ខេត្តកែប ៖ ក្រុមចោរមានគ្នា៥នាក់ និងប្រដាប់ដោយកាំភ្លើង AK មួយដើម បានសម្រុកចូលប្លន់ផ្ទះដង្ខៅគោនៅភូមិភ្នំលាវ ឃុំពងទឹក ស្រុកដំណាក់ចង្អើរ ដែលហេតុការណ៍ ចោរប្លន់ផ្ទះដង្ខៅគោបែបនេះ មិនដែលធ្លាប់មានទេពីមុននៅលើភូមិសាស្ត្រខេត្តកែប ។
ខេត្តកែប ៖ ក្រុមចោរមានគ្នា៥នាក់ និងប្រដាប់ដោយកាំភ្លើង AK មួយដើម បានសម្រុកចូលប្លន់ផ្ទះដង្ខៅគោនៅភូមិភ្នំលាវ ឃុំពងទឹក ស្រុកដំណាក់ចង្អើរ ដែលហេតុការណ៍ ចោរប្លន់ផ្ទះដង្ខៅគោបែបនេះ មិនដែលធ្លាប់មានទេពីមុននៅលើភូមិសាស្ត្រខេត្តកែប ។
តាមប្រភពថា ក្នុងអំពើប្លន់នេះក្រុមចោរយកបាន៣៣លានរៀល ។ ហេតុការណ៍ចោរប្លន់នេះបានកើតឡើងនៅវេលាម៉ោង១០ និង៣០នាទីយប់ថ្ងៃទី១៥ សីហា ។ បុរសរងគ្រោះដែលជាដង្ខៅគោឈ្មោះអ៊ាន តាក់ អាយុ៥២ឆ្នាំ បាននិយាយថា មុននឹងកើតមានចោរប្លន់នេះគាត់បានឮឆ្កែព្រូសជាប់ៗគ្នា ហើយគាត់ក៏បានបង្ហើបទ្វារមុខអើតមើលស្រាប់តែក្រុមចោរស្ទុះច្រានទ្វារចូលតែម្តង ។ ដង្ខៅគោរងគ្រោះនិយាយថា ក្រុមចោរប្លន់បានចាប់រូបគាត់ រួមទាំងប្រពន្ធ និងកូនស្រី៣នាក់ចងដៃទាំងអស់ ហើយចោរបានគំរាមមិនឱ្យស្រែកឡើយ ។ គាត់បន្តទៀតថា ក្រុមចោរបានរើកកាយរកលុយបានចំនួន៣៣លានរៀល ប្រាក់អាេមរិក១៥០ដុល្លារ
និងចិញ្ចៀនបា្លទីន១វង់ ទម្ងន់១ជី ទើបពួកចោរចេញទៅទិសខាងលិចដោយសុវត្ថិភាព។
បើតាមសម្តីស្ត្រីឈ្មោះអ៊ាន ទូច អាយុ២៦ឆ្នាំ ត្រូវជាកូនដង្ខៅគោបាននិយាយថា ពេលកើតមានចោរប្លន់នេះ គឺរូបនាងជាកូនក៏ទទួលរងគ្រោះដោយសារចោរចាប់ចងដៃ ។ នាងបានឃើញចោរដែលចូលប្លន់នោះមានគ្នា៥នាក់កាំភ្លើង១ដើម និងពូថៅ ។ ដោយឡែកនៅខាងក្រៅផ្ទះមិនដឹងថា ចោរមានគ្នាប៉ុន្មាននាក់ទៀត នោះទេ ។ ស្ត្រីជាកូនដង្ខៅគោនិយាយប្រាប់បន្តថា ក្រុមចោរមានកាំភ្លើងវែង១ដើម បានឈរនៅមាត់ទ្វារ ហើយភ្ជង់សំដៅក្រុមគ្រួសារនាងដែលជាប់ចំណង ព្រមទាំងយកពូថៅវាយម្តាយឪពុកនាងទៀតផង ។
ប្រជាពលរដ្ឋជាច្រើននាក់បាននិយាយថា កន្លងមកនៅក្នុងខេត្តដ៏តូចនេះ មិនដែលមានចោរប្លន់ទេ គឺអ្នកស្រុកភូមិរស់នៅសុខសាន្តណាស់ ទើបតែពេលនេះមានចោរប្លន់ធ្វើឱ្យពួកគេភ័យខ្លាច ។ ក្រុមអ្នកភូមិបាននិយាយថា ក្រុមចោរប្លន់ហាក់ដូចជាមានរនុកក្នុងឱ្យតម្រុយ ព្រោះដង្ខៅគោទើបតែត្រឡប់មកពីយកលុយថ្លៃគោនៅវៀតណាម លុះមកដល់ផ្ទះស្រាប់តែយប់ឡើងត្រូវចោរចូលប្លន់តែម្តង។
លោកសុក សំអាត មេបញ្ជាការរងកងរាជ អាវុធហត្ថបានមានប្រសាសន៍ថា សមត្ថកិច្ចប៉ូលិស និងប៉េអឹមស្រុក និងខេត្តកំពុងតែរួមគ្នាធ្វើការស្រាវជ្រាវពីករណីក្រុមចោរប្លន់នេះ ។ លោកមេបញ្ជាការរងបានមានប្រសាសន៍ទៀតថា យោងតាមចម្លើយជនរងគ្រោះទាំង៥នាក់ បានប្រាប់សមត្ថកិច្ចខុសៗគ្នា កូនស្រីថា មានកាំ ភ្លើង១ដើម តែឪពុកថាមានកាំភ្លើង២ដើម ដូច្នេះហើយមានការពិបាកតាមដាន ។ ដោយសារមានការពិបាកក្នុងការសន្និដ្ឋានបុរសជាដង្ខៅគោ និងស្ត្រីជាប្រពន្ធ ត្រូវបានប៉ូលិសហៅទៅសាកសួរបន្ថែមនៅស្នងការដ្ឋានខេត្ត គឺរងគ្រោះហើយ ពិបាករឿងគេកោះហៅទៅមកទៀត ៕
ចែករំលែកព័តមាននេះ