វាអាចមិនមានភាពចាំបាច់នោះទេ សំរាប់អ្នកសង្កេតការណ៍ឥណ្ឌូណេស៊ីក្នុងការបញ្ចូនចូល តំបន់មានជម្លោះក្បែរប្រាសាទព្រះវិហារ ប្រសិនបើប្រទេសកម្ពុជានិងថៃ ឈានដល់ការព្រមព្រៀងគ្នាក្នុងការដោះស្រាយបញ្ហា នេះបើតាមសម្តីរបស់លោករដ្ឋមន្ត្រីការពារជាតិថ្មីថៃYutthasak Sasiprapa ឱ្យដឹងកាលពីថ្ងៃទី១៦ សីហា
វាអាចមិនមានភាពចាំបាច់នោះទេ សំរាប់អ្នកសង្កេតការណ៍ឥណ្ឌូណេស៊ីក្នុងការបញ្ចូនចូល តំបន់មានជម្លោះក្បែរប្រាសាទព្រះវិហារ ប្រសិនបើប្រទេសកម្ពុជានិងថៃ ឈានដល់ការព្រមព្រៀងគ្នាក្នុងការដោះស្រាយបញ្ហា នេះបើតាមសម្តីរបស់លោករដ្ឋមន្ត្រីការពារជាតិថ្មីថៃYutthasak Sasiprapa ឱ្យដឹងកាលពីថ្ងៃទី១៦ សីហា ២០១១។ លោកបន្តថា គំនិតនេះចេញពីការស្នើសុំរបស់ភាគីកម្ពុជា។
ប្រសិនបើប្រទេសទាំងពីរព្រមព្រៀងគ្នាមែននោះ តុលាការយុត្តិធម៌អន្តរជាតិ (ICJ) អាចចេញសេចក្តីប្រកាសដំណឹងថា វាមិនមានភាព ចាំបាច់សំរាប់អ្នកសង្កេតការណ៍ឥណ្ឌូណេស៊ីក្នុងការបញ្ចូនចូលតំបន់មានជម្លោះនោះទេ ហើយថា បញ្ហាតាមព្រំដែនផ្សេងៗអាចធ្វើការដោះស្រាយតាមយន្តការទ្វេភាគី។
តុលាការយុត្តិធម៌អន្តរជាតិ ICJ បានសម្រេចបន្ទាន់កាលពីថ្ងៃទី១៨ កក្តដា ថា ប្រទេសថៃនិងកម្ពុជា ត្រូវដកកងទ័ពរបស់ខ្លួនចេញពីតំបន់មានជម្លោះ និងអនុញ្ញាតឱ្យអ្នកសង្កេតការណ៍មកពីអាស៊ានចូលពិនិត្យតំបន់នោះ។ តុលាការ ICJ ក៏បានបង្កើតតំបន់គ្មានកងទ័ពបណ្តោះអាសន្ននៅជុំវិញតំបន់ប្រាសាទព្រះវិហារ។ លោកYutthasak ថាលោកឧបនាយករដ្ឋមន្ត្រីនិងរដ្ឋមន្ត្រីការពារជាតិកម្ពុជាទៀ បាញ់ បានផ្ញើលិខិតអញ្ជើញគាត់ឲ្យចូលរួមកិច្ចប្រជុំGBC លើកទី៨ដែលជាប់គាំងជាយូរមកហើយនោះក្នុងទីក្រុងភ្នំពេញ។
GBC កម្ពុជា-ថៃគឺមានសហប្រធានរួមគ្នានៃរដ្ឋមន្ត្រីការពារជាតិប្រទេសទាំងពីរ។ ជាការឆ្លើយតបជាមួយនឹងការអញ្ជើញ របស់លោករដ្ឋមន្ត្រីការពារជាតិកកម្ពុជា លោក Yutthasak នឹងកោះប្រជុំខ្លីមួយជាមួយក្រុមមន្ត្រីរបស់លោកនៅថ្ងៃទី១៧ សីហា លើបញ្ហានោះ។ បន្ទាប់មកលោករដ្ឋមន្ត្រីការពារជាតិថៃរូបនេះ នឹងចាត់ចែងលោកឧត្តមសេនីយ៍ Wissanu Sriyaphan ដែលជាប្រធាននាយកដ្ឋានកិច្ចការព្រំដែននៃទីបញ្ជាការកងទ័ពភូមិន្ទថៃ និងជាលេខាធិការថៃនៃកិច្ចប្រជុំ GBC ចូលរួមសហការជាមួយកម្ពុជាក្នុងការរៀបចំកាលវិភាគនៃកិច្ចប្រជុំការងារGBCឱ្យបានកាន់តែឆាប់ដែលអាចធ្វើទៅបាន។
អំឡុងពេលនេះ ក៏មានកិច្ចប្រជុំRBCក្នុងខេត្តNakhon Ratchasimaដែលមាន សហប្រធានលោកឧត្តមសេនីយ៍Tawatchai Samutsakhon មេបញ្ជាការយោធភូមិភាគ២ថៃ និងលោកឧត្តមសេនីយ៍ជា ម៉ន របស់កម្ពុជា ដើម្បីរិះរកមធ្យោបាយដាក់ក្រមខណ្ឌការងារនៃកិច្ចប្រជុំGBC។ លោកYutthasakមានប្រសាសន៍ថា កិច្ចប្រជុំGBC នឹងអាចកើតមានប្រសិនបើមានការយល់ព្រមអនុម័តពីសភាថៃ។ពេលសួរថា តើពេលណាកងទ័ពត្រូវដកចេញ? លោកឆ្លើយថា នឹងកើតមានឆាប់ៗបន្ទាប់ពីកិច្ចប្រជុំGBC។
ចំពោះសំណើពីសមាជិកព្រឹទ្ធសភាជាច្រើនរូបឲ្យគាត់ជួយនិយាយជាមួយលោកនាយឧត្តមសេនីយ៍ទៀ បាញ់ ពីរឿងជួយលោក Veera Somkwamkid អ្នកសម្របសម្រួលនៃបណ្តាញអ្នកសេ្នហាជាតិថៃ និងលេខារបស់គាត់ Ratree Pipatanapaiboon ដែលកំពុងជាប់ពន្ធនាគារព្រៃស ក្នុងទីក្រុងភ្នំពេញ ប្រទេសកម្ពុជា បន្ទាប់ពីរកឃើញថាមានពិរុទ្ធភាពឆ្លងចូលកម្ពុជាខុសច្បាប់ និងស៊ើបការណ៍នោះ លោកYutthasak ថា បញ្ហានោះអាចត្រូវយកមកចាត់ការពេល ក្រោយ។ យើងមិនចង់ដាក់សំណើអ្វីដែលផ្តល់គំនាបដល់កម្ពុជានោះទេ ៕
ចែករំលែកព័តមាននេះ