ខេត្តកំពង់ឆ្នាំង ៖ នាងក្រមុំអាយុ១៨ឆ្នាំម្នាក់បានលង់ទឹកស្លា.ប់ ខណៈពេលត្រឡប់ពីបន់ស្រន់សុំឱ្យប្រឡងជាប់ទៅធ្វើការនៅប្រទេស កូរ៉េ។ ហេតុការណ៍នេះបានកើតឡើងនៅវេលាម៉ោង៤រសៀល ថ្ងៃទី១៥ ខែសីហា នៅចំណុចស្ពានអូរប៉ាងព្រាម ស្ថិតក្នុងភូមិក្បាលដំរី ឃុំអន្សាចំបក់ ស្រុកក្រគរ ខេត្តពោធិ៍សាត់ ជាប់ព្រំប្រទល់ខេត្ត
ខេត្តកំពង់ឆ្នាំង ៖ នាងក្រមុំអាយុ១៨ឆ្នាំម្នាក់បានលង់ទឹកស្លាប់ ខណៈពេលត្រឡប់ពីបន់ស្រន់សុំឱ្យប្រឡងជាប់ទៅធ្វើការនៅប្រទេសកូរ៉េ។ ហេតុការណ៍នេះបានកើតឡើងនៅវេលាម៉ោង៤រសៀល ថ្ងៃទី១៥ ខែសីហា នៅចំណុចស្ពានអូរប៉ាងព្រាម ស្ថិតក្នុងភូមិក្បាលដំរី ឃុំអន្សាចំបក់ ស្រុកក្រគរ ខេត្តពោធិ៍សាត់ ជាប់ព្រំប្រទល់ខេត្តកំពង់ឆ្នាំង។ សពនារីរងគ្រោះត្រូវបានដឹកទៅធ្វើបុណ្យនៅលំនៅឋានរបស់នាងស្ថិតក្នុងភូមិពោធិ៍ម្រះ ឃុំចក ស្រុកបរិបូណ៌ ខេត្តកំពង់ឆ្នាំង។
តាមការរៀបរាប់របស់មិត្តភក្តិនារីរងគ្រោះដែលបានរួមដំណើរជាមួយគ្នាទៅបែបន់នោះថា មុនពេលកើតហេតុ ពួកនាងនិងមិត្តភក្តិប្រមាណ១០នាក់ផ្សេងទៀតបាននាំគ្នាធ្វើម្ហូបចង្ហាន់ទៅប្រគេនលោកនៅវត្តភ្នំកុកដើម្បីបែបន់សុំឱ្យប្រឡងជាប់ទៅប្រទេសកូរ៉េនៅថ្ងៃទី២០ សីហា ខាងមុខនេះ។ លុះពេលត្រឡប់មកវិញដល់ចំណុចស្ពានអូរប៉ាងព្រាម ដោយឃើញទឹកហូរ ថ្លាយង់ក៏ឈប់គោយន្ត ហើយនាំគ្នាចុះលាងដៃជើង ។ ខណៈនោះនារីរងគ្រោះឈ្មោះម៉ន ពិសី អាយុ១៨ឆ្នាំ និងនារីម្នាក់ទៀតឈ្មោះឈន សុនី អាយុ១៧ឆ្នាំ បានរអិលជើងធ្លាក់ចូលទឹកដែលហូរកួចយ៉ាងខ្លាំង ។ ឃើញបែបនោះអ្នករួមដំណើរស្ទុះជួយចាប់ និងស្រង់បាននារីឈ្មោះឈន សុនី ទាញឡើងលើវិញ ។ ចំណែកនារីម្នាក់ទៀតឈ្មោះម៉ន ពិសី ត្រូវទឹកស្ទឹងដែលកំពុងហូរខ្លាំងនោះកួចនាំយកទៅបាត់។ ភ្លាមៗនោះដែរ ប្រជាពលរដ្ឋ និងអ្នករួមដំណើរតាមរកតាមដងស្ទឹងផ្នែកខាងក្រោមដែលមានចរន្តទឹកហូរល្មម និងកន្លែងខ្លះទឹករាក់ ក៏ឃើញសពស្ថិតក្នុងសម្លៀកបំពាក់ខោខូវប៊យ និងអាវដៃវែងនៅដេកត្រាំទឹកស្តូកស្តឹង។
សពនារីរងគ្រោះត្រូវបានដឹកទៅធ្វើបុណ្យតាមប្រពៃណីនៅលំនៅឋានរបស់នាង។ ស្ត្រីជាម្តាយឈ្មោះរិន សុផាត បានយំរៀបរាប់អាណិតកូនស្រីថា រូបគាត់មានកូន៣នាក់ ហើយសង្ឃឹមលើកូនស្រីច្បងថា នឹងប្រឡងជាប់ទៅធ្វើការនៅប្រទេសកូរ៉េ យកប្រាក់មកចិញ្ចឹមគ្រួសារ ប៉ុន្តែនាងបែរជាអាយុខ្លីបែបនេះទៅវិញ ៕
ចែករំលែកព័តមាននេះ