ក្រុងប៉ោយប៉ែត ៖ ជនសង្ស័យម្នាក់ត្រូវបានប៉ូលិសក្រុងប៉ោយប៉ែតឃាត់ខ្លួនកាលពី វេលាម៉ោង៤និង៣០នាទីរសៀល ថ្ងៃទី១៥ សីហា នៅភូមិគីឡូម៉ែត្រលេខ៤ សង្កាត់ប៉ោយប៉ែត ពីបទប្រទូស្តកេរ្តិ៍ភេទ និងលួចលុយស្ត្រីផ្ទុកមេរោគអេដស៍ម្នាក់ ។ ជនសង្ស័យរូបនោះឈ្មោះខេង ថា ហៅថុន ភេទប្រុស អាយុ២៥ឆ្នាំ មុខរបរ
ក្រុងប៉ោយប៉ែត ៖ ជនសង្ស័យម្នាក់ត្រូវបានប៉ូលិសក្រុងប៉ោយប៉ែតឃាត់ខ្លួនកាលពីវេលាម៉ោង៤និង៣០នាទីរសៀល ថ្ងៃទី១៥ សីហា នៅភូមិគីឡូម៉ែត្រលេខ៤ សង្កាត់ប៉ោយប៉ែត ពីបទប្រទូស្តកេរ្តិ៍ភេទ និងលួចលុយស្ត្រីផ្ទុកមេរោគអេដស៍ម្នាក់ ។ ជនសង្ស័យរូបនោះឈ្មោះខេង ថា ហៅថុន ភេទប្រុស អាយុ២៥ឆ្នាំ មុខរបរមិនពិតប្រាកដ ។
មន្ត្រីប៉ូលិសក្រុងប៉ោយប៉ែត បានប្រាប់ឱ្យដឹងថា មុនការឃាត់ខ្លួនជននេះ មានស្ត្រីម្នាក់បានមកដាក់ពាក្យបណ្តឹងនៅអធិការដ្ឋាននគរបាលក្រុង ចោទប្រកាន់ថា បានប្រទូស្តកេរ្តិ៍ភេទ និងលួចយកលុយគាត់ទើបឈានដល់ការឃាត់ខ្លួន។ ស្ត្រីដែលមកដាក់ពាក្យបណ្តឹងនោះឈ្មោះវុធ វ៉ាន់ថា អាយុ៤១ឆ្នាំ ស្នាក់នៅបណ្តោះអាសន្នក្នុងភូមិកើតហេតុ មានទីលំនៅភូមិប៉ោយតាសេក ឃុំបឹងព្រីង ស្រុកថ្មគោល ខេត្តបាត់ដំបង ។
ស្ត្រីរងគ្រោះបានប្រាប់ប៉ូលិសថា នៅវេលាម៉ោង៣រំលងអធ្រាត្រឈានចូលថ្ងៃទី១៤ សីហា ជនសង្ស័យខាងលើ និងបក្សពួក២នាក់ផ្សេងទៀតបានទៅផឹកសីុនៅហាងលក់ស្រាផ្តិល ។ មុនពេលកើតហេតុគឺក្រុមជនសង្ស័យម្នាក់បានមកសុំបារីគាត់ជក់ លុះឃើញកាបូបគាត់មានលុយគាប់ចួនពេលគាត់ដើរទៅខាងក្រោយក៏មានជន២នាក់ក្នុងចំណោមជនសង្ស័យទាំង៣នាក់ដើរតាមពីក្រោយ ហើយជនយម្នាក់បានចាប់គាត់បី ព្រមទាំងច្របាច់កគំរាមមិនឱ្យស្រែក ឯម្នាក់ទៀតឈ្មោះក្អាត់ ចាប់ជើងប៉ុនប៉ងរំលោភ លុះគាត់ប្រាប់ថា គាត់កើតអេដស៍ទេ ទើបជននោះប្រទូស្តកេរ្តិ៍ភេទគាត់ដោយប្រើម្រាមដៃវិញ។
ស្ត្រីរងគ្រោះបន្តថា ក្នុងហេតុការណ៍នោះដោយសារគាត់ធាក់មួយជើងចំជនសង្ស័យឈ្មោះខេង ថា ហៅថុន ធ្វើឱ្យគេខឹងក៏វាយគាត់រហូតដល់សន្លប់ លុះដល់ម៉ោង៥ទៀបភ្លឺពេលដឹងខ្លួនវិញ ស្រាប់តែបាត់លុយអស់ពីក្នុងកាបូបចំនួន៣០ម៉ឺនរៀល និងទូរស័ព្ទដៃមួយគ្រឿង។ ក្រៅពីនោះស្ត្រីរងគ្រោះប្រាប់ថា គាត់ពុំដឹងថា ក្រុមជនសង្ស័យរំលោភរូបគាត់ ឬក៏អត់នោះទេ ប៉ុន្តែគាត់ថា ពេលដឹងខ្លួនឃើញទឹកកាមនៅចំណុចទ្វារមាសយា៉ងច្រើន ទើបគាត់មកប្តឹងប៉ូលិស ។
ជនសង្ស័យឈ្មោះខេង ថា ហៅថុន ក្រោយការឃាត់ខ្លួនបានសារភាពថា គេបានប្រទូស្តកេរ្តិ៍ភេទស្ត្រីរងគ្រោះមែន ប៉ុន្តែមិនសារភាពថា បានរំលោភទេ ចំណែកលុយ និងទូរស័ព្ទដៃគេឆ្លើយថា ឈ្មោះក្អាត់ ជាអ្នកយក ។
លោកវរសេនីយ៍ត្រី អ៊ុំ សុផល អធិការនគរបាលក្រុងប៉ោយប៉ែត បានប្រាប់កោះសន្តិភាពថា ជនសង្ស័យខាងលើនេះ នឹងត្រូវកសាងសំណុំរឿងបញ្ជូនទៅកាន់ស្នងការដ្ឋាននគរបាលខេត្តរីឯបក្សពួក២នាក់ទៀតសមត្ថកិច្ចកំពុងតាមប្រមាញ់ដើម្បីចាប់ខ្លួនយកមកផ្តន្ទាទោស៕
ចែករំលែកព័តមាននេះ