ខេត្តកោះកុង ៖ បន្ទាប់ពីកោះសន្តិភាពបានផ្សាយព័ត៌មានអំពីក្មេងស្រីឈ្មោះសួន សោភ័ណ្ឌ អាយុ១២ឆ្នាំ បានលង់ភក់ស្លា.ប់យ៉ាងអាណោចអាធ័មដោយសារតែខំដើររើសចាក់ច្រែង ដើម្បីលក់យកកម្រៃចិញ្ចឹមជីដូនជរា ឈ្មោះសួន ញឹម អាយុ៨៤ឆ្នាំ និងប្អូនកំព្រា២នាក់ទៀត ម្នាក់ឈ្មោះសួន សុភ័ក្តិ ភេទប្រុស អាយុ៩ឆ្នាំ និងម្នាក់
ខេត្តកោះកុង ៖ បន្ទាប់ពីកោះសន្តិភាពបានផ្សាយព័ត៌មានអំពីក្មេងស្រីឈ្មោះសួន សោភ័ណ្ឌ អាយុ១២ឆ្នាំ បានលង់ភក់ស្លាប់យ៉ាងអាណោចអាធ័មដោយសារតែខំដើររើសចាក់ច្រែងដើម្បីលក់យកកម្រៃចិញ្ចឹមជីដូនជរា ឈ្មោះសួន ញឹម អាយុ៨៤ឆ្នាំ និងប្អូនកំព្រា២នាក់ទៀត ម្នាក់ឈ្មោះសួន សុភ័ក្តិ ភេទប្រុស អាយុ៩ឆ្នាំ និងម្នាក់ទៀតឈ្មោះសួន ស្រីលាភ ភេទស្រី អាយុ៤ឆ្នាំ កាលពីវេលាម៉ោង១១និង៣០នាទីព្រឹក ថ្ងៃទី៧ សីហា នោះ ពិតជាបានធ្វើឱ្យសប្បុរសជនដែលមានចិត្តបុណ្យទាំងឡាយមានក្តីអាណិតអាសូរចំពោះក្មេងស្រីរងគ្រោះ ជីដូន និងប្អូនរបស់នាងយ៉ាងខ្លាំង ក៏បានបរិច្ចាគថវិកាមួយចំនួនតាមរយៈកោះសន្តិភាពយកទៅឧបត្ថម្ភក្រុមគ្រួសាររបស់នាងដែលមានជីដូនជរា និងប្អូនទាំង២របស់នាង។ ថវិកាជាអំណោយនោះត្រូវបានភ្នាក់ងារកោះសន្តិភាពប្រចាំខេត្តនាំយកទៅប្រគល់ឱ្យដល់លំនៅឋាននៅព្រឹកថ្ងៃទី១៩ សីហា។
សប្បុរសជនដែលបានផ្តល់អំណោយតាមរយៈកោះសន្តិភាពមាន ១-លោកវេជ្ជបណ្ឌិត ទៅ ម៉ឺង ប្រធានមន្ទីរសុខាភិបាលខេត្តកោះកុង ១០មឺុនរៀល ២-អ្នកស្រី មុំ ហួរ លក់នំបញ្ចុក កាហ្វេ (កោះកុង) ៥ម៉ឺនរៀល ៣-អ្នកស្រី ស្រ៊ៀន សត្ថា (កោះកុង) ៥ម៉ឺនរៀល ៤-អ្នកស្រី ណឺយ គឹមយ៉ុង (កោះកុង) ៥មឺុនរៀល ៥-អ្នកស្រីអៀ អួន ក្រុមប្រឹក្សាសង្កាត់ស្មាច់មានជ័យ ៥ម៉ឺនរៀល ៦-លោកតា សុត យន់ និងលោកយាយ រឿង ភឺច ព្រមទាំងចៅ ២០ម៉ឺនរៀល ៧-កុមារា សាភឿន រ៉ូបញ្ញា អាយុ១២ឆ្នាំ រៀនថ្នាក់ទី៨ សាលាបញ្ញាសាស្ត្រ ១០ម៉ឺនរៀល ៨-លោកស្រី សៀង ដាលីន លោកស្រីណាង ទេវី និងបងស្រីសុំមិនបញ្ចេញឈ្មោះ រួមគ្នាឧបត្ថម្ភ៦ម៉ឺនរៀល ៩-លោកឧត្តមសេនីយ៍ត្រី ធ្វើការនៅបញ្ជាការដ្ឋានកងទ័ពជើងអាកាស ២០ដុល្លារ ១០-លោកប៊ុន រត្ថា និងភរិយា នៅសហរដ្ឋអាមេរិក ១០ដុល្លារ ១១-ចែ ពៅ នៅផ្សារទួលទំពូង ១០ដុល្លារ ១២-លោកខូវ សុខា បម្រើការនៅធនាគារកាណាឌីយ៉ា ១០ដុល្លារ ១៣-លោកស្រី អ៊ាង សុជាតា នៅម្តុំផ្សារដីហុយ ១០ដុល្លារ ១៤-លោកស្រីបាក់ គី លក់រថយន្តកូរ៉េឃ្លាំងលេខ១០៨ ឧបត្ថម្ភ២០ម៉ឺនរៀល និង១៥-លោកវេង ស្រេង រោងចក្រ VINITON ឧបត្ថម្ភ៥ដុល្លារ ។
ខណៈពេលដែលភ្នាក់ងារកោះសន្តិភាពយកថវិការបស់សប្បុរសជនទៅជូនដល់ជីដូនជរា និងចៅកំព្រាទាំង២នាក់ លោកចេវ វុទ្ធី អនុប្រធានភូមិនាងកុក ដែលជាអាណាព្យាបាលរបស់ជីដូន និងក្មេងកំព្រា បានថ្លែងអំណរគុណយ៉ាងជ្រាលជ្រៅចំពោះម្ចាស់ទាន និងជូនពរឱ្យសប្បុរសជនជិតឆ្ងាយប្រកបការងារអ្វីៗបានសម្រេចតាមប្រាថ្នា ។ ចំពោះថវិកាទាំងអស់ខាងលើត្រូវបានលោកអនុប្រធានភូមិជាអ្នករក្សាទុកសម្រាប់ផ្តល់ជូនតាមតម្រូវការរបស់គាត់ ព្រោះខ្លាចមានជនខិលខូចប្លន់យកប្រាក់គាត់អស់ ៕
ចែករំលែកព័តមាននេះ