ប្រធានធនាគារពិភពលោក លោក ROBERT ZOELLICK ដែលកំពុងបំពេញទស្សនកិច្ចនៅអូស្ត្រាលីបានព្រមានកាលពីថ្ងៃទី១៦ សីហា ថា ពិភពលោកកំពុងស្ថិតក្នុងដំណាក់កាលលំបាក និងគ្រោះថ្នាក់មួយ ហើយលោកអំពាវនាវដល់បណ្តារដ្ឋាភិបាលឱ្យខិតខំកាត់បន្ថយបំណុលរយៈពេលយូរ ដើម្បីដោះស្រាយវិបិត្តនៃបំណុលធ្ងន់ធ្ងរនៅអឺរ៉ុប
ប្រធានធនាគារពិភពលោក លោក ROBERT ZOELLICK ដែលកំពុងបំពេញទស្សនកិច្ចនៅអូស្ត្រាលីបានព្រមានកាលពីថ្ងៃទី១៦ សីហា ថា ពិភពលោកកំពុងស្ថិតក្នុងដំណាក់កាលលំបាក និងគ្រោះថ្នាក់មួយ ហើយលោកអំពាវនាវដល់បណ្តារដ្ឋាភិបាលឱ្យខិតខំកាត់បន្ថយបំណុលរយៈពេលយូរ ដើម្បីដោះស្រាយវិបិត្តនៃបំណុលធ្ងន់ធ្ងរនៅអឺរ៉ុប និងនៅសហរដ្ឋអាមេរិក។
ក្នុងសន្និសីទសារព័ត៌មានរួមមួយកាលពីថ្ងៃទី ១៦ សីហា ជាមួយរដ្ឋមន្ត្រីហិរញ្ញវត្ថុអូស្ត្រាលី លោក WAYNE SWAN លោក ZOEL-LICK ថ្លែងថា វាសំខាន់ណាស់សម្រាប់អឺរ៉ុប និងសហរដ្ឋអាមេរិកដែលត្រូវយល់ថា សភាពការណ៍នេះបានជះឥទ្ធិពលលើប្រទេសដទៃៗទៀត។ លោកបន្តថា នេះគឺជាការសម្រេចចិត្តរបស់អឺរ៉ុប ដើម្បីអឺរ៉ុប ព្រោះយើងជាផ្នែកមួយនៃសេដ្ឋកិច្ចអន្តរជាតិ ហើយដំណោះស្រាយគឺសំខាន់សម្រាប់យើងទាំងអស់គ្នា ។ វាដល់ពេលជំរុញកម្មវិធីជាគុណប្រយោជន៍ដល់ការផ្លាស់ប្តូរសេរី។ លោកបានព្រមានប្រឆាំងនឹងនិន្នាការកំណើនរបស់បណ្តាប្រទេសដែលងាកទៅរកលទ្ធិការពារទំនិញ ក្នុងស្រុក ពេលដែលប្រទេសទាំងនោះស្វះស្វែងដោះស្រាយវិបត្តិបំណុលរបស់ខ្លួនផ្ទាល់។
ការអះអាងទាំងនេះរបស់ប្រធានធនាគារពិភពលោកធ្វើឡើងបន្ទាប់ពីការចេញផ្សាយរួមគ្នា ដោយរដ្ឋមន្ត្រីហិរញ្ញវត្ថុរបស់ប្រទេស៥ (អាហ្វ្រិកខាងត្បូង អូស្ត្រាលី កាណាដា អង់គ្លេស សិង្ហបុរី) នូវអត្ថបទមួយ ដែលអំពាវនាវឱ្យមានសកម្មភាពជាអន្តរជាតិមួយសំដៅស្តារឡើងវិញនូវទំនុកចិត្ត ដោយស្នើដល់រដ្ឋាភិបាលទាំងនេះឱ្យធ្វើការខិតខំប្រឹងប្រែងថែមទៀត ដើម្បីស្តារហិរញ្ញវត្ថុ។ វិបត្តិបំណុលនៅអឺរ៉ុប និងនៅសហរដ្ឋអាមេរិក ព្រមទាំងប៉ះពាល់របស់វា លើទំនុកចិត្តនៃទីផ្សារអន្តរជាតិនឹងជាចំណុចគន្លឹះ ដែលត្រូវលើកឡើងក្នុងកិច្ចប្រជុំកំពូលនាពេលខាងមុខនោះរបស់ G-20 ៕
ចែករំលែកព័តមាននេះ