រាជធានីភ្នំពេញ ៖ ប្រជាពលរដ្ឋក្រីក្រចំនួន៨គ្រួសាររស់នៅក្នុងសង្កាត់ ចាក់អង្រែលើខណ្ឌមានជ័យ ត្រូវបានអាជ្ញាធរខណ្ឌដឹកនាំដោយលោកគួច ចំរើន អភិបាលខណ្ឌចុះចែកអំណោយកាលពីព្រឹកថ្ងៃទី១៩ សីហា ឆ្នាំ២០១១ ។ អមដំណើរជាមួយគណៈប្រតិភូនាឱកាសនោះរួមមានលោកឡុង ង៉ែត នាយករដ្ឋបាលខណ្ឌមានជ័យ លោកពៅ ហួត ចៅសង្កាត់ច្បារអំពៅទី១
រាជធានីភ្នំពេញ ៖ ប្រជាពលរដ្ឋក្រីក្រចំនួន៨គ្រួសាររស់នៅក្នុងសង្កាត់ចាក់អង្រែលើខណ្ឌមានជ័យ ត្រូវបានអាជ្ញាធរខណ្ឌដឹកនាំដោយលោកគួច ចំរើន អភិបាលខណ្ឌចុះចែកអំណោយកាលពីព្រឹកថ្ងៃទី១៩ សីហា ឆ្នាំ២០១១ ។ អមដំណើរជាមួយគណៈប្រតិភូនាឱកាសនោះរួមមានលោកឡុង ង៉ែត នាយករដ្ឋបាលខណ្ឌមានជ័យ លោកពៅ ហួត ចៅសង្កាត់ច្បារអំពៅទី១ លោកយ៉ិន វុធ ចៅសង្កាត់ច្បារអំពៅ ទី២ និងលោកកែវ សាវឿន ចៅសង្កាត់ចាក់អង្រែលើ ។
មានប្រសាសន៍សំណេះសំណាលជាមួយប្រជាពលរដ្ឋក្នុងពិធីខាងលើនេះ លោកគួច ចំរើន បានថ្លែងថា ដោយអនុវត្តតាមគោលនយោបាយរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងមិនទុកឱ្យពលរដ្ឋណាម្នាក់ស្លាប់ដោយអត់អាហារ ហើយម្យ៉ាងទៀតដោយអនុវត្តតាមវិធីមនុស្សធម៌របស់កាកបាទក្រហមកម្ពុជាក្រោមការដឹកនាំរបស់លោកជំទាវ កិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ទើបអាជ្ញាធរខណ្ឌមានជ័យរួមជាមួយអាជ្ញាធរសង្កាត់ចាក់អង្រែលើបានចុះពិនិត្យជាក់ស្តែងពីសុខទុក្ខរបស់បងប្អូនប្រជាពលរដ្ឋក្នុងមូលដ្ឋាន ហើយបានសង្កេតឃើញថា បងប្អូនទាំង៨គ្រួសារកំពុងជួបប្រទះនូវកង្វះខាតស្បៀង ។
ជាក់ស្តែងលើបញ្ហាជីវភាពរស់នៅប្រចាំថ្ងៃ ហើយគ្រួសារមួយទៀតមានជំងឺប្រចាំកាយថែមទៀតផង ទើបអាជ្ញាធរមូលដ្ឋានបានយកចិត្តទុកដាក់រៀបចំនូវសម្ភារគ្រឿងឧបភោគ បរិភោគសម្រាប់ជួយរំលែកនូវការលំបាករបស់បងប្អូនបានមួយគ្រាដែរ ។
អំណោយដែលត្រូវបានចែកជូនប្រជាពលរដ្ឋក្នុងឱកាសខាងលើនេះសម្រាប់មួយគ្រួសារៗរួមមានអង្ករ២៥គីឡូក្រាម មី១កេស ស្ករ.ស១គីឡូក្រាម ត្រីខ១យួរ ទឹកត្រី១យួរ ទឹកស៊ីអ៊ីវ១យួរ អំបិល២គីឡូក្រាម សៀវភៅសរសេរ២៤ក្បាល និងថវិកា៥ម៉ឺនរៀល ៕
ចែករំលែកព័តមាននេះ