ខេត្តស្វាយរៀង ៖ កាលពីព្រឹកថ្ងៃទី១៤ សីហា នៅទីស្នាក់ការគណបក្សប្រជាជនកម្ពុជាសង្កាត់ស្វាយរៀង ក្រុងស្វាយរៀង មានរៀបចំពិធីប្រកាសបញ្ចូលសមាជិក-សមាជិកាថ្មីចំនួន១៥០នាក់ (ស្ត្រី៧៧នាក់) អធិបតីភាពលោកឧកញ៉ាម៉ែន វិបុល ប្រធានក្រុមការងារចុះជួយក្រុងស្វាយរៀង និងជាអភិបាលរងខេត្ត ។ ចូលរួមក្នុង
ខេត្តស្វាយរៀង ៖ កាលពីព្រឹកថ្ងៃទី១៤ សីហា នៅទីស្នាក់ការគណបក្សប្រជាជនកម្ពុជាសង្កាត់ស្វាយរៀង ក្រុងស្វាយរៀង មានរៀបចំពិធីប្រកាសបញ្ចូលសមាជិក-សមាជិកាថ្មីចំនួន១៥០នាក់ (ស្ត្រី៧៧នាក់) អធិបតីភាពលោកឧកញ៉ាម៉ែន វិបុល ប្រធានក្រុមការងារចុះជួយក្រុងស្វាយរៀង និងជាអភិបាលរងខេត្ត ។ ចូលរួមក្នុងពិធីនោះមានលោកយូ ប៊ុននី អភិបាលក្រុងស្វាយរៀង លោកវេជ្ជបណ្ឌិតកែរ រដ្ឋា អនុប្រធានមន្ទីរសុខាភិបាលខេត្ត ព្រមទាំងសមាជិក-សមាជិកាបក្សក្រុង-សង្កាត់ជាច្រើនរូបទៀត។បន្ទាប់ពីលោកគង់ សារូ ប្រធានគណបក្សប្រជាជនសង្កាត់ស្វាយរៀង អានប្រកាសបញ្ចូលសមាជិក-សមាជិកាថ្មីទាំង១៥០នាក់រួចមក កញ្ញាម៉ម រតនា បានឡើងប្តេជ្ញាចិត្តនិងការជឿជាក់លើគោលនយោបាយរបស់គណបក្សប្រជាជនកម្ពុជា ដែលមានសម្តេចអគ្គមហាធម្មពោធិសាល ជា ស៊ីម សម្តេចអគ្គមហាពញាចក្រីហេង សំរិន និងសម្តេចអគ្គមហាសេនាបតីតេជោហ៊ុន សែន ជាប្រមុខ បានដឹកនាំអភិវឌ្ឍន៍សង្គមជាតិរីកចម្រើនលើគ្រប់វិស័យ និងគាំទ្របេក្ខភាពសម្តេចតេជោហ៊ុន សែន ជានាយករដ្ឋមន្ត្រីជារៀងរហូត។ ថ្ងៃ៧មករា ឆ្នាំ១៩៧៩ គឺជាថ្ងៃកំណើតទី២របស់ឪពុកម្តាយយើងខ្ញុំទាំងអស់គ្នា បើគ្មានថ្ងៃ៧មករា ក៏គ្មានអ្វីៗដូចថ្ងៃនេះដែរ ហើយយើងខ្ញុំក៏ចងចាំ និងផ្សព្វផ្សាយដល់សាច់ញាតិបងប្អូនថា របបកម្ពុជាប្រជាធិបតេយ្យប្រល័យពូជសាសន៍ប៉ុលពតដែលកាន់អំណាច៣ឆ្នាំ ៨ខែ ២០ឆ្នាំ បានកាប់សម្លាប់ប្រជាពលរដ្ឋខ្មែរ ធ្វើទារុណកម្ម បង្អត់អាហារ បង្ខំឱ្យធ្វើការហួសកម្លាំង និងបានបំផ្លិចបំផ្លាញហេដ្ឋារចនាសម្ព័ន្ធសង្គមជាតិធ្លាក់ដល់កម្រិតសូន្យ ។មានតែគណបក្សប្រជាជនកម្ពុជាទេដែលបានសង្គ្រោះប្រជាជនកម្ពុជាឱ្យរួចផុតពីរបបប្រល័យពូជសាសន៍ និងអភិវឌ្ឍន៍សង្គមជាតិឱ្យរីកចម្រើនផុតពីភាពក្រីក្រ សង្គមមានសុខសន្តិភាព ។
លោកឧកញ៉ាម៉ែន វិបុល មានមតិសំណេះសំណាលថា ជាការពិតណាស់សម្តេចទាំងបី បានដឹកនាំដ៏ត្រឹមត្រូវនិងប្រកបដោយគតិបណ្ឌិតធ្វើឱ្យសង្គមជាតិរីកចម្រើនដូចជា ហេដ្ឋារចនាសម្ព័ន្ធស្ពាន ថ្នល់ ប្រព័ន្ធធារាសាស្ត្រ សាលារៀន មន្ទីរពេទ្យ ។ ល។ ដូច្នេះទី១-យើងខិតខំប្រតិបត្តិឱ្យបានត្រឹមត្រូវតាមសេចក្តីសម្រេចរបស់គណបក្សពេលប្អូនៗបានចូលជាសមាជិកហើយត្រូវអនុវត្តតាមគោលនយោបាយរបស់គណបក្ស ។ ទី២-កសាងទំនាក់ទំនងល្អជាមួយប្រជាជន និងខិតខំឃោសនាផ្សព្វផ្សាយអំពីកម្មវិធីនយោបាយគណបក្សដល់ប្រជាជន។ ទី៣-ត្រូវថែរក្សាសាមគ្គីឯកភាពផ្ទៃក្នុងរបស់គណបក្ស។ ទី៤-ខិតខំសិក្សាអំពីលក្ខន្តិកៈ និងគោលនយោបាយរបស់គណបក្សដើម្បីងាយស្រួលក្នុងការផ្សព្វផ្សាយ ។
នៅក្នុងពិធីនោះ លោកឧកញ៉ាម៉ែន វិបុល បានឧបត្ថម្ភអាវយឺត និងមួកចំនួន២០០ ថវិកា៨០០.០០០រៀល លោកកែរ រដ្ឋា ឧបត្ថម្ភថវិកា៦៤០.០០០រៀល លោកទែន សាបុណ្យ ១០០.០០០រៀល លោកថោង អ៊ុំសុធា ១០០.០០០រៀល លោកសេង សុវណ្ណារិទ្ធ ៥០.០០០រៀល លោកមាក ឆវណ្ណរុន ៥ម៉ឺនរៀល លោកងិន សុផល ៥ម៉ឺនរៀល លោកស៊ឹម វ៉ាន់ណេ ៣ម៉ឺនរៀល លោកជុំ រំដួល ២ម៉ឺនរៀល សរុប១.៨៤០.០០០រៀល។ ចំណែកសមាជិក-សមាជិកាបក្សថ្មីទាំង១៥០នាក់ ក្នុងម្នាក់ៗទទួលបានប្រាក់ឧបត្ថម្ភចំនួន១ម៉ឺនរៀល ៕
ចែករំលែកព័តមាននេះ