រាជធានីភ្នំពេញ ៖ កាលពីថ្ងៃទី១៤ សីហា លោកម៉ម វ៉ាន អ្នកយកព័ត៌មានកោះសន្តិភាពបាននាំយកថវិកាចំនួន២០០ដុល្លារទៅ ប្រគល់ដល់ដៃបងប្រុសរបស់បុរសរងគ្រោះឈ្មោះបូម ធឿន ដែលរបួសធ្ងន់ដោយគ្រោះថ្នាក់ចរាចរណ៍ ហើយកំពុងស្ថិតនៅក្នុងមន្ទីរពេទ្យដោយមានការចូលរួមដឹងឮពី លោកគ្រូពេទ្យផងដែរ។
រាជធានីភ្នំពេញ ៖ កាលពីថ្ងៃទី១៤ សីហា លោកម៉ម វ៉ាន អ្នកយកព័ត៌មានកោះសន្តិភាពបាននាំយកថវិកាចំនួន២០០ដុល្លារទៅប្រគល់ដល់ដៃបងប្រុសរបស់បុរសរងគ្រោះឈ្មោះបូម ធឿន ដែលរបួសធ្ងន់ដោយគ្រោះថ្នាក់ចរាចរណ៍ ហើយកំពុងស្ថិតនៅក្នុងមន្ទីរពេទ្យដោយមានការចូលរួមដឹងឮពីលោកគ្រូពេទ្យផងដែរ។
ថវិកាដែលនាំទៅផ្តល់ជូននោះកោះសន្តិភាពបានទទួលពីលោកហ៊ីង សុជាតិ រស់នៅរដ្ឋអូហាយ៉ូ សហរដ្ឋអាមេរិកដែលលោកបានផ្តល់តាមរយៈលោកណុប ច័ន្ទដារា សហការីកោះសន្តិភាពនៅក្រុងឡងប៊ិច ដោយលោកបានចេញថ្លៃសេវាក្នុងការផ្ញើប្រាក់អំណោយនេះឱ្យនៅគ្រប់ចំនួនដើម្បីបញ្ជូនដល់ដៃបុរសរងគ្រោះ។
គួររំលឹកថា គ្រោះអកុសលនេះបានកើតមានឡើងកាលពីថ្ងៃ២៥ កក្កដា ហើយស្ត្រីជាប្រពន្ធមានផ្ទៃពោះ៧ខែដោយរន្ធត់ចិត្តពេក និងគ្មានប្រាក់ព្យាបាលប្តីបានលើកដៃសំពះសុំការសង្គ្រោះពីសប្បុរសជន។ ដោយសារតែការទទួលបានប្រាក់ឧបត្ថម្ភជាបន្តបន្ទាប់ឈ្មោះបូម ធឿន ជាប្តីបានធូរស្រាលពីរបួសខ្លះៗហើយ តែស្ថិតក្នុងស្ថានភាពសង្គ្រោះនៅឡើយ ឯប្រពន្ធឈ្មោះផន ភាម ដែលមានផ្ទៃពោះជិតគ្រប់ខែនោះបានវិលត្រឡប់ទៅផ្ទះត្រៀមឆ្លងទន្លេ និងបានមើលថែកូនតូចៗផង។
ទឹកប្រាក់ដែលបានប្រគល់ជូននេះនឹងជួយបំពេញនូវរាល់ការខ្វះខាតរបស់បុរសរងគ្រោះ។ បុរសជាបងប្រុសបានលើកម្រាមដៃប្រណម្យថ្លែងអំណរគុណចំពោះម្ចាស់ទានដែលទោះបីស្ថិតនៅឆ្ងាយពីមាតុភូមិ តែឈាមជ័រជាខ្មែរតែងមានចិត្តមេត្តា ករុណាតែងតែនៅជិតគ្នាជានិច្ច និងសូមជូនពរលោកហ៊ីង សុជាតិ និងលោកណុប ច័ន្ទដារា សូមជួបតែសេចក្តីសុខគ្រប់ប្រការ ៕
ចែករំលែកព័តមាននេះ