ខេត្តស្ទឹងត្រែង ៖ មន្រ្តីនគរបាលនៃស្នងការដ្ឋានខេត្តចំនួន១០នាក់ ស្ម័គ្រចិត្តបរិច្ចាគឈាមជូនដល់មន្ទីរពេទ្យបង្អែកខេត្ត ដើម្បីចូលរួមសកម្មភាពមនុស្សធម៌ធ្វើឡើងនៅស្នងការដ្ឋាន នគរបាលខេត្តកាលពីព្រឹកថ្ងៃទី១៥ សីហា ។
ខេត្តស្ទឹងត្រែង ៖ មន្រ្តីនគរបាលនៃស្នងការដ្ឋានខេត្តចំនួន១០នាក់ ស្ម័គ្រចិត្តបរិច្ចាគឈាមជូនដល់មន្ទីរពេទ្យបង្អែកខេត្ត ដើម្បីចូលរួមសកម្មភាពមនុស្សធម៌ធ្វើឡើងនៅស្នងការដ្ឋាននគរបាលខេត្តកាលពីព្រឹកថ្ងៃទី១៥ សីហា ។
មន្រ្តីនគរបាលនិយាយថា ការបរិច្ចាគឈាមនេះមិនមែនមានតែ១០នាក់ទេ គឺមានជាច្រើននាក់ តែដោយសារក្រុមគ្រូពេទ្យកំណត់យកត្រឹមតែ១០នាក់ដំបូងសិន ទើបមន្ត្រីស្ម័គ្រចិត្តមកតែ១០នាក់សិនចូលរួមចំណែកបរិច្ចាគឈាមជូនដល់មន្ទីរពេទ្យសំរាប់ជួយសង្រ្គោះជីវិតមនុស្ស ព្រោះថា ការទទួលយកឈាមច្រើនពេក ការរក្សាទុកមិនបានយូរអាចធ្វើឱ្យខូចឈាមប្រើមិនកើត ។ នេះគឺជាការអនុវត្តតាមអនុសាសន៍របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជាដែលបានអំពាវនាវឱ្យប្រជាពលរដ្ឋ និងមន្រ្តី បុគ្គលិកតាមក្រសួង មន្ទីរ ស្ថាប័នពាក់ព័ន្ធនៅទូទាំងប្រទេសបរិច្ចាគឈាមជួយសង្គ្រោះជីវិតជាសិល្បៈចែករំលែកក្នុងន័យមនុស្សធម៌។
កាលពីថ្ងៃទី១១ សីហា ក្នុងឱកាសដែលសម្តេចអញ្ជើញចូលរួមជាអធិបតីក្នុងពិធីចែកសញ្ញាប័ត្រដល់និស្សិតសាកលវិទ្យាល័យធនធានមនុស្សនៅវិទ្យាស្ថានអប់រំជាតិ សម្តេចបានថ្លែងអំណរគុណយ៉ាងជ្រាវជ្រៅចំពោះប្រជាពលរដ្ឋទាំងអស់ដែលបានចូលរួមបរិច្ចាគតាមការអំពាវនាវជាបន្តបន្ទាប់របស់សម្តេច ។
លោកអ៊ុង សូវៀត ប្រធានមន្ទីរពេទ្យបង្អែកខេត្តមានប្រសាសន៍ថា ក្នុងនាមរូបលោកផ្ទាល់ និងក្នុងនាមប្រជាពលរដ្ឋនៅខេត្តស្ទឹងត្រែង ដែលមកព្យាបាលនៅមន្ទីរពេទ្យបង្អែកខេត្ត សូមថ្លែងអំណរគុណចំពោះប្រមុខរាជរដ្ឋាភិបាលកម្ពុជាដែលបានអំពាវនាវឱ្យមានការបរិច្ចាគឈាមជួយសង្គ្រោះដល់អ្នកជំងឺដែលត្រូវការឈាម។
លោកបញ្ជាក់ថា នៅមន្ទីរពេទ្យមានកុមារជាច្រើននាក់ត្រូវការសង្រ្គោះបន្ទាន់ និងមានអ្នកជំងឺជាច្រើននាក់ត្រូវការឈាមដើម្បីសង្រ្គោះជីវិត ដូច្នេះឈាមពិតជាមានសារសំខាន់សំរាប់យើងបន្ថែមលើសម្ភារបរិក្ខារពេទ្យបូករួមឱសថផងដែរ ដើម្បីសង្គ្រោះមនុស្សឱ្យរួចផុតពីការស្លាប់។ ការបរិច្ចាគឈាមពីជនគ្រប់រូបជាការកសាងនូវអំពើបុណ្យដ៏ធំមួយព្រោះឈាមដែលបរិច្ចាគពីមនុស្សម្នាក់អាចសង្គ្រោះជីវិតមនុស្សម្នាក់ ៕
ចែករំលែកព័តមាននេះ