ADផ្ទាំងផ្សព្វផ្សាយពាណិជ្ជកម្ម

Picture

អគ្គិភ័យ​ឆាបឆេះ​ឃ្លាំង​ស្តុក​សម្ភារ​ចានឆ្នាំង​ដែក​អ៊ី​ណុ​ក បណ្តាល​ឱ្យ​ខូចខាត​ឃ្លាំង​ស័ង្កសី​ទាំងស្រុង

16 ម៉ោង មុន

រាជធានី​ភ្នំពេញ​ ៖ អគ្គិភ័យ​បាន​ឆាបឆេះ​ឃ្លាំង​ស្តុក​សម្ភារ​ចានឆ្នាំង​ដែក​អ៊ី​ណុ​កមួយ​កន្លែង​ យ៉ាង​សន្ធោសន្ធៅ រហូត​បណ្តាល​ឱ្យ​ឃ្លាំង​ទាំងមូល​ត្រូវ​បាន​បាក់​រលំ និង​បង្ក​ឱ្យ​មានការ​ភ្ញាក់ផ្អើល​យ៉ាង​ខ្លាំង​ដល់​ប្រជាពលរដ្ឋ ព្រមទាំង​សមត្ថកិច្ច​មូលដ្ឋាន ​។

ហេតុការណ៍​នេះ​បាន​កើតឡើង​កាលពី​វេលា​ម៉ោង០៦និង៣៥​នាទី​យប់ថ្ងៃ​ទី​២០ ខែវិច្ឆិកា ឆ្នាំ​២០២៦ ស្ថិត​នៅ​តាម​បណ្តោយ​ផ្លូវ​បេតុង ក្រោយ​បុរី​សូ​នី ក្នុងភូមិ​ឫស្សី​ទី​២ សង្កាត់​ស្ទឹង​មាន​ជ័យ​ទី​៣ ខណ្ឌមានជ័យ រាជធានី​ភ្នំពេញ​ ។

បើ​តាម​ប្រភព​ព័ត៌មាន​ពី​ប្រជាពលរដ្ឋ​នៅ​ក្បែរ​កន្លែង​កើតហេតុ បានឱ្យ​ដឹង​ថា មុន​ពេល​កើត​មាន​អគ្គិភ័យ គេ​បានឃើញ​អណ្តាតភ្លើង និង​ផ្សែង​ខ្មៅ​ហ៊ុយ​យ៉ាង​សន្ធោសន្ធៅ ចេញពី​ចំណុច​ឃ្លាំង​ខាងលើ​។ ភ្លាម​ៗ​នោះ ក៏​មាន​សំឡេង​ផ្ទុះ​ធុង​ហ្គា​ស​ផង​ដែរ ប៉ុន្តែ​សំណាងល្អ ហេតុការណ៍​គ្រោះ​អគ្គិភ័យ​នេះ​មិន​បាន​បណ្តាល​ឱ្យ​នរណា​ម្នាក់​រង​របួស​នោះ​ទេ ​។

ក្រោយ​ទទួល​បាន​សេចក្តីរាយការណ៍ កម្លាំង​ជំនាញ​របស់​ការិយាល័យ​បង្ការ​ពន្លត់​អគ្គិភ័យ និង​សង្គ្រោះ នៃ​ស្នងការដ្ឋាន​នគរបាល​រាជធានី​ភ្នំពេញ បាន​បញ្ចេញ​រថយន្ត​ពន្លត់​អគ្គិភ័យ​ជា​ច្រើន​គ្រឿង ចុះ​អន្តរាគមន៍​បាញ់​ទឹក​ពន្លត់​រហូត​រលត់​ទៅ​វិញ​ជា​ស្ថាពរ​ ។

អគ្គិភ័យ​នេះ ​បណ្តាល​ឱ្យ​ឃ្លាំង​ស្តុក​គ្រឿង​ចានឆ្នាំង​ដែក​អ៊ី​ណុ​ក​ឆេះ​អស់ទាំង​ស្រុង ប៉ុន្តែ​មិន​មាន​មនុស្ស​រង​របួស​នោះ​ឡើយ​។ ចំណែកឯ​មូលហេតុ​ នៃ​ការ​ឆាបឆេះ សមត្ថកិច្ច​កំពុងធ្វើការ​ស្រាវជ្រាវ​ ៕