ខេត្តកំពង់ឆ្នាំង-រាជធានីភ្នំពេញ ៖ អំណោយជាទឹកប្រាក់ចំនួន៤០ដុល្លារ ត្រូវបានភ្នាក់ងារកោះសន្តិភាពនាំយកទៅផ្តល់ជូនលោកយាយសួស ថន អាយុ៨៥ឆ្នាំ និងលោកយាយសួស ធឿន អាយុ៧៥ឆ្នាំ ដល់លំនៅឋាន ដែលលោកយាយទាំងពីរស្ថិតក្នុងភូមិត្រពាំងគ ឃុំជ្រៃបាក់ ស្រុករលាប្អៀរ កាលពីថ្ងៃទី១៦
ខេត្តកំពង់ឆ្នាំង-រាជធានីភ្នំពេញ ៖ អំណោយជាទឹកប្រាក់ចំនួន៤០ដុល្លារ ត្រូវបានភ្នាក់ងារកោះសន្តិភាពនាំយកទៅផ្តល់ជូនលោកយាយសួស ថន អាយុ៨៥ឆ្នាំ និងលោកយាយសួស ធឿន អាយុ៧៥ឆ្នាំ ដល់លំនៅឋាន ដែលលោកយាយទាំងពីរស្ថិតក្នុងភូមិត្រពាំងគ ឃុំជ្រៃបាក់ ស្រុករលាប្អៀរ កាលពីថ្ងៃទី១៦
សីហា កន្លងមក។ អំណោយចំនួន៤០ដុល្លារនេះបានមកពីការឧបត្ថម្ភរបស់ក្រុមហ៊ុនប្រាយវិកថឹវីមេគង្គត្រូលៀម ដែលបានផ្តល់ឱ្យកោះសន្តិភាពសម្រាប់យកទៅជូនលោកយាយចាស់ៗចំនួន៩នាក់ ដែលម្នាក់ទទួលបាន២០ដុល្លារ។ សម្រាប់ខេត្តកំពង់ឆ្នាំ មានលោកយាយ២នាក់ ដែលត្រូវបានប្រគល់២០ដុល្លារ សម្រាប់ម្នាក់។
គួររំលឹកថា ក្រោយពីមានការចុះផ្សាយពីជីវិតលោកយាយកម្សត់ទាំងពីរនេះ ក៏មានសប្បុរសជនជាច្រើនបានផ្តល់តាមរយៈសារព័ត៌មានកោះសន្តិភាពនូវអំណោយជាថវិកា និងសម្ភារ គ្រឿងឧបភោគបរិភោគយ៉ាងច្រើន បន្តបន្ទាប់។ ថ្មីៗនេះ លោកជំទាវកិត្តិព្រឹទ្ធបណ្ឌិតប៊ុន រ៉ានី ហ៊ុន សែន តាមរយៈសាខាកាកបាទក្រហមខេត្តបានសង់ផ្ទះថ្មមួយខ្នងមាន៤គុន៥ម៉ែត្រទាំងអណ្តូងស្នប់ផង ផ្តល់ជូនលោកយាយ។ ដោយឡែកទឹកប្រាក់២០ដុល្លារទៀតរបស់ក្រុមហ៊ុនក៏បានប្រគល់ជូនដល់លោកយាយ ញឹប ហេង អាយុ៨៥ឆ្នាំ ដែលរស់នៅឯកោម្នាក់ឯងក្នុងភូមិបុរី១០០ខ្នង សង្កាត់ទឹកថ្លា ខណ្ឌសែនសុខ រាជធានីភ្នំពេញ។
លោកយាយសួស ធឿន ក៏ដូចជាលោកយាយញឹប ហេង បានលើកដៃប្រណមថ្លែងអំណរគុណ និងសូមបួងសួងដល់វត្ថុស័ក្តិសិទ្ធិក្នុងលោកសូមជួយបីបាច់ថែរក្សាលោកជំទាវប៊ុន រ៉ានីហ៊ុន សែន និងស្វាមី បុត្រា បុត្រី ព្រមទាំងសប្បុរសជនទាំងអស់សូមជួបតែពុទ្ធពរទាំង៤ប្រការកុំបីឃ្លៀងឃាតឡើយ៕
ចែករំលែកព័តមាននេះ