្រសាទ និងតម្រងនោម។
គេបានធ្វើស្ថិតិអ្នកចូលរួមបរិភោគសាច់ក្រហម មិនទាន់ផ្សំគ្រឿងចំនួន៩៩,៥ក្រាម ក្នុងមួយថ្ងៃ មានដូចជា សាច់អាំង ឬសាច់ចិញ្ច្រាំប័រហ្គ័រ ក្រោយមករកឃើញថា ពួកគេអាចមានឱកាស២០% ក្នុងការវិវត្តន៍ទៅរកជំងឺទឹកនោមផ្អែមប្រភេទពីរ។ ចំពោះអ្នកដែលបរិភោគតែពាក់កណ្តាលនៃចំនួនសាច់ក្រហមខាងលើវិញ ប៉ុន្តែផ្សំគ្រឿងដូចជាសាច់បីជាន់ពីរបន្ទះ ឬសាច់ Hot Dogs មួយ គឺអាចធ្វើឱ្យប្រឈមនឹងការកើតជំងឺទឹកនោមផ្អែមប្រភេទពីរ រហូតដល់៥១%។
សាស្ត្រាចារ្យផ្នែកចំណីអាហារ និងជំងឺរាតត្បាតនៅសាកលវិទ្យាល័យ Harvard ខាងសុខភាពសាធារណៈនិយាយថា ចំនួននៃការបរិភោគសាច់ក្រហម មិនជាច្រើនខ្លាំងក្លានោះទេ ប៉ុន្តែការប្រឈមមុខបែរជាខ្ពស់ទៅវិញ ។ ការទទួលទានអាហារជាសាច់ក្រហមទៀងទាត់ ជាពិសេសសាច់ដែលផ្សំគ្រឿងហើយ គឺមានការទាក់ទងគ្នាក្នុងការប្រឈមមុខខ្ពស់នឹងជំងឺទឹកនោមផ្អែមប្រភេទពីរ។ ការរកឃើញនេះគឺមានសារសំខាន់ណាស់ ដែលធ្វើឱ្យយើងបានដឹងនូវការកើនឡើងនៃអ្នកជំងឺទឹកនោមផ្អែម និងការកើនឡើងរឹតតែច្រើននៃការទទួលទានសាច់ក្រហម។
ដោយឡែកក្រុមហ៊ុនឧស្សាហកម្មមួយបានជំទាស់នូវការរកឃើញមួយនេះ។ លោក Shalene McNeill នាយប្រតិបត្តិនៃការស្រាវជ្រាវអាហារូបត្ថម្ភរបស់មនុស្សនៅឯសមាគម National Cattlemen’ Beef Asscociation និយាយថា «ការស្រាវជ្រាវនៃចំណុចសំខាន់លើរាងកាយបង្ហាញឱ្យឃើញថា សាច់គោដែលគ្មានខ្លាញ់មានអត្ថប្រយោជន៍ជាខ្លាំងនៅក្នុងរបបអាហារវាផ្តល់នូវថាមពលសុខភាព ក្នុងនោះក៏ជួយកាត់បន្ថយការកើតជំងឺទឹកនោមផ្អែមប្រភេទទីពីរដែរ ហើយវាមិនដូចការលើកឡើងរបស់អ្នកសិក្សានៃសាកលវិទ្យាល័យ Harvard ដែលថា សាច់ក្រហមដែលពេញគួរតែផ្លាស់ប្តូរក្នុងការទទួលទានទានដូចជាសាច់គោជាដើម ។ តាមពិតទៅវាពិបាកឱ្យផ្លាស់ប្តូរណាស់ ព្រោះថា សាច់គោសំបូរទៅដោយសារជាតិចិញ្ចឹម មនុស្សគ្រប់គ្នាគិតថា សាច់គោជាអាហារដែលមានអត្ថប្រយោជន៍សម្រាប់សុខភាព៕
ចែករំលែកព័តមាននេះ