ខេត្តកំពង់ស្ពឺ ៖ លោក ជាម ច័ន្ទសោភ័ណ អភិបាលខេត្តកំពង់ស្ពឺ បានព្រមានថាអភិបាលក្រុង-ស្រុក ឬមេឃុំ-ចៅសង្កាត់ទាំងអស់ និងមិនរួចខ្លួនទេ ប្រសិនជារកឃើញថា…
ខេត្តកំពង់ស្ពឺ ៖ លោក ជាម ច័ន្ទសោភ័ណ អភិបាលខេត្តកំពង់ស្ពឺ បានព្រមានថាអភិបាលក្រុង-ស្រុក ឬមេឃុំ-ចៅសង្កាត់ទាំងអស់ និងមិនរួចខ្លួនទេ ប្រសិនជារកឃើញថា បាន និងកំពុងមានការឃុបឃិត ឬនៅពីក្រោយខ្នងការបើកឱ្យមានបទល្មើស និងល្បែ.ងស៊ីសងអនឡាញខុសច្បាប់ជាច្រើននៅក្នុងខេត្តទាំងអស់ ។
ការព្រមានដូច្នេះ ធ្វើឡើងក្នុងពិធីប្រកាសលោក គង់ ឈុនលី ជានាយករដ្ឋបាលនិងលោក វ៉ាន់ វ៉ាត ជានាយកទីចាត់ការអន្តរវិស័យនៃសាលាខេត្តកំពង់ស្ពឺ ថ្ងៃទី៤ ខែកក្កដា ឆ្នាំ២០២៥ ។
អភិបាលខេត្តកំពង់ស្ពឺ លោក ជាម ច័ន្ទសោភ័ណ បានលើកឡើងថា ប្រទេសជិតខាងយើងគេបានចោទមកកម្ពុជា ជាប្រទេសដែលបង្កើតឱ្យមានបទល្មើសតាមប្រព័ន្ធអនឡាញជាកន្លែងដែលក្រុមឧក្រិ.ដ្ឋជនជ្រកកោន ។ ដើម្បីបង្ហាញភាពស្អាតស្អំ និងបញ្ជាក់ថា ប្រទេសកម្ពុជាគ្មានបទល្មើសទាំងនេះអាជ្ញាធរក្រុងស្រុក និងមេឃុំចៅសង្កាត់ ត្រូវតែតាមដាន និងពិនិត្យមើលនូវរាល់ទីតាំងសង្ស័យក្នុងមូលដ្ឋានរបស់ខ្លួន ។
អភិបាលខេត្តបានបញ្ជាក់ថា ៖ ក្នុងករណីលោករកឃើញថា មានបទល្មើសនេះ ចៅហ្វាយក្រុង-ស្រុក និងមេឃុំ-ចៅសង្កាត់ ត្រូវតែរាយការណ៍បន្ទាន់មករដ្ឋបាលខេត្ត ឬអភិបាលខេត្ត ដើម្បីបង្ក្រាប ឬកម្ទេចចោលជៀសវាងបង្កើតបទល្មើសឱ្យកាន់តែធំ ។
អភិបាលខេត្តកំពង់ស្ពឺ បានបញ្ជាក់ជំហរយ៉ាងមុតមាំថា អភិបាលក្រុងស្រុក ឬមេឃុំចៅសង្កាត់ទាំងអស់ និងមិនរួចខ្លួនទេ ប្រសិនជារកឃើញថា បាន និងកំពុងមានការឃុបឃិត ឬនៅពីក្រោយខ្នងការបើកឱ្យមានបទល្មើសអនឡាញទាំងនោះ ។
ទន្ទឹមនេះ អាជ្ញាធរក្រុង និងស្រុក ឃុំសង្កាត់ក៏ត្រូវចូលរួមឱ្យបានផុលផុសក្នុងការបង្ក្រាប និងទប់ស្កាត់រាល់បទល្មើសនានានៅក្នុងមូលដ្ឋានដែលខ្លួនគ្រប់គ្រងផងដែរក្នុងនោះត្រូវទប់ស្កាត់ និងបង្ក្រាបឱ្យបានដាច់ខាតចំពោះការចរាចរណ៍បទល្មើសគ្រឿងញៀ.នក្មេងទំនើ.ង និងសកម្មភាពចោរលួចឆ.ក់ប្ល.ន់ និងបញ្ហាគ្រោះថ្នាក់ចរាចរណ៍ ។
ជាមួយនោះក៏ត្រូវតាមដានរាល់សកម្មភាពក្រុមអ្នកវិនិយោគនានា ដែលបាន និងកំពុងឆបោក ពលរដ្ឋតាមរយ:ការលក់ដីឡូតិ៍ ផ្ទះល្វែង និងបុរីជាដើម ដើម្បីផ្តល់ឱកាសទាន់ពេលដល់រដ្ឋបាលខេត្ត ក្នុងការទប់ស្កាត់ជាមួយបទល្មើសនេះ បញ្ជៀសការចាញ់បោកកាន់តែធ្ងន់ធ្ងរក្នុងគ្រួសារ និងសង្គមជាតិទាំងមូល៕
ចែករំលែកព័តមាននេះ