រយៈពេល៣ថ្ងៃចុងខែឧសភា ការិយាល័យផលិតកម្ម និងបសុព្យាបាលខេត្តព្រះសីហនុ ចុះចាក់ថ្នាំគោ-ក្របីតាមឃុំសរុបជាង៣០០ក្បាល
- ព្រះសីហនុ
ស្រុកព្រៃនប់ ៖ លោក នេន ចំរើន ប្រធានមន្ទីរកសិកម្មរុក្ខាប្រមាញ់ និងនេសាទខេត្តព្រះសីហនុឲ្យដឹងថា នៅចុងខែនេះ ការិយាល័យផលិតកម្ម និងបសុព្យាបាលចុះទៅតាមឃុំ ដើម្បីព្យាបាល និងចាក់វ៉ាក់សាំង គោ ក្របី ជូនដល់ប្រជាកសិករនៅតាមឃុំ ក្នុងស្រុកព្រៃនប់ ក្នុងនោះ នៅថ្ងៃទី២៦ ខែឧសភា ឆ្នាំ២០២៦ បានចុះព្យាបាលគោនៅឃុំទឹកថ្លាចំនួន២០ក្បាល ។ នៅថ្ងៃទី២៨ ខែឧសភា ឆ្នាំ២០២៦ ចុះចាក់វ៉ាក់សាំងគោ ក្របី នៅឃុំទឹកល្អក់ សរុបចំនួន១៧២ក្បាល ក្នុងនោះ គោចំនួន១៤៧ក្បាល ក្របីចំនួន២៥ក្បាល ។ នៅថ្ងៃទី២៩ ខែឧសភា ឆ្នាំ២០២៦ ចុះវ៉ាក់សាំងគោ ក្របីនៅឃុំតានៃសរុបចំនួន២១៣ក្បាល ក្នុងនោះ គោចំនួន១២៥ក្បាល ក្របីចំនួន៨៨ក្បាល ។
លោកប្រធានមន្ទីបានបន្តថា គោក្របីសរុបទូទាំងខេត្ត14122ក្បាល ក្នុងនោះ ៖
គោ =8892ក្បាល ។ ក្របី =5230ក្បាល ហើយកន្លងមក មន្ត្រីការិយាល័យផលិតកម្ម និងបសុព្យាបាល ដឹកនាំដោយ លោកស្រី ហែម ផល្លា ជាប្រធាន នៅខែមុន បានចុះចាក់វ៉ាក់សាំងសាទឹក គោ ក្របី សរ៉ុប4499ក្បាល ក្នុងនោះ ÷ =2188ក្បាល ។ក្របី=2311ក្បាល មកហើយ ហើយរហូតមកដល់ពេលនេះ ក៏នៅបន្តចុះចាក់ព្យាបាល គោ ក្របី ជាបន្តបន្ទាប់ គ្រប់ឃុំក្នុងស្រុក ដើម្បីបង្ការជំងឺផ្សេងដល់គោ ក្របី ជូនបងប្អូនប្រជាពលរដ្ឋ ។
ចែករំលែកព័តមាននេះ