ខេត្តកំពង់ចាម ៖ កម្លាំងជំនាញរបស់រដ្ឋបាលសាលាក្រុងកំពង់ចាមសហការជាមួយមន្ត្រីជំនាញមន្ទីរដែនដែនគររូបនីយកម្មនិងសំណង់ខេត្ត បានចុះហាមឃាត់សំណង់រោងធំមួយកន្លែងរបស់ម្ចាស់ស្ថានីយ៍ប្រេងឥន្ធនៈមួយកន្លែងនៅទន្លេអុំ ស្ថិតក្នុងសង្កាត់បឹងកុកក្រុងកំពង់ចាម ។ ជាមួយនោះក៏បានរហូតវត្ថុតាងមួយចំនួនឧបករណ៍ផ្សារដែកយកមករក្សាទុកជាបណ្ដោះអាសន្ននៅសាលាក្រុងផងដែរ។ លោកលី សុវណ្ណ អភិបាលក្រុងកំពង់ចាម…
ខេត្តកំពង់ចាម ៖ កម្លាំងជំនាញរបស់រដ្ឋបាលសាលាក្រុងកំពង់ចាមសហការជាមួយមន្ត្រីជំនាញមន្ទីរដែនដែនគររូបនីយកម្មនិងសំណង់ខេត្ត បានចុះហាមឃាត់សំណង់រោងធំមួយកន្លែងរបស់ម្ចាស់ស្ថានីយ៍ប្រេងឥន្ធនៈមួយកន្លែងនៅទន្លេអុំ ស្ថិតក្នុងសង្កាត់បឹងកុកក្រុងកំពង់ចាម ។ ជាមួយនោះក៏បានរហូតវត្ថុតាងមួយចំនួនឧបករណ៍ផ្សារដែកយកមករក្សាទុកជាបណ្ដោះអាសន្ននៅសាលាក្រុងផងដែរ។
លោកលី សុវណ្ណ អភិបាលក្រុងកំពង់ចាម ប្រាប់តាមទូរសព្ទឱ្យដឹងអ្នកល្ងាចថ្ងៃទី៥កក្កដាថា:ទីតាំងដែលមន្ត្រីរបស់លោកបានចុះទៅហាមឃាត់ជាសំណង់សាងសង់រោងដែកធំជាកម្មសិទ្ធិរបស់អ្នកស្រីវ៉ា ណាវីន ម្ចាស់ស្ថានីលក់ប្រេងឥន្ធនៈមួយកន្លែងនៅទន្លេអុំនោះ ដោយសារតែបំពានច្បាប់។ព្រោះកន្លងមកសាលាក្រុងបានចេញលិខិតហាមឃាត់មិនឲ្យសាងសង់ចំនួនពីរលើករួចមកហើយ តែម្ចាស់នេះនៅតែបំពានលួចសាងសង់នៅព្រឹកថ្ងៃទី៥កក្កដាឆ្នាំ២០២៥ មូលហេតុនេះហើយទើបកម្លាំងជំនាញសាលាក្រុងសហការជាមួយមន្ទីរដែនដីខេត្តចុះផ្អាកមិនឱ្យសង់។
លោកអភិបាលក្រុងកំពង់ចាមបន្តឲ្យដឹងទៀតថា ចំពោះដីដែលសាងសង់រោងដែករឹងមាំនោះត្រូវបានម្ចាស់ស្ថានីយប្រេងអះអាងថាបានទិញពីអ្នករស់នៅមុនមកធ្វើជាកម្មសិទ្ធិរបស់ខ្លួនក្រោយមកទៀត ពេលដែលមានការចុះជាលក្ខណៈប្រព័ន្ធគឺគេមិនបានចេញឲ្យទាំងអស់។ ក្រោយពីមានការតាមដានរបស់មន្ត្រីក្រោមឱវាទ បានឃើញម្ចាស់ទីតាំងមួយនេះលួចសាងសង់រោងដែកដោយខុសច្បាប់ទើបរូបលោកឱ្យចុះទៅហាមឃាត់។ព្រោះថាកន្លងមកសាលាក្រុងកំពង់ចាមបានចេញលិខិតហាមឃាត់ចំនួនពីរលើករួចមកហើយតែម្ចាស់នេះនៅតែបំពាន ក្នុងពេលចុះហាមឃាត់គឺបានដកហូតសម្ភារៈឧបករណ៍ផ្សារដែកយកមករក្សាទុកបណ្ដោះអាសន្ននៅសាលាក្រុងកំពង់ចាម។ ជាក់ស្ដែងពេលដែលកម្លាំងរបស់លោកចុះមកហាមឃាត់គឺម្ចាស់ទីតាំងនេះមិនបានចូលរួមសហការឡើយ។
ចំណែកលោកម៉ា ហ៊ូឌី ប្រធានមន្ទីរដែនដីនគររូបនីយកម្មនិងសំណង់ខេត្តកំពង់ចាម វិញមានប្រសាសន៍តាមទូរសព្ទឱ្យដឹងដែរថា តាមពិតម្ចាស់ទីតាំងឈ្មោះវ៉ា ណាវីនេះបានសាងសង់រោងធំដោយខុសច្បាប់ព្រោះថាកន្លងមកមន្ត្រីក៏ដូចជាជំនាញរបស់លោកបានចេញលិខិតហាមឃាត់ម្ដងរួចមកហើយ។ដើម្បីបញ្ជាសកុំឲ្យមានបញ្ហារូបលោកនិងសុំគោលការណ៍ពីតំណាងអយ្យការអមសាលាដំបូងខេត្ត ដើម្បីរុះរើសំណង់នោះចេញតែម្ដងដើម្បីកុំឲ្យមានបញ្ហាបន្តទៀត ហើយទីតាំងនេះគឺមិនមានប្លង់កម្មសិទ្ធិស្របច្បាប់នោះទេ ដោយសារតែមានបញ្ហាទើបពន្យារពេលមកដល់សព្វថ្ងៃ។
មហាជននិយាយថា បើម្ចាស់សំណង់ខ្លាំងជាងអាជ្ញាធរក្រុង គួរតែលើកគាត់ឱ្យធ្វើចៅហ្វាយក្រុងកំពង់ចាមតែម្តងទៅ…ហេ! ហេ!
ព័ត៌មានបន្ថែមនឹងមានផ្សាយនៅលើកាសែតកោះសន្តិភាពបន្តទៀត ៕
ចែករំលែកព័តមាននេះ